اوفففف يله نبدي
....
علمود يكمل الشغل
جاي اشتغل واجت على بالي واتذكرت من عطت بيهة وشلون ضلت مدنكة يرب هذيج اللحضة مدا تروح من بالي احس نفسي حيل جرحتهة
صارلي 8 ايام ما راد للبيت اشتاقيتلهة وعد من ارد للبيت اعملهة كزوجة وما اخلي احد يئذيهة وراح اتقد عليهة محكمة وهيج اتصير مرتي شرعا وقانونا
بعد 10 ايام خلص الشغل وصا، ت وكت رجعتي للبيت
ركبت السيارة عبى السريع واني كلي لهفة وشوك الهة اريد بس المح طولهة
وصلت للبيت ودخلت والكل تلكوني وختي موجودة وبنات عمي واخت رهام بنت خالتي اباوع بالوجوه عسا ولعل المحها ضجت لان ما تلكتني خلص اني اروح سلمت على امي وابوي واخواتي وسلمت على البنات اجتي بنت عمي
وتين سلمت علية ابد ما اطيقهة بس هية لازكتلي
وتين...... هلو شلونك ابن عمي
مهيمن.... هلة بيج بنت العم
وتين... اشولا تسئل لا تجي شنو غيرتك الفصلية
مهيمن.... لا ادكولين فصلية هاي مرتي واحترامهة من احترامي واليقلل احترامه قلل احترامي فهمتن
ما اريد احد يتعرض الهة
نور
نور.... ها حبيبي
مهيمن.... وين ريتاج
نور.... بتلعثم بلغرفة فوك
مهيمن.... صار وجهة اصفر وتلعثمت والبنات هم خنسن
رحت صعت ركض دخلت للغرفة وياريت ما دخلتلكيتهة نايمة على الجرباية وراسهة ملفوف وجهوة كله اثار وذبلانة ركضت عليهة
مهيمن.... ريتاج ريتاج تسمعيني كومي حبيبتي اني اجت بعد ما اعوفج لج ردي علية
صحت صوت رج البيت رج
نووووور وينننننج تعااااااي
نور.... يمة عزززا صاحني شوفن اليوم يموتجن يا سافلات اله اسولفلة كلشي اني اعلمجن
البنات كامن يتراجفن
ركضت صعدت اله
نور.... ها
مهيمن.... من مسوي هيج بريتاج احجي اليوم اكلب الدنيا عفتهة 10 ايام هيج سويتو بيهة لك شنوالهة ذنب
نور... خلي احجيلك الي صار
مهيمن.... لج احجي شصار بغيابي
نور.... الرجوع للماضي
.............
ريتاج..... بعد ما مهيمن راح بقيت انام على الجرباية وحدي بالغرفة مرت 5 ايام على روحتة حسيت بفراغ جبير بدونة كمت اشتاقلة حيل احس نفسي بديت احبة
بس اذكرت اني فصلية وما يحقلي الحب اني هنا مجرد خدامة
مرت الايام واني اسوي الي كالتلي عمتي عليه الشغل الي قسمتة عمتي علينة
عمتي بدت تحبني وتعاملني زين وصارت تمدحني بكلشي اسوي عكس رهام ما تحبهة صح بنت اختهة بس ما تحبهة لان حية
مر 8 ايام على روحة مهيمن وحيل افتقدتة كاعدة بالصالة وصافنة اجتي نور
نور.... ريتاج. ريتاج. ريتاج
ريتاج... ها
نور..... وين صافنة
ريتاج.... ها هيج
نور..... امممم علينة دا تفكري بخوي مو احجي
صارن خدودج حمر
ريتاج.... خجلت من حجيهة ما عرفت شنو احجي
اي صح مفتقدتة
نور.... فديت التحب اخوي
انشالله كم يوم بعد ويجي
ريتاج.... اكلج اشو انتي تحجن بغدادي عكس اهلج
نور.... اي صح ما احب لهجت البصرة اغلب صديقاتي بالمدرسة هيج يحجن فتعلمت منهن
وانتي هم بغدادية راح تعلم هواي منج كلا
ريتاج... هاي قبل لا تتعلمين جوز انسا لهجتي من ورة اهلج
نور.... ههه اي صح
صدك رتوجة اليوم يجن بنات عمي وهم راح تجي اخت رهام الحية
ريتاج.... واذا خلي يجن
نور.... وج ذني مكروهات وشرانيات كلش اكو وحدة من بنات عمي تحب مهيمن ودوم تسوي اله اغرائات علمود يحبهة بس اخوي يموت منهة
ريتاج.... اي احسن
نور.... ديري بالج منهن
ديري بالج من رهام واختهة ومن وتين
ريتاج... وتين منو
نور.... وج هية بنت عمي التحب رجلج
ريتاج... ها فهمت اي
بعد ما حذرتني نور منهن شوية واجن بنات دخلن سلمن على الكل وسلمن علية الة هاي الي اسمهة وتين
وتين... هية هاي الفصلية اييع محلوة
نور... علساس انتي الحلوة شعليج
وتين... هاي شبيج هو اني شكلت وبيش ادفعين عنة مو اخوهة كتل اخوج
نور.... اي صح بس هية ما الهة ذنب ولا تتحارشين بيهة فهمتي
وتين..... ميته عليه
ريتاج.... ارتاحيت من حجت نور عليهة
ريتاج... شكرا لان دافعتي عني يروحينور... وج لا تشكرين اذا شكرتيني مرة الخ اموتج
ريتاج... حاضر مدام
