" لا حول ولا قوه إلا بالله "
في احد الايام ببيت الجد ب اخر ليالي شهر رمضان المبارك كانت لطيفه تفطر مع ابوها وكانو يتكلمون فجاه الجد قال ل بنته لطيفه
الجد : يا بنتي لطيفه شرايك تكلمين اخوانك كلهم تقولين لهم يجون بكرا نتجمع كلنا وماشاء الله البيت وسيع يكفي لهم كلهم ومنها يجون للعيد ومنها نتجمع
لطيفه : ابشر يبه تآمر امر بعد الفطور بدق على واحد واحد اخليهم يجون
الجد : يعطيك العافيه بنتي الله يخليك لي ولا يحرمني منك
لطيفه : ياعمري يبه ولا يحرمني منك
وبعد ما خلصو فطور ولطيفه رتبت الاغراض وخلصت شغلها اخذت جوالها ودقت على كل واحد من اخوانها واتفقو كلهم يمشون بعد صلاه الفجر يجون للديره وبحكم ان من زمان عيالهم ما جو ف كانو البنات متخوفين من ذا الشي ونفس الشي العيال
الظهر على وصله عيال الجد عبدالرحمن كانت لطيفه تبخر البيت
الجد : حياكم حياكم ي عيالي وعيال عيالي تو ما نورت الديره والله
نطق خالد : الله يحييك يبه ، ي عيال ي بنات روحو سلمو على جدكم وعمتكم
العنود : سلام جدي شلونك
الجد : هلا ببنتي بخير الحمدلله و الحمدلله على سلامتكم
العنود : الله يسلمك جدي
فهد راس باس جده على راسه وكذلك كل الاحفاد و وعياله وزوجاتهم سلمو على الجد والعمه لطيفه
بعد ما سلموا كلهم على الجد والعمه جلسو كلهم ب المجلس وقال لهم الجد
الجد : انتو ي عيال مكانكم بالمجلس تنامون فيه كلكم والبنات ف الدور الثاني وعيالي كل واحد معه غرفه ينام هو وزوجته
الكل : ان شاء الله
كانو البنات يتعرفون على بعض وضافو بعض ف التطبيقات وجلسو يسولفون
جنى : بنات شرايكم نروح نرتب الدور واذا فيه اشياء ناقصه نروح مع العيال نجيبها
الكل : تم
راحو الدور الثاني وكل وحده مسكت شي تنظفه وتعدله
العنود : بنات نظفت المطبخ باقي بكتب الاغراض الاكل زي" اندومي مكرونه مفرحات مشروبات تشوكلت والخ "
ريم : وانا رتبت الصاله عدلت مكان التلفزيون وعندي "كتب بحطها ك ديكور وسجاد ولوح و طاولات "
نوف : بنات انا رتبت الغرفه كانت فاضيه وحطيت لنا كلنا فرش على الارض وكل وحده لحاف و مخده و بطانيه وحطيت طاوله مع مرايه عشان الميكب وضبطت الاضاءه وزينتها والبنات الصغار فيه غرفه جنب غرفتنا فرشت لهم فرش ورتبت الغرفه حقتهم الجوهره : وانا رتبت الحمام ( اعزكم الله ) مهي ناقصه شي بس منظفات يمكن نلقى تحت وكل وحده اغراضها الشخصيه
العنود : وين باقي البنات ؟
نطقت نوف : اتوقع راحو يجيبون الاغراض بنزل اشوفهم
العنود : تمام
نزلت نوف وشافت رند و ساره وهم يصعدون الاغراض نطقت نوف : بنات وش تسوون ؟
رند وهي تصعد على الدرج : نجيب الاغراض من السيارات انا و ساره للدور الثاني
نوف : تمام بجي اساعدكم
راحت نوف للسيارات تجيب الاغراض نطق فهد : هلا نوف وش بغيتي
نوف : هلا ما بغيت شي بس بساعد البنات اجيب الاغراض معهم
فهد : تمام تبين مساعده ؟
نوف : لا يعطيك العافيه
أنت تقرأ
اخترتك من الناس للقلب خلّه 🌷
Romanceفي احد اخر ليالي شهر رمضان المبارك اخبر الجد ابنته ان تتصل على اخوانها كي يأتو يقضو الايام المتبقيه من شهر رمضان والعيد وكانت هناك صدف كثيره بين الابطال ونضرات حب من طرف واحد يمكن ان تكون حب من اول نظره لا نعلم 🤷🏻♀️ ولاكن مع الايام يصبح الحب من ط...
