مروج الانتقام

مقتطف

في احد الدول خارج البلد تقف وحيدة تنظر لخارج الزجاج وللعالم شتت نظرها صوت الهاتف يعلن عن وصول رسالة نظرت للهاتف ولم تجب عندما رفعت عينها ورائت تلك الصورة وعادت بها الذكريات لذلك اليوم عندما كانا يضحكان معا

قبل سنوات

باقي ايام على رجوعة من السفر جنت واكفة اجهز الاكل كل العادة بعدما كملت شغلي دك التلفون رفعتة اجاوب رقم غريب جاوبت لان متعودة تتصل بية ارقام ما اعرفة بسبب الدوام جاوبت وجانت بنت

_ مرحبا دكتورة --------
_أي نعم تفضلي منو وياي
_ آني هالة دكتورة
_خير هالة شكو متصلة من جديد
هالة: اتصلت ابلغج بشيء ضروري تعرفي
_هالة سبق وكتلج لا تتصلين بية بعد شتريدن مني مو كافي الصار
هالة: رجائا  اسمعيني مرة وحدة بس
_ببرود: احجي اسمعج بس قسما بالله إذا اتصلتي بعد متلومين غير نفسج
_تمام تمام بس اسمعيني آني اجيت ابلغج بالي صار حتى متعرفين من غيري وتلوميني بعدين
_احجي شكو
_ زوجج
_ شبي شصاير وياه
_ لاتخافين مابي شي بس آني عرفت هو -------------
_من بعد ما سمعت كلام هالة انصدمت من الكالتة سديت الخط وكعدت على الكرسي القريب مني معقولة ايسوي هيج بية جنت احجي وية روحي بصوت عالي
_لا لا لاتفكرين هيج هاي جذابة مستحيل ايسوي هيج بيج مستحيل هو سوة المستحيل حتى تزوجون مستحيل يسويهة
باثناء تفكيري وانهياري وصلتني رسائل من هالة فتحت التلفون وشفت جانن صور انصدمت اكثر مستحيل معقولة هذا الشي هو ايسوة هيج لا لا ما اصدك اتصلت بي ايدك وميجاوب ضليت بقلق مستحيل اصدك هو هو ميسويهة معقولة ايضيع كلشي بعد هل العمر بس اذكرت كلشي صار هذاك اليوم والي سمعتة صرت اربط الاحداث سوة وية كلام هالة انصدمت اكثر بجيت بقلة حيلة يعني صدك سوة هيج بية معقولة ياذيني بهل الشكل معقولة من كثر البجي والوجع الحسيت بي فقدت وعيي وما حسيت بعد بشي

في مكان آخر

_ شوكت ناوي تحجيلهة الحقيقة
_ مستحيل ماكدر احجيلهة
_ بس لازم تعرف حرام عليك تخدعهة هيج
_ كافي اسكت افهم ما اكدر احجيلهة هل الشي
_ليش فهمني ليش لشوكت تضل ضام عنهة الحقيقة
_ لاخر يوم بعمري مستحيل تتحمل إذا عرفت راح تموت ما تتحمل
_ لا تفاول عليهة هيج حاول تحجيلهة شوي شوي
_ مستحيل إذا عرفت وما ماتت راح تتركني وتروح وآني ما اكدر اخسرهة جازفت بكلشي علمودهة لخاطر نكون سوة إذا عرفت تروح وبعد ما اشوفهة افهم إذا عرفت مستحيل تخليني المح وجهة بعد غير انو تودي نفسهة للتهلكة
_ ما ادري ما ادري حاول وياهة لازم تعرف الحقيقة لشوكت تضل ضام السر عنهة هيج هي متستاهل
_ كافي اسكت خليني افكر شسوي
_بس خليهة بالك إذا عرفت من غيرك راح تاذيك مو بس اتركك
_ ادري ادري
طلع وضليت صافن إذا عرفت شسوي مو بعيد تدمر بس اعرفهة ما راح تسكت اول شي ادمرني آني واخسرهة اخ اخ يكلبي شلون بينة إذا عرفت

_____________

كاعدة كدام القاعة بصفي المحامي واكف يحجي بالتلفون ومنتضرين يوصلون حتى ندخل سوة جنت قلقانة وخايفة شلون بعد هل الوقت كلة توصل بينة لهل المكان شلون وصلنة لهنا التفت الها كاعدة بصفي بكل برود وهدوء شلون صارت هيج هادئة وعادي عدهة الموضوع شلون اخذت هل القرار وهي روحهة بي
_ متاكدة من قرارج هذا
_ أي متاكدة
_ شلون راح تتحملين تبتعدين عنة
_ مثل ما هو قرر يبعد ويخسرني
نرفزتني برودة اعصابهة عطت بيهة بصوت ناصي
_ فهميني شوكت هو ابتعد عنج وخسرج ها مو انت الي قررتي تنفصلون بعد شلون هو الي ابتعد
_هو قرر يبتعد ويخسرني من يوم الي جذب عليه وضم السر طول السنوات عشت وياه وهو ضام عليه
_لو بس الله يهديج تكليلي السر شنو ارتاح
_ ما اكدر مو وقتة
التفنة كلنة من سمعنة صوت المحامي الخاص بالخصم باوعت على البصفي شفت نظراهتة كلهة حقد وكره اتجاهة بينما كانت نظراتة تتوسلهة تتراجع عن قرارهة سلمو المحاميين على بعض ودخلنة سوة
مرت المحاكمة بهدوء ما ركزت وياهم من وجع راسي بس رفعت راسي من نطق القاضي بالحكم
نضرتلة بهدوء وابتسامتة نصر على وجهة وطلعت كادمنة سرعت مشيتي حتى الحك بيهة وصلت يمهة وهي اتمتم بكلام مو واضح بس ركزت بكلامهة من كالت
_ وهسة بلش الانتقام وراح اخذ حقي منكم
صفت بكلامهة مو فاهمة سرعت مشيتهة وركبت سيارتة وطلعت حتى ما تكلمت وية المحامي
وهاي جانت آخر مرة اشوفهة بيهة

_____________________

كاعدة ببرود ولا كأنما كلبت الدنيا على رأس الكل عطت بيهة

_لج بس فهميني شلون اسوين هيج انجنيتي انت ماعندج عقل متفكرين

_لا ماعندي عقل وميهمني شي سويت الاريدة وانتهة الموضوع رديت اعتباري

_يا اعتبار فهميني يا اعتبار لج أنت حركتيهم تعرفين شنو حركتيهم

_ واذا ميهمني خل يحتركون عساهم بالموت ميخصني

_زين هسة شراح اسوين مو خبلتيني وياج زين هما إذا عرفو أنت ورى كلشي تدرين شيسون بيج

_عادي شيسون خل ايسون ما اخاف منهم ميكدرون اياذوني ماعندي شي اخسرة بعد كلشي حلو اخذو مني

_وهو تتوقعين راح ايرحمو تدرين اول بشر ايشكون بي هو يعني الضرر كلة يوكع براسة

_لا لاتخافين هو يعرف يصرف

_ولج خايفة عليكم والله

_خافي على نفسج ولا تخافين على ابو الاكبر مينخاف عليه عيوني

___________________
اغصاني الحلوات القصة حاليا تحت التعديل اتمنى اشوف تفاعل حلو حتى انكمل مع بعض

احبكم كلش

               الكتابة غصن الياس

حساب الانستا نفس يوزر الواتباد تابعني هناك حتى اتعرفن اخبار القصة ومواعيد النشر
    
           يوزر الانستا @gs_22yn