اخترتك من الناس للقلب خلّه 🌷

البارت ٤

" سبحان الله وبحمده "

ريم :اي والله شوفي وورتها صوره فهد
العنود :اي والله صدق فجر حبيبتي عطيني الريموت اشغل الاخبار
وشغلوها وبدو يناظرو
الكل جالس بهدوء على الاخبار ينتضرون الاعلان الرسمي للعيد عشان الكل يبدا يتجهز
واخيراً جا الاعلان الرسمي للعيد والكل استانس وقامو يبدون يتجهزون للعيد

نوف :بنات كل عام وانتم بخيير خلاص اليوم قهويتكم يعني ذي عيديتكم
العنود :ههههههههههههه ما تقصرين يعطيك العافيه
نوف :الله يعافيك ، دق جوال نوف وكان المندوب ردت عليه وقالت :يالله الحين جايه
نوف :فجور تعالي معي نجيب القهوه
فجر :يالله الحين جايه
راحو يجيبون القهوه

بعد ما جو
نوف : يالله كل وحده تاخذ قهوتها وامشو نتجهز
العنود : ايه بنات بسوي مقشر لنا نحطه
وراحو البنات يتجهزون الي تكوي لبسها والي تفكر وش تسوي شعرها و الميكب والي تحط ماسك على شعرها والي تحط مقشر والي ترتب الميكب حقها عشان ما يضيع شي ب صباح العيد

اما عند الجد وعياله واحفاده الي راح للحلاق والي راح يكوي ثيابه والي راح يحلق بالبيت عشان زحمه العيد والي راح يجيب حلى العيد و عطورات العيد

اما عند الامهات والعمه لطيفه الي راحت تكوي ثياب عيالها وزوجها والي راحت تسوي حلى العيد والي راحت تنظف البيت والي راحت تكوي لبسها والي راحت تشوف البنات وش يسوون

عند البنات الساعه ٢ الصباح
الجوهره : بنات متى اغسل الماسك ؟
رند : كم صار لك من حطيتيه ؟
الجوهره : يمكن كذا اربع خمس دقايق
رند : خلاص اذا حسيتوه نشف اغسلوه
عند فجر الي كانت تتابع الفلم حقها وتاكل جتها نوف وقالت : وش تسوين
فجر : جالسه اتابع فلم على ما ينشف الماسك الي ب شعري ووجهي
نوف : طيب شرايك نروح نشوف امهاتنا وش يسوون
فجر :تمم
نزلوا تحت للمطبخ وشافو ام فهد بالمطبخ
نوف :سلام عمه ايش تسوين ؟
ام فهد :اهلين فجر ونوف جالسه اسوي معمول العيد
فجر :يميي عادي اجربه ؟
ام فهد :اي عادي يعمري اصلا كنت بخليكم تجربون تعطوني رايكم
نوف :يالله باخذ وحده وبعطيك رايي اصلا اكيد حلو دامك انتي مسويته
ام فهد :تسلمين ي عمري
فجر :يمييي عمه تسلم يدككك مره لذيذذذ
نوف :صدق مرره لذيذ متاكده الكل بيعجبه المعمول والحلى حقك تسلم يدك
ام فهد :بالعافيه يعمري ، الا البنات وش قاعدين يسوون ؟
نوف :جالسين يتجهزون للعيد وحاطين ماسكات على شعورهم ومقشرات وكذا
ام فهد :اها حركات والله الله يعيده علينا يارب لا فاقدين ولا مفقودين
فجر ونوف :امين يارب
نوف :يالله عمه نستأذنك بنروح نغسل الماسكات ونتجهز للعيد
ام فهد :تمام يا عمري روحو تجهزو
نوف وفجر :مع السلامه
ام فهد : مع السلامه

