قدر مراهقة 2

الجزء 71

#قدر_مراهقة2
#ميرال_مجد
#بقلم_فريال
الجزء 71
ليلة هذيك بت نطل ونهبط ونخمم كيفاه نشد مجد ومنخليهش يروح للخارج لوكان نقطعلو لباسبور يفيق بيا وعلبالي يخدم واحد جديد ومن بعد يروح مكرة فيا امالا نديرلو حاجة خلاف المهم يقعد معايا وينسى كلش. بعد عناء طويل لقيت حل ولي هو لفراش اصلا عندي مدة هاملاتو موت ماما بعد الاجهاض ومشاكل عماماتي ياربي مسني مرة بعد ماخرجت من سبيطار وبريت (صفيت وصاي وسقسيت طبيبة تاعي باش خليتو يقربلي لانو نخاف كشما يصرالي ايا هي قالتلي عادي لانو لبيبي كان صغير). فت لدوش دوشت وتعطرت ولبست شورط جهدو غطا اللازم ومعاه بيستي وروحت جبت بنتي رقدتها قدامي وغفيت مانستناه مانندب غدوا ونتفاهم معاه ونريڨلو يولي مايبعدش عليا خلاص، روح قريب 2لدار درت روحي راقدة باش منلصقش عليه ليلة الكلبة هذي نخليه على راحتو ومن بعد نلعب لعبي. رقدت حتى تنفخت كي فقت لقيت لجين تلعب بشعري وتبوس فيا الطفلة هذي تتاكل هزيتها وبستها غيرتني عضيتها تاني مابكاتش قاعدة غير تشوف كي شغل راهي تقولي وش راكي ديريلي مافهمت والو رفدتها وفت لدوش دوشت انا وياها وخرجت بالمنشفة وهي تاني لبستها قشها وفت هكاك عريانة للكوزينة في بالي مجد مكانش في دار خرج بصح كي فت على الصالة لقيت. قاعد لتم ويخدم بالبيسي وانا فيا طبيعة كي نهبط من دروج نخبط رجليا تقول بقرة الي راهي تمشي الي مسمعش يسمع بلي راني جاية ايا كي فت لعبتها مشفتوش وروحت نوجد لفطور ليا ولبنوتي حطيتها في الكورسي تاعها وانا درت نخدم وتعمدت نتحرك بزاف علبالي راهو واقف ورايا خليه يستاهل نشفلو ريقو ولا منيش انا، كي كملت درت زعما ولعبتها تفاجأت بوجودو قولتلو ياك روحت تخدم وش راك دير هنا خلعتني ياك قولتلك كي تكون في دار دير كاش صوت باش نحس بلي راك في دار قريب تحبسلي قلبي _ على حساب الشوفة انت الي راح تحبسيلي قلبي _ علاه وش درت_ خارجتلي عريانة هكا وتزيدي تهدري _ ارواح تفطر من بعد روح كمل خدمتك باش تخرجني راك وعدتني _ مابقات لا خدمة لا خرج ليوم كامل نفوتو معاك في شومبرة _ والله ماصرات وعدتني تخرجني كي نروحو ونتفاهمو _ انا غدوا مسافر _ وين _ نجيب سلعة وعندنا مشاكل لازم نفريهم _ علاه تروح انت خلي كاش واحد يروح _ مبغاوش ولازم نروح باش نفري كلش _ بصح لمرض او انتاشر بزاف ونخاف عليك _ ياعمري تخافي عليا _ هيا ازرب افطر واسكت نتبعك نبات هنا _ خلاص مايكون الا خاطرك نخرجك ليوم وفليل تسلكيني وغدوا نوصلك لدارنا تقعدي لتم حتى نروح _ لا نروح عند رنيم خير _ براحتك الي بغيتيها ديريها.
#فريال