Innocence But Devil

31

ငြိတွယ်ခဲ့ရခြင်း အကြောင်းတရားများသည် သူ့မျက်နှာထက်မှ ရိုးရှင်းအေးချမ်းသော အပြုံးလေးတစ်ပွင့်မှ စတင်ခဲ့ပါသည်။
ace bar၏ ခေါင်မိုးထပ်တွင် whiskyတစ်ခွက်နှင့် စီးကရက်ခဲကာ ထောင့်ကျကျနေရာတွင် အနားယူနေရင်း ခပ်လှမ်းလှမ်းရှိဝိုင်းမှ လူနှစ်ယောက်အားသတိထားမိသွားသည်။
အနက်ရောင်pant အနက်ရောင်အောက်ခံshirtအပေါ်တွင် အဖြူရောင်shirtလက်ရှည်ကိုဝတ်ဆင်ထားသည့် အလွန်ကျော့ရှင်းသော အမျိုးသားတစ်ဦး။
ဘေးနားရှိ အမျိုးသမီး၏ ရှည်လျားသော ဆံနွယ်များကို ဆော​ကစားနေသည့် ပုံရိပ်သည် ရိုးရှင်းသော်ငြား သူ့အာရုံကိုအပြည့်အဝ ဖမ်းယူလိုက်နိုင်သည်။
ထိုအမျိုးသားကတော့ သူ့ဘက်ကိုတစ်ချက်မျှလှည့်မကြည့်ခဲ့ပဲ သူကမ္ဘာနှင့်သူပျော်မွေ့နေလျက်။

"Grey ငါသူ့နာမည်သိချင်တယ်"

Jack တစ်ဖြစ်လဲ Jung Hoseokဆိုသော ထိုအမျိုးသားသည် Lorenz family မှ သားတစ်ဦးဖြစ်သည်ကို သိလိုက်ရသောအခါ သူ့စိတ်ကျေနပ်မှုတွေက အတိုင်းမသိဖြစ်တည်သွားမိသည်။
မကြာသေးမီက သူ့ဖခင်ထံမှ တာဝန်တစ်ခုလွှဲပြောင်းယူခဲ့ပြီး ထိုတာဝန်က Lorenz Groupကို သိမ်းယူရန်ပင်။
ကံကြမ္မာက သူ့ဘက်ကို အလေးသာခဲ့ပြီး ထိုအမျိုးသားက ထက်ထက်မြက်မြက်ရှိမည့် ကြေးစားတစ်ဦးရှာနေသည့် သတင်းကို သူဆီယူဆောင်လာခဲ့ပါ၏။
ဒီလိုနဲ့ပဲ Jeon Groupရဲ့ ကြီးမြတ်သောအမွေဆက်ခံသူ
အဖြစ်မှ ကြေးစားဘဝသို့ ကူပြောင်းခဲ့ပြီး စတင်ချဥ်းကပ်ခဲ့မိပါတော့သည်။
တစ်စုံတစ်ယောက်ရဲ့ဘဝကို အပိုင်လိုချင်မှတော့ ထိုက်တန်တဲ့ ရင်းနှီးမှုမျိုးလည်း လိုအပ်သည်မဟုတ်လား။
အချစ်ဆိုတာမျိုးကို jungkook အယုံအကြည်မရှိခဲ့ပေမယ့် ထိုအမျိုးသားရဲ့ မျက်ဝန်းလှလှလေးတွေ အပြုံးလှလှလေးတွေကို သူပိုင်ဆိုင်ချင်လာပြီး လောဘတက်မိလာသည်။
သူ့ရဲ့အတ္တနဲ့လောဘကြားမှာ ထိုအမျိုးသားလေးကို သူပိတ်လှောင်ခဲ့မိတယ်။
အဲဒါက သူ့ကိုသေစေနိုင်တဲ့ အမှားကြီးဆိုတာကို သူသိနေပေမယ့်လည်း မျက်စိကန်းနေတဲ့အရူးတစ်ယောက်လိုပဲ တစ်ဇွတ်ထိုးဆန်ခဲ့မိတော့တာပဲ။

သူ့အသက်ကို စတေးပေးခဲ့ဖူးသည်။
သူ့သိက္ခာတွေကို ချနင်းခွင့်ပေးခဲ့သည်။
သူ့ပိုင်ဆိုင်သမျှ ဘယ်အရာကိုမဆို စွန့်လွှတ်ပေးရဲတဲ့အထိ ချစ်ပေမယ့်လေ အဲဒီအမျိုးသားလေးက သူ့ကိုမုန်းပါသည်တဲ့။