ثار هلي (حضيرة الجرائم)

البارت الاول

بَـسم الله الرحـمـٰن الرحيم🤍
اللهم صلِ ؏ مُحمد وآل مُحمد 🤍.

السلام عليكم حلويني شلونكمم عساكم بخير ! طَبعاً كملت امتحانات من بعد تعبببب وسهر بقت بس النتيجة ادعولي يارب انجح 🦋.

هاي اول رواية اكتبهة چانت ببالي كلش فكرة هاي الرواية والأحداث ف حَبيت اكتبهة واشاركهة وياكم + دارونه بالتصويت بعد چبدي 💋.

نبلشش الروايههه ونكول ياعلي...........

اول شي خل اعرفكم على البطلة وعائلتهة:

هلا دادة اني ريـهام وعـمري 18 طالبه سادس علمي وعطوبي وكفن من السادس المهم بَشرتي حنطاويه وشابعة تنمر الله وكيلكم وشعري اطول مني ليكول شعر الحصان كل ما اريد اگـصة الكة امي فوگ راسيي ومتخليني اكصه طولي وسط وعايشه ببغداد الجميلة كُـل همي اكمل دراستي واحصل على الوظيفه الي اني احلم بيهة (تحقيق جنائي) اي يعيوني اني احب سوالف التحقيق سوالف العسكوريين عبالك ولد مو بنيه وها خل اكللكم على دلعي يصيحولي جعيفر لان تصرفاتي وحركاتي كله مال ولد حته هدوم اخويه البسهن المهم تعالو اعرفكم على عائلتي الجميلة🦋✨..

امي (ام رضا) وعمرهة 42
أبوية (ابو رضا) وعمرة49 عندة معرض سيارات (بس اكبر اخمط سيارة من ابويه)
رضا اخويه الجبير الي مكضيها سربته واكبر سليت ودايح شگد ننصح بي بطل لواته بطل دياحه ميفيد ويا 🌚..

عـائلتي صغنونه الله يخليهم الي

يلا كافي خلي نبلش...

يوم الاحد ساعة ١:٣٠ في تاريخ ٢٠٢٣ /٤/١٨
قررت عائلتي انو نطلع لان جانت عندي امتحانات ومحصورة حصرة الچلب ..
ام رضا : يمه ريهام اكعدي كافي نوممم متشبعين ريهامممممممم ام عطوب
ريهام : اسمع امي تعيط من الصبح تكعد بيه واني دا احلم وبسابع نومة ..
رضا : يمة شدكولين اروح اني اكعدهة بطريقتي (دخيلك ياعلي هذا الشيطان يخاف منه)😐

رضا: صَـعدت لكيتها مطمورة وجانت اكو سماعه بالغرفه وهاي اذا نعلكهة تكعد الميت
شغلت اغنيه ( يم گلب طيب صافي هالنوم كومي كافيي..💃🏻)

ريهام : حاط السماعة يم اذني كبيت كبة عبالك جابو رجلي شهيد گلبي صار ببطني من الفزه
ريهام : لكككك رضااااااااااا اليوم اهلس زلووفككككك ابو كرششششششششش اصبرلي

ام رضا : ولك رضا كتلك كعدها مو هيج مو تدري هية عدهة فزه وتخاف بله ماتت شلون؟