قدر مراهقة 2

الجزء 70

#قدر_مراهقة2
#ميرال_مجد
#بقلم_فريال
الجزء70
يحكي معايا وناوي يخرج شديتو من يدو وقولتلو لا متحشيليش ذوك نحكيو _ هاه انطقي برك اوووف منك _ بغيت لوطو وغدوا نخرج نشري ناقصيني حوايج بزاف ونتعشا برا ومنروحش لنص الليل وتديني لشرق تاني والصحرا وبغيت خلخال زي تاع الرقاصات _ كلش قابل بيه ويوصلك بإذن الله بصح خلخال تاع الرقاصات في احلامك ماتشوفيهش راح ترجعيلي هنا رقاصة ووش ديري بيه _ امور خاصة _ كعاد امور خاصة شوفي منين تجيبه ايا باي منطولش ونجيك. قال كلامو وخرج خلاني نغلي وحدي الحلوف باخلني في كلش ماطلبت منو والو غير خلخال تاع رقاصات مبغاش يشريهولي لوكان وحدة خلاف يشريلها حلوف لبراري والله نكرهلو حياتو يستنى برك لوكان منخليهش يمشي ويحكي وحدو منيش مرا استنى اولد الحلوف لتيت بمشاكل شوي رجعت لقيتك تلعب من ورايا (اييي شيخي صح ظهر حلوف من قبل حاطاتو عاقل وناس ملاح بصح ظهر يلعب ورا ظهرنا زي السوسة لا زي النار الي تحت التبن تشعل بالشوي وطول باش تفيقلها وكي تفيق تلقى الفاس طاح فراس ومتقدر تعدل والو هكاك هو يديرهم مليح ومن بعد يحكي كي يشوفهم قربو يفيقولو). هو راح وانا عيطت لختو نشايخ معاها من كلمة لكلمة عرفت بلي راهي في دار باباها وبلي مجد راهو عندهم قولتلها علاه جا لوقت هذا غير الخير ياك ماكاين حتى حاجة _لامتخافيش غير عيطلو على جال الخدمة عندو مشكل ولازم واحد فيهم يروح للخارج خاوتي مبغاوش يخلوهم نساهم كعاد الكورونا انتاشرت بزاف برا وخافو عليهم ايا بغاو يبعثو مجد، (شوووف هوما رجالهم خافو عليهم وتاعي لا امالا والله مايعفسها نوريلهم لعب كيفاه) قولتلها ربي يسهل وش يحبو يديرو مندخلش امور رجال (في قلبي نقولها اسبري تشو والله مانخليه يعتب ونعرف روحي نقطعلو الباسبور)_ لوكان غير جاو كامل يخممو كيفك ذوك مايكونوش المشاكل خلاص النسا يهتمو بأمورهم ورجال بأمور الخدمة والله انا عيت في بابا قولتلو خليهم يروحو بالسيف عليهم باش هكا نساهم يترباو ميزيدوش يدخلو في حكايات الخدمة تاعكم حنا قاعدين نحكيو هوما سمعو الخارج وشهر وهوما ولاو يطيرو وحدهم ميروحوش ومنخلوهمش ولمرض وعلاه ماتبعثوش هذاك وهذاك كل واحد يرد اللوم على تاني وحنا قاعدين في نص نتفرجو رجعوها مسرحية حتى عيط عليهم بابا باش تفرقو كل واحد راح لدارو وماما ناضت تاكل في روحها قالتلنا هذا مابقالي على اخر عمري يجيو عرايسي يدخلو في الخدمة تاع راجلي انا الي كبيرة وجامي دخلت جاو هذو البزاوز يدخلو امالا نقولك والله غير نوصي باباك يبعثهم لبعيد باش يترباو يقعدو وحدهم. 
#فريال