راح يصحيهم،قامو كلهم وتوضو وراحو يصلون
عند الحريم
كلهم صحو الا نوره وراحت ام عوض تصحيها
ام عوض:قومي ي بنت مافي وقت
ونوره ماترد عليها كانت نايمه نومه عميقه
راحت ام عوض وقالت ماصحت خلها نايمه واذا صحت خلها تقول ليه محد صحاني بصفقها والله
ساره:بنتي تحب النوم خلها تنام براحتها
ام عوض:ماقلنا شي نوم العوافي
جاء عوض عند باب المطبخ ساره تعالي
راحت له ساره وقال تبين شي ولا محتاجين شي من الرياض
ساره:اي فيه اغراض لازم اجيبها
عوض:زين بقول لعبدالله ياخذك معه ، نوره موجوده بالمطبخ ولا
ساره:لا نايمه
عوض:زين، يلا انا رايح اقول لعبدالله
راحت ساره تلبس عبايتها والشال ونقابها وراحت لبنتها نوره
صحتها،ساره:نوره قومي انا بروح الرياض بجيب كم غرض
وفزت نوره وقالت برووح وقامت تغسل
ساره:انا بقول لابوك واجيك
راحت لعوض
ساره:عوض تعال ترا ساره بتروح تقول
عوض:مو تقولين نايمه
ساره:توها صحت وقلت لها اني بروح وقالت بروح
عوض:خلاص انا بشوف الامور واقولك
عوض راح وشاف عبدالله يسولف مع ثامر وقال عبدالله امك بتروح معك وانت ي ثامر خذ معك نوره وريوف
عبدالله:شمعنى
عوض:اسمع وانت ساكت سمعتو وشقلت
ثامر:ابشر ياعم
عوض:متى بتروحون
عبدالله:الحين
عوض:يلا اركبو سيارتكم وانا رايح لهم
راح لريوف وقال ريووف تعالي
ريوف كانت بالمطبخ وسمعت صوت عوض وراحت
ريوف:هلا
عوض:تروحين للرياض مع ثامر ونوره محتاجه شي من هناك
ريوف:لا والله ماني محتاجه ليه
عوض:ابيك تروحين معهم
ريوف:ماقدر اروح مشغوله خلها تروح لحالها عادي
عوض:التفت للباب وقال زين وطلع وراح لنوره وساره
نوره انتي بتروحين مع ثامر وساره روحي مع عبدالله
نوره:يبه مو مح... قاطعها ابوها وقال
شفيها لو رحتي معه مابياكلك ترا
نوره:سم
عوض:يلا روحو ينتظرون
راحو ونوره ركبت بسيارة ثامر وساره مع ولدها عبدالله
ثامر:الورعنه كبرو والله
نوره:حتى انت ورع وكبرت
ثامر:على اقل اكبر منك
نوره:امش بس
ثامر:طيب بمر عبدالعزيز اقولهم عن العزيمه واخذه معي لاني ماعرف اسواق الرياض
نوره:طيب
عند عبدالله وساره
عبدالله:يمه اي سوق تبين
ساره:اي سوق تعرفه ودني له اشوف اللي ابيه اذا موجود اخذه
ابشري ، عبدالله كان يمشي 200 ومايهمه كم يمشي وثامر كان يمشي بشويش لان مو متعود يسوق كثير
عند المشب
ابو عوض دخل وقال خالد قم جب الشاي والقهوه من عند البنات
خالد:سم
توجه خالد ل عند باب المطبخ وقال فيه احد
وكانت جوري موجوده بس
جوري:هلاا انا موجوده
خالد:جيت عشان جدي قال جب الشاي والقهوه جاهزين ولا لا
جوري:اييي جاهزين الحين بعطيك ياهم
