بعد ماخلصو طالعو دلعهم وضحكو شافت عنود الساعه وقالت لها انه مابقى شي وتبدا الزفه عدلت حمرتها وشكلها وتجهزت ،بعد مده بدت الزفه بصوت راشد الماجد:
صلو صلو على النبي
الف الصلاه والسلام
سمو سمو يالحضور
بسم الله الي عينه ماتنام
ياعيون سمي بالنظر وادعي الاله لـ اجمل عروس في الوصايف نافله طلت مكان البدر واحتلت كساه سبحان الكامل خلقها كاملة
صلو صلو على النبي
الف الصلاه والسلام
سمو سمو يالحضور
وصلو صلو على النبي
-
كانت الانظار كلها عليها من الي يدكرون ربهم من الي حاسدينها من الي يسمون عليها من الي نظراتهم حقد تقدمت تقعد ساعدوها البنات بعدها اشتقلت اغنيه وكلهم وقفو جدامها وقعدو يرقصون لها ويسلمون عليها كانت مبتسمه بس هالبتسامه كانت مزيفه مو ابتسامتها الصجيه،قعدو يمها رفيجاتها و امها و ام نياف وخوات نياف والكل وقعدو يصورون معاها،بعد مده قالو لهم انه نياف واخوانها وعم نياف وابوها و الشباب بيدخلون لبسو كلهم عباياتهم وحجاباتهم،دخلو وتقدم نياف باس راس امه وراسها ووقف يمها ومسك ايدها تقدم ابوها وقف جدامها سلمت عليه ونطق:مبروك ياعين ابوج
التفت لـ نياف:اعرفك عدل يانياف وتعرف بغلاك عندنا ومازوجتك بنتي الوحيده الا اني داري انك بتحطها بعيونك
سيف تقدم لـ نياف:مبروك ياأخوي منك المال ومنها العيال
نياف ابتسم:يبارك فيك
سيف همس له:شوف لي وحده حلوه وقولي مااوصيك
نياف:انقلع عن وجهي
حازم جا:مبروك منك المال و منها العيال اي لا نوصيك عينك بالأرض لا تبطهم لك
ضحك وراح اهوا وسيف والباقي ضحكت غزلان بعدها قعدو والتفت لها وهمس:يالبيه يالضحكه تدرين كان ودي تكون لي الضحكه والنظرات ودموع الفرحه
ماردت عليه جت لها تالا:غزول قومي يلا
غزلان:وين؟
تالا غمزت لـ نياف:ارقص لزوجج يلا
غزلان طالعت نياف الي ضحك وطالعتها:لا وين روحي ارقصي انتي
تالا:مو على كيفج يلا اهيا ليله وحده ماتتكرر
وقفتها وخلتها ترقص كانت تهز كتفها يمي ويسار والكل التفت لها ورقصها وابتساماتها نياف وقف وقعد يصفق لها،بعد مده تقدمو يطلعون نياف وغزلان طلعو وراهم البنات
حنين مسك ايدها:دربالك على نفسك وعلى نياف لا تقصرين معاه واي شي تبين دقي
غزلان:ابشري ياعيوني
شيماء حضنتها:دربالج على نفسج
رغد:لا تطولين علينا
سمر:بشتتتاق
غزلان ضحكت:ماعليكم بكرا عندكم لا تسوون شي بدوني يويلكم
البنات:من عيونا
تالا:نيوف درباك عليها وعلى نفسك ترا تهبل ومافي احسن منها
جيان:دربالك على نفسك وتعال لنا بكرا
جميله:حبيب امك دربالك على نفسك وعلى غزلان ولا تزعلها ترا مافي نفسها
نياف:ابشرو من عيوني وبعدين تراني مو مسافر بكرا بكون عندكم
جميله:حتى لو
نياف التفت لـ غزلان:يلا
هزت راسها بالموافقه
نياف:يلا مع السلامه بكرا انشاءالله جايين لكم لا تحاتون
حنين:دربالك عليها وعلى نفسك
نياف:ابشري
شيماء:نياف دربالك عليها مو تزعلها اذا زعلتها وجت قالت لي بتهاوش معاك قلت لك بكيفك
رغد وسمر بصوت واحد:واحنا بعد
نياف ضحك:ابشرو والله بحطها بعيوني
دخلو البنات وجو الشباب
فارس كان حاط ايده على كتفها:نياف دربالك عليها يويلك اذا زعلتها ولا تضايقت منك
سيف هبد فارس على راسه:اعلمك ياولد الحلو انا تسحب علي؟
