قدر مراهقة 2

الجزء 69

#قدر_مراهقة2
#ميرال_مجد
#بقلم_فريال
الجزء 69
ليلة هذيك تعشينا عند وائل وكملنا سهرنا وروحت انا لداري اما اسيل راحت باتت عند اسراء لانو يتفاهمو وصحابات وانا ورنيم نتفاهمو لانو من نفس العمر وقرينا مع بعض وعندنا عرڨ التشيطين تاني (دار خاوتي قدام بعضاهم لاصقين لزوج بناو كيف كيف وفي نفس الكارتي تاع دار بابا)، روحت لداري حطيت بنتي كانت ديجا رقدت من تعب مسكينة عاقلة صوتها مايتسمعش على عكس باقي لولاد يطيرو مع جنون هي وين نحطها تتحط ماتبكيش بزاف الا اذا جاعت وتحب ديما تقعد في حضني انا ولا باباها لوكان تلقى متبعدش بزاف تقول حابة تشبع منا وتشبعنا منها بصح الوالدين عمرهم يشبعو من ولادهم حتى ويبقاو مقابلينهم سنين مايكرهو مايملو منهم كشما واحد يكره من كبدتو جزء منو صغيرو الي تعب عليه 9شهر هذا وحم هذا قيا هذا وجع وزيديلها الولادة وتفراع والتمرميد وانا في حالتي مقعدتش معاها بزاف لانو كنت في اكتئاب بصح هكاك ومقدرتش نفرط فيها حاجة من داخلي تحوس ديما عليها لكان نلقى نقابلها ليل مع نهار. مجد خرج لبرا قالي نروح لعند بابا مانعرف وش بغا ونجيك منطولش _ اووو ياك هذا وين كنا لهيت قراب عليه على مرحتش ولا مكنتش حاب تديني معاك ولا اصلا ماكش ناوي تروحلو وراك غير تكذب عليا _ لا اله الا الله محمد رسول الله ياطفلة شبيك اني قولتلك رايح لعند بابا هذا وين عيطلي وقالي ارواح حاب نحكي معاك على جال الشغل _ شوف متخلينيش نبدا نراقب فيك ونعسك منحبش العفسة هذي اذا كشما عندك غير قولي باش نعرف روحي وننساحب _ تنساحبي بهاذ البساطة _ ايه وامالا انت ترضى تبقى في بلاصة مش مرغوب بيك فيها وفوقها انت الطرف الثالث _ وينى طرف ثالث وشكون قالك مش مرغوب بيك هنا انت عقلك تلف وراح _ ناناك الي عقلها تلف وغير متحاولش تبدل الموضوع متقدرش تنسيني فيه وايا انطق احكيلي وين رايح ومكلاه تكذب باش نعرف وش ندير_ وش راح ديري وريلنا تراه _ مانديرلك والو نرفد قشي وبنتي ونروح ونخليهالك تسرح وتمرح فيها براحتك انت والخامجة تاعك انا منرضاش بحاجة مستعملة الا الكرامة ياعزيزي هي كل شيء عندي _ اووو الكرامة وهذا ماعندك متأكدة _ ايه _ عندك عندك بزاف صوالح والكرامة اخر حاجة نحكو عليه _ وش عندي نعيك انت راك بدراهمك واملاكك لباس عليك على عكسي انا ماعندي والو من غير كرامتي ولاحقني ليها حاب تذلني _ شكون حاب يذلك اطفلة يهديك ربي اني مدرتلك والو وعلى سيرة الدراهم راهم قدامك ارفدي ادي وش تحبي ياك الي تطلبيها تحضر مانقص عليك والو _ ايه صح متنقص عليا والو بصح ناقصيني صوالح_ الي هوما هيا ازربي انطقي خليني نروح بابا يستنى ولا نقولك خلي كي نرجع ونحكيو مليح.
#فريال