ريتاج ونور... ههههه
ريتاج.... وتين تباوع علية وكانما تريد تاكلني
شوية واجتي انوب اخت رهام هم كذالك نفس الحجي ونور ادافع عني
وعمتي هم عاطت بيهن بعد ميحجن علية
صار 9 وباجر مهيمن يجي عزلت الغرفة ورتبهة وفرشت فرشة جديدة وعطرتهة وغسلت ملابسه وملابس وحضرتهن الة بالحمام وطلعت من الغرفة تلكني رهام ووتين واخت رهام
وتين... ها يلفصلية مرتبة نفسج مصدكة مهيمن يحبج لا حبيبتي مهيمن يحبني وبس يجي راح يخطبني
اخت رهام... شنو عبالج ناسية اخوج الحقير كتل حبيبي الة اكتلج بمكانة
ريتاج... جاي تحجن انتن مخبلات
وتين... اي مخبلت
ريتاج.... دفعني من الدرج من اول باية وكعت وليجوة تكسرت تكسر وانفتح راسي وصار ينزف دم
نور.... شفت رهام وتين ومريم متكابلات على رتاج شوية ودفعنهة من فوك
نور.... ريتااااااج ركضت عليهة تنزف وشبهة الميتة
يمة يممة وينج تعالي
ام مهيمن... شكو فتحت عيوني على وسعهن ريتاج يمة شبيج وج نور شصاير وياهة
نور... بس ابجي وما اكدر احجي ستوة دخل اخوي احمد كبل اجى يركض شالهة ووديناهة للمستشفى خيطو الجرح الي براسهه
وكال الدكتور عدهة نزف قوي يحتاج الهة دم
جبنة الدم الهة بس بعد ما صحت
ام مهيمن... دكتور ليش لسة مغمة عليهة
الدكتور.... من قوة الضربة يحتاج الهة يومين يلة تستعيد وعيهة
رجعناهة للبيت ودخلنا للغرفة
وطلعنا
نور..... وكق ربجن اذا صار شي عليهة الة ما تلومن نفسجن مهيمن يموتجن
وتين.... احنة شعلينة هيو وكعت
مريم... اي صح
نور.... انجبن حسبالجن ما شفتجن لا تنكرن
ام مهيمن... صدك ما تستحن وج رهام هاي انتي الجبيرة هيج تسوين خلي يكعد احمد واخلي يشوف شغلة وياج لان احسن منج وكسبت الكل هيج سويت صيري مثلة لج ليش هيج سويتن بهل مسكينة
وانتن حسبجن عد اهلجن
رهام.... لا عمة فدوة لا ادكولين لحمد
نور.... ماما خلي لمن يجي مهيمن وبابا ونحجيلهم الي صار
البنات صار وجهن اصفر ورادن يرحن لهلهن بس ماما ما اخلتهن
ثاني يوم اجة اخوي مهيمن
طب سلم ويباوع على الكل ادري بي يدور عليهة
اجت هاي الزركة سلمت علية سلمي سلمي براحتج اذا ما يروجن نجوم الضهر
صعد للغرفة وصاح صوت رج البيت ركضت الة
نرجع للحاضر
............
نور.... وهذا كل الي صار
مهيمن... من حجتلي نور وشنو سون وية ريتاج صارن عيوني بكصتي
وصرت ما اشوف من العصبية
نزلت بسرعة لجوة
كمشت وتين جنزتهة وكامت ترافس جواي
وادور مريم موتهة خليتهن يونن من الضرب
مهيمن.... وانتي يمرت اخوي حسابج يم اخوي
احمدددددد وينك انزل
احمد.... جنت العب بتلفون وسمعت صوت صياح وبجي وادور اخوي مهيمن صاحلي بعلو صوتة ركضت مثل المخبل الة سويت الدرج بايتين
ها شكو
مهيمن.... شوف مرتك المحروسة شمسوية
وسلفتلة كلشي
احمد..... تخبلت من حجة مهيمن هيج فرت وسحلت رهام للغرفة ونزعت الحزام موتته تموت
مهيمن.... امشن لهلجن وما اريد وحدة منجن تعتب هذا البيت اتصلت على اهلهن واجو وسولفنة الهن كلشي واخذوهن
ام مهيمن... يمة اعصابك لا اسوي هيج بروحك
مهيمن... يمة تدرين جنت متلهم على شوفتهة ما صدكت يمتة خلصت شغل واجيت هيج اشوفة
نور.... انقهرت على اخوي وعلى حالتة هلكد يحبهة اووف الله لا ينطيجن يا حقيرات
مهيمن... صعدت ورحت يمهة تمددت على الجربية واباوع لوجههة
بي اثار زراك وشفتهة مجروحة من الطرف هم وبيهة دم يابس
تقربت عليهة بستهة براسهة ونزلت على خدهة بستة ونزلت على شفتهة بستهة اووف شكد ناعفة وحلوة
والله الة اعوضج عن كلشي صار وياج وراح اخلج اسعد انسانة انتي صرتيمرتي وحبيبتي
والله بس تكعدين لسويلج احلة عرس
كمت بدلت وغسلت واجيت شغلت السبلت وطفيت الضوة واجيت تمددت بصفهة
وباقي اتأمل وجهة لمن غفيت
........................
بعيني كُل الناس غربة
وأنتَ من ظلك أعرفك
كُلشي بالدنيا فراغ بلايه چفك .
.....
الأذوَاقُ لَيسَت مُتسَاوِيَة ، فَأحدُهُم يَراكَ شَيءٌ عَادِيّ , و الآخَرُ يَراكَ الجَمالُ بِعَينهِِ !
