قدر مراهقة 2

الجزء 68

#قدر_مراهقة2
#ميرال_مجد
#بقلم_فريال
الجزء 68
هي كانت تضرب الغبرة ولحب وهو كان يجيبلها وبالمقابل تخرج معاه وتبات معاه تاني، اخت الراجل هذا نعرفوها قرات معانا وايا كي تلاقات برنيم وسمعت بموت ماما وبلي راني في سبيطار جات طلت عليا وبقينا نحكيو ونشايخو هي نعم الناس من كلمة لكلمة حكاتلي على هند وخوها انا قولتلها راهي معاه بلاك راكي غالطة لانو هي اي مصاحبة صاحب باباها_مكانش منها مستحيل اي مع خويا والله ويسمع ينحرها _ منيش نكذب عسيها وتبان _ لوكان تخرج صح خويا يقضي عليها يدمرلها حياتها هو قد مايحبها وحنين معاها قد ماهو صعيب ومزير حاجتو ليه وحدو ميحبش الي يشاركو فيها ولايدور بيها ويقبل كلش غير الكذب والخيانة ميسامحش وياما دخل للحبس في جرت الكذب والخيانة هذي اخر مرة صاحبو شدو مع حبيبتو كسرلو رجليه وزادلو يدو وطفلة هذيك عجب بيها خلاها تتلاوح برا عريانة بعد ماشبع منها هو فوتها لصحابو قطعوها تقطاع حتى ولات تتلاوح في سبيطارات وهو باصى وكي خرج زاد تعارك ودخل تاني ومن بعد تعرف عليها وبدات علاقتهم وهي كانت تمدلو كلش وهو تاني قداش من مرة يجيبها لدار وتبات عندنا ماما متقدر تقولو والو تخافو وديجا يديها لطاج تاعها يعني مادورش قدامنا بزاف _ ايييه ظهرت مخلطتها منا ومن_ نروح نحكيلو وهو يعسها ودبر راسو معاها_ دبر راسك ديري الي يريحك وعندك كشما ديريلك هي اي واعرة _ ماعندها ماتقضي تخاف منو تموت قداش من مرة يضربها ويجرجرها وترجعلو زي لكلبة_ مذلولة ربي يهديها _ ايا نخليك باش اتهلاي في روحك وانا كي نقعد نزيد نطل عليك _ تعيشي حنونة ربي يحفظك. بعد ماراحت هي وحكات لخوها كلش هو بدا يعس فيها وصح شدها تخون فيه وتحلف فيها يباصيها بقى يتبع فيها من بلاصة لبلاصة وقالهم نفضحها هي وعايلتها ونخليها تعيا ترفع راسها وهذاك الي صرا عسها حتى راحت لدار جداتها وتلاڨاها وعطاها شوي غبرة ليها لانو مدمنة وزادلها صاشي فيها كمية معتبرة دارها داخل دبدوب ومعاها صوالح ملاح هي كي لهايشة حطتهم عند جداتي ودبدوب جبداتو من صاشي وبقات توري فيه وتغير لبنات زعما ايا عشات في الحبس تتبهدل، هذا كامل بسبابكم _ لا مدرنا والو غير حكينا الحقيقة وهو دار _ مليح مليح يستاهلو مااكثر بصح جدة مسكينة _ لوكان عرفت تربي مايصرالها هكا يستاهلو ومزال لخير للقدام ان الله يمهل ولا يهمل كيما ضحكو علينا وخربولنا دارنا تصرالهم هكاك وهوما ضربتهم واعرة تبهدلو وناس كامل ولات تحكي عليهم ذوك ولا واحد راح يقدم ويخطب بناتهم اللهم لاشماتة بصح انا شمتانة.
#فريال