بقيت عتلفون ساعة كاملة بس اگلب بي لحد ما مليت
رحت علواتساب وخابرت صديقتي روان نشوفلنا مكان نطلع بي واتفقنة نروح لمطعم بي كافي.
كمت من الفراش ورحت لبست فستان كريمي مرسوم عليه ورد اصفر

لبست كعب ناصي كريمي وياه واخذت جنطة صغيرة كريمية هم، شديت شعري على شكل كباية ونزلت كذلة.
كلت للحجية انا طالعة وية روان هنوب طلعت ووكفت براس الشارع مالتنة انتظر روان تجي لان هي تسوق بسيارة ابوها، و عدها رخصة قيادة ولو سياقتها تخوف بس الله الحافظ.
انتظرت فد خمس دقايق هنوب شفتها اجت، سيارة بيضة هيونداي موديل 2020.
دكتلي هورن وانا فتحت الباب وصعدت يمها.
زينب: بسم الله الرحمن الرحيم، لازم انطق الشهادة نفس كل مرة مو؟
روان: هاي شبيچ عيني لهدرجة سياقتي مخوفتج.
زينب: اي لهدرجة مو چنج عجوز جاي تسوق ماتشوفين وراج ويمين ويسارج.
روان: اذا ماعاجبتج سياقتي نزلي من السيارة.
زينب: سكتي سكتي وسمعي الفلم بس خاف اسولفلج هنوب تسويلنة حادث.
روان: اذا شي خطير وچدي خليها ورة مانوصل.
زينب: اي توكلي بس لاتسوقين بطيء چنج سلحفاة.
روان: اسوق بطيء تكولين سلحفاة اسوق سريع تكولين بطئي، يعني تفتهمين احسن مني؟ رخصة ماعندح.
زينب: انا اعلمج اذا ما حصلتلي رخصة مااطلع زينب يلة امشي لا اهفج هسة براچدي.
روان: فوك ما اوصلج واجيبج مجاناً تصيحين علي.
زينب: اهوو بدينةة.
بقينة نتناگر طول الطريق وهمزين ماسوينة حادث لان هاي الروان ما تنتبه للشارع عدل.
وصلنة للمطعم كعدنة بطاولة معزولة يم الحايط وطلبنة گهوة وبانگيك.
روان: اي احجي شصار.
زينب:امس رجعت من الشغل ولكيت مرة من هاي النسوان المرتبة الطاگين.
روان: اي؟
زينب: حجت وياي طلعت خالتي.
روان: شنوووو؟
زينب: شبيج فضحتينة صوتج.
روان: شلون شلون خالتج؟
زينب: موطلع جدي متزوج ثنين وهاي تعتبر خالتي الچبيرة، مهاجرة خارج العراق وية زوجها وجان عدها تواصل وية خالتي مها.
روان: وشلون درت بيج هناك عايشة؟.
زينب: ماجانت تدري انو اهلي توفوا..حسب حجيها درت قبل شهرين ودزت ناس من العراق تعرفهم يدورون على مكاني ودرت وين اعيش واجت گبل للعراق علمودي.
أنت تقرأ
أحبيني
Fantasyعذراً عزيزي المشاهد 🖐🏻:- هُنالك بعض الملاحظات التي يجب عليك ان تعرفها قبل ان تبدأ بالقراءة واعطاء الرأي: ∆القصة خيالية! اكرر خيالية! لاتمس للواقع بِصلة عدى ان بعض الشخصيات حقيقية! . ∆لا تبدأ بالسبِ او الشتم لان هذا سَينُزل من قِيمتكَ لا اكثر. ∆...