عند العيال بالحلاق :
فهد : يالله صديق بسرعه انا مستعجل سوي انا و هذا نفر كلو بعدين
الحلاق : لا لا ما يصير لازم واحد واحد انت انتضر دورك يجي دور انتا انا يسوي تحليق شعر
سيف : يرجال كم تبي اعطيك ب اعطيك لكل واحد ١٥ ؟
الحلاق : لا انتا انتضر دور حق انت يجي دور انتا انا يحلق ما يبي روح حلاق ثاني
عبدالعزيز : افف ابلش عيال قدامنا ميه واحد خل نرجع البيت ونخليها على الله كل واحد يحلق ل نفسه
فهد :اي والله صادق امشوا يعيال
سيف :طيب و الثياب مستحييل يمدي نوديها الكواي
محمد :كل واحد اخته تكوي ثيابه وانتهينا
فهد :يالله يعيال مشينا
عمر :قبل لا نرجع خل نروح نشتري طراطيع و بطريقنا ندور كواي
عبدالعزيز :خلاص تم مشينا
راحو العيال يشترون طراطيع قبل لا يرجعون للبيت
ـــــــــــــــــــــــــــــــــــــــــــــــــــ
عند البنات :
العنود :بنات وجههي يحرقنيييي
نوف : ليه كم خليتي المقشر على وجهك ؟
العنود : يمكن عشر دقايق او ربع ساعه
نوف : غبيييه انتي روحيييي اغسليييههه
العنود : يمه طيب الحين بروح
ساره : بنات وش رايكم اسوي شعري الفير او ستريت ؟
ريم : انتي عليك حلو بالفير احس
ساره : خلاص تمام ، الميكب اسويه خفيف صح مع ايلاينر
نوف : اي اي كذا تطلعين تجننيننن
ساره : حبيبي والله ،خلاص تمام
الجوهره : بنات تخيلوا عبدالعزيز يصور لي هو والعيال جايبين طراطيع العيد
نوف : ونااسهههه
ريم : الله احس بكرا بيكون فله مره
ساره : منجددد كلنا مع بعض تجهزنا للعيد و قضينا مع بعض شوي من رمضان
العنود : اي والله الحمدلله
الجوهره : جابو صواريخ و الثوم للبزران و النافوره و اشياء كثييرر
فجر : الله وناسه تحمست ل بكرا
نوف : يالله بنات ناموا بكرا عندنا يوم طوييللل
كل البنات نامو والي منهم ما قدر ينام من كثر الوناسه والي من حطت راسها على المخده نامت والي جالسه تفكر والي جالسه على جوالها وبعد فتره كلهم ناموا
ـــــــــــــــــــــــــــــــــــــــــــــــــــ
عند الامهات :
ام فهد : ها شرايكم بالحلى ؟
لطيفه : يجننن مره لذيذ
ام فهد : صدق ؟
ام عبدالعزيز : اي والله صدق تسلم يدككك على ذا الشغل
ام محمد : يعطيك العافيه عبير مره لذيذ
ام فهد : تسلموون والله اهم شي عندي حلى العيد لازم اضبطه
لطيفه : اي والله احلى شي الحلى
ام عبدالعزيز : عبدالعزيز يصور لي راحو شروا طراطيع ل بكرا شروا كل الانواع
ام فهد : الله يستر
ام محمد : الله يعدي اليوم على خير
لطيفه : بنات شفيكم الطراطيع حلوه تسوي اجواء
ام فهد : اي ندري حلوه بس خطره
لطيفه : اي صح الله يعديها على خير

عند العيال :
سيف : يعيال خل نشتري صواريخ
فهد : ايه خل نشتري صواريخ نافوره وثوم للبزران
عبدالعزيز : ليه ما نشتري كل الي عندها احسن ؟
محمد : قدااام
عمر : خلاص تمم عشان حنا كثار مع البنات والبزران
عبدالعزيز : خلاص تم بشتريهم
فهد : يالله خلصوا ورانا نحلق وندور مغسله تكوي ثيابنا واذا ما لقينا خلينا الكوي بالبيت
سيف : صادق يالله
عبدالعزيز : وراكم مستعجلين خلاص شريته يالله مشينا
عمر : يالله
راحو العيال يدورون مغسله لاكن للاسف كلها فل وما تستقبل
فهد : يعيال وش نسوي الحين
محمد : خلاص مافيه الا نخلي خواتنا يكوونها
عبدالعزيز : بكلم اختي بشوفهم نايمين ولا
دق عبدالعزيز على رند وردت : الو
رند : هلا وش بغيت ؟
عبدالعزيز : صاحيين البنات ؟
رند : لا كلهم نايمين ليه ؟
عبدالعزيز : ابتلشنا ما لقينا نغسله تكوي ثيابنا كل واحد بيخلي اخته تكوي مافي الا كذا
رند : صاحي انت تبيهم يكوون الساعه ٣ اذا صحوا من النوم كل وحده تكوي ثوب اخوها
عبدالعزيز : طيب باي
رند : باي
عبدالعزيز : يعيال كلهم نايمين ورند قالت اذا قعدوا يكوونها
فهد : ياخي اهم شي تنكوي يالله رجعنا للبيت ابي احلق
عبدالعزيز : يالله
ـــــــــــــــــــــــــــــــــــــــــــــــــــ
صباح العيد :
الجوهره : بناات قومو باقي شوي على صلاه العيد
رند : يالله يالله بقوم الحين
نوف : بنات بس شوي بنام
العنود : افف طفي النور
الجوهره بصراخ : بناااات قومووو الحين يروحون ويخلونا
العنود : اف قمت يالله
نوف : قمت قمت
ريم :بنات على ما تخلصون قوموني
ساره :وانا بعد بنات
الجوهره :افف ترا والله نروح ونخليكم اخلصوا قومو
الكل قامو وبدوا يتجهزون ل صلاه العيد
ـــــــــــــــــــــــــــــــــــــــــــــــــــــــــــ
عند العيال والجد :
الجد : يالله يعيال قوموو الحين ب تبدا صلاه العيد
فهد :جدي بس شوي خمس دقايق
الجد :الخمس دقايق هاذي بتصير ساعه اخلصو قومو ولا بنروح و بنخليكم
سيف :لا خلاص قمت ابي اروح معكم
الجد :يالله الي يقوم يروح معنا
الكل قامو وبدوا يتجهزون ل صلاه العيد

عند الامهات
لطيفه : شرايكم ناخذ البنات ونروح ل صلاه العيد ؟
ام فهد :اي هم اصلا من امس يبون يروحون خل نروح معهم منها نروح نصلي ونشوف اجواء العيد ومنها نشوف جارتنا ام طلال
ام عبدالعزيز : اي والله خلاص يالله خل نقوم نتجهز
لطيفه : يالله انا بروح ل غرفتي اتجهز
ام فهد : وانا بعد
ام محمد : يالله وانا معكم ولا تنسون تقومون رجالكم يروحون للصلاه
ام عبدالعزيز :اي صح قومو رجالكم يروحون للصلاه
وراحت كل وحده تتجهز للصلاه وتقوم زوجها...........