قدر مراهقة 2

الجزء 65

#قدر_مراهقة2
#ميرال_مجد
#بقلم_فريال
الجزء 65
روحي ياليام وارواحي ياليام وهاهو جا نهار الي برد فيه شويا قلبي قاعدة نشوف في اهل بابا عماماتي بناتهم ويماهم كامل مسلسلين ورافدينهم لابوليس ايييي قلبي مقديتش يستاهلو ومنيش ندمانة على وش درت عمامي وبابا يجريو يحوسو يفهمو وش صرا وواحد ماحب يخبرهم لانو لقضية كبيرة وماينفعو لا لمعارف لا والو، كانو مجمعين كامل عند جداتي فرحانين ويقصرو مافاقوش حتى صدمت عليهم الدولة فتشت الدار ولقات الغبرة لتم بلا مايحكو معاهم ولا يحلبوهم رفدوهم كامل ماهمهم لا صغير ولا كبير كامل باتو في السيلونة لانو كل الادلة ضدهم وبابا كي عرف وش السبة جبد روحو هو وعمي لكبير بعد ماخرجو يماهم برك ورفضو يعاونو الباقي لانو ناضو يطيرو فيه كي قالهم من قبل قولتلكم عسو بناتكم ونتوما رفضتو هاه وش صرالكم ذوك بردتو ناضو ليه بناتنا خاطين ووو وام هند قالتلو عس ولاد وبناتك ومتدخلش فيا انا بناتي نحلفلك على لمصحف بلي خاطيين كي قالتلو هكا حلف فيها وجبد، بقاو زوج قعدو يتجاراو باش يخرجوهم لانو راهم في طزينة وبخصو بيهم حكاياتهم رجعو على كل لسان مام رجالهم وكاين الي جبدو روحاهم لانو تاع صح صعيبة دار كامل معبية نسا يترفدو وفوقها يباتو في الحبس وبتهمة التجارة بالمخدرات اييي بزاف بزاف والله. قعدو 4 ايام وخرجو من لحبس راسهم مقدروش يرفدوه تلمو كامل عند دار جداتي زعما يتشاورو ويلقاو حل لتبهديلة هذيك ويبررو لناس بلي هوما خاطيهم عيطو لبابا مع لول مبغاش يروح من بعد راح انا تاني وخاوتي روحنا هوما استشفاو فينا وذوك جات دالتنا مع دخلنا لحقت لصالو وقفت في الباب نشوف فيهم كامل متلمين وجوهم كوحل وحالتهم حالة يبهدلو والله مايغيضو هوما بغاو هكا الدنيا دوارة يوم ليك ويوم عليك ذوك جات دالتهم يتوجعو وحنا نستشفاو، شفت فيهم مليح ونوض نزغرت وتلحق ورايا رنيم نزغرتو ونعاودو بابا هبط راسو ماقال والو اصلا مايقدرش يحكي ويحبسنا لانو هوما الي بداو في المشاكل، كي كملنا قالتلي ام هند وش تربية هذي مرباتكش يماك كيفاه تزغرتي راكي تستشفاي فينا ولا وش _ اكييييد حاجة باينة هذي راني نستشفى فيكم كيما ستشفيتو في موت ماما وزواج خوكم شتو دنيا شحال دوارة يا لافامي تاعي لفاعي يا خواتات بابا الي عندهم سوابق عدلية هاه تطور ملحوظ من الفتن وتخريب لبيوت رجعتو تبيعو لغبرة وتدخلو للحباس منعرف وش راح تزيدو ديرو اكثر من هكا يمكن توليو تقتلو وتبيعو الاعضاء وتخرج عليكم لانو جهنم تستنى فيكم تتلمو كامل وتكملو حياتكم تم.
#فريال