قدر مراهقة 2

الجزء 67

#قدر_مراهقة2
#ميرال_مجد
#بقلم_فريال
الجزء 67
كي قولت هكاك وجها كحال وصفارت قولتلهم اذا تحبو نعطيكم البلاصة اكزاكت ونتوما روحو وزدت وريتلهم فيديو كيما نهار رفدوهم لابوليس كي كانت واقفة مع الكلوشار تاعها وهو عطاها شكارة كحلة نفسها الي داوها لابوليس لتم صاي تفضحت هي لعبتهت قافزة جات تنحيلي تليفون وتضربني ونشدها غش يماها وهي كامل فرغتو نهار هذاك وحدة ماحبت تقرب ولا دافع عليها لانو كرهوها بسبابها دخلو للحبس جداتي قالت لبنتها ارفدي خراك وقودي منزيدش نشوفك بهدلتي بيا وعلى اخر عمري دخلت للحباس في جرت لقحاب تاوعك، دارو بيها كامل يسبو ويعايرو وتلاصقو وحدة تقولها هذو دموع ليتامى خرجو فينا كي زعفناهم ووحدة تقولهم هذو دعاوي سلمى الي ظلمناها ورجعو مسحو لموس في ام هند قالولها انت كنتي تحرشينا ولوكان ماشي انت والله مانروحو للفاتحة ومنديروش لعرس وحرام عليك ناضت فيهم قالتلهم ذوك جبدتو رواحكم ياك نتوما تاني كنتو واقفين معايا والي نقولكم عليها تقولو هيه لفاعي كلاب درتو عليا ربي يجيبهالكم وتلاحو في بعضاهم يتناتفو انا بعدت على هند وبقيت نتفرج ونضحك رنيم من لهيت تصور فيهم انا وصيتها لازم نخلدو الذكرى هذي مجاياش تفوت هكاك، قتلو بعضاهم حتى بناتهم وتلاحو يفكو ويضربو جداتي زعما طلعلها السكر ولعبتها داخت باش يحبسو بصح هوما ماداوهاش فيها خلاوها زي الكلبة بابا فحصها وكي لقاها لباس رفد روحو وراح وانا وخاوتي تاني خرجنا نضحكو عيت نسكت وائل قالي انت ورنيم سبابهم ياك _ اويلي وش راك تقول استغفر الله وش دخلنا حنا _ متقدروش تفوتوها عليا راني عارف كلش تظلو تحكي وتتغامزو وتتلاقاو ديما وكنت عارف بلي راح تحي موصيبة من وراكم وهاهي جات _ غاضوك _ لا بصح كنتو قادرين تباصيو نتونا في جرتهم _ متخافش كنت حاسبتلها مليح مليح ومستحيل نتقاسو اصلا مادرنا والو _ اركبي في لوطو واحكيلي وش درتو متبقاوش واقفين هنا كشما يخرج واحد ويسمعكم _ عادي ميهمش يسمعو ولا يقعدو ياك تشوهو صاي وتفضحو ذوك ماعاد يهمني والو. ديمارا طريق كامل وهو يضحك علينا بديت نحكيلو كيفاه حتى باصيتهم او بالاحرى هو باصاهم هند كانت مصاحبة واحد كلوشار واعر بزاف تاع حباس ويبيع الغبرة وجماعتها (اي حاجة ممنوعة يخدمها بدون ذكر اعماله منحبش المشاكل) المهم هذاك الراجل كان يخرج معاها ويصرف عليها وهي كانت تمدلو صوالح (بدون فضايح اصلا عيب نتوما صغار ملاومش تعرفو وش يديرو، كانو عايشين زي المتزوجين).
#فريال