وراحت تاخذهم وعطته وكانت جميله وشعرها المنثور الاسود ولحدة رقبتها ولابسه فستان قصير شوي اصفر وعطرها الفاايح وشافها وماتوقع ان بنت سعود بهالجمال توقع انها مو جميله لان يقولون عنها مغروره وكلام انخطف قلبه وكان واقف يناظرها ووقفت ماده له القهوه والشاي وماخذهم وصارخت بوجهه قالت هييي وحس وقال مشكوره مشكوره وراح وقال
يبتدي عمري بصوتك وانتهيك
وارتوي بك شعر و ابيات و غزل
هاك قلبي ذايب براحة يدييك
وين أبي القى لخافقي غيرك محل
ومادرا انها عند الباب الين ماراح وسمعته وابتسمت ودخلت داخل المطبخ عشان مايشوفها وانها سامعته وراح لبيت الشعر وحط القهوه والشاي وراح للمشب
خالد:ي ولد بنت سعود ماتوقعت انها كذا
محمد:ليه شفيها شفتها
خالد:اي شفتها هي اعطتني الشاي والقهوه،سرقت قلبي اخخخ
محمد:اثقل اثقل لايشوفك ابوها بس
خالد:صد وقال الشرهه علي اني اجي اقولك يليت ثامر هنا
وراح عند عمامه يجلس
عند ثامر ونوره
وصلو الرياض ونوره كانت نايمه ورا ،ومايعرفون اذا ساره وعبدالله وصلو وراح ل آل مساعد طق الباب وفتح له عبدالعزيز وسلمو
عبدالعزيز:هلا ب ثامر وحشتني تصدق
ثامر:العشيرر انت
عبدالعزيز:اقلط داخل مافيه الا جدي وابوي وجدتي
ثامر:مشينا
دخل ثامر وعبدالعزيز :
ثامر:السلام عليكم ي الغوالي
الكل:وعليكم السلام
ساير:هلا بولدي اخبارك عساك بخير انت واهلك
ثامر:بخير كلنا انتم اخباركم
الكل:الحمدلله
ثامر:انا جاي ابقولكم ان اليوم عندنا عزيمه بالمزرعه وجيت للرياض عشان ابلغكم
ساير:وش المناسبه
ثامر:مافيه مناسبه بس جدي قال انه بيذبح ويعزم
ساير:اي زين جايين ان شاء الله
ثامر:حياكم كلكم وكلمو عمي زيد يجون جميع اذا ماعليكم امر
تركي:على خشمي
ثامر:ي عبدالعزيز ابيك تروح معي تعلمني على اسواق الرياض
عبدالعزيز:ابشر اسبقني جايك
راح ثامر عند الباب الشارع ينتظر عبدالعزيز وجاه بعد دقايق
ثامر:عبدالعزيز اسمع ترا معي بنت عمي نوره
عبدالعزيز:دامها معك ليه اروح
ثامر:ي ولد امش عادي انا قلت لها بعد
عبدالعزيز:سم
راحو السياره وركب عبدالعزيز جمب ثامر وثامر ضحك قال شف شف نايمه وعبدالعزيز مات ضحك وقال
عبدالعزيز:ليه نايمه الناس الظهر
ثامر:صاحيه من الصباح تلقاها
وضحك ومشو وثامر خلاها تصحى وتوجهو للأسواق
ولقو فيه سياره عند الخط وفيه حادث
عبدالعزيز :شف الله يكفينا شر هالحوادث
ثامر:ناظر وشاف السياره ولما شافها زي سيارة عمه عوض!
نوره:يمه زي سياره ابوووي
عبدالعزيز:طيب وشو الحين احد من جماعتكم رايح الرياض
نوره:اي امي واخوي عبدالله
ثامر:ي ساتررر خل ننزل انا وانت ي عبدالعزيز نشوف ونرجع
نوره:لاااا بروح معكم اخاف
ثامر:امشي ي خوافه
وراحو وكانت الصدمه بوجيهم كلهم لما شافو الحادث
والسياره المقلوبه وواضح الحادث كان قوي
وجو وشافو اللي سوو الحادث
عبدالعزيز:اعوذ بالله الله يستترر
يتبع ....
