قدر مراهقة 2

الجزء 76

#قدر_مراهقة2
#ميرال_مجد
#بقلم_فريال
الجزء76
لا قوليلي متخلينيش نتقلق منك ونايفك تعرفي زعافي صعيب _ اي خلاص ماتزعفيش حاجة تافهة _ حتى ولو تافهة قوليلي من وكتاه_ تقريبا من نهار دخلتي لسبيطار وهو هكاك _ قصدك من نهار تزوج بابا _ ايه _ بلاك عندو ضغط تاع خدمة عليها يطول_ لا مش الخدمة حاجة خلاف خلي تعيا وتبان مانتوسوس ماوالو اذا راهو يلعب من ورايا يكشفو ربي. مشكيتش وائل يخونك _ مانعرف كلش ممكن ماديريش لامان في الزمان والرجال (وصح عندها الحق الراجل عمرك ولا تقولي مستحيل يدير هذيك الحاجة لانو اكيييد رايح يصدمك). قولتلها صح عندك الحق كي يجي من بعد ونديرلو استجواب ونخليه ينطق بالسيف عليه _ ايه صحيتي هكاك نبغيك ياسلفتي لعزيزة _ فوتي فوتي ديريلي كاس قهوة نحي الدوخة ونحكيلك وش درت _ باين زبلتيها _ ودي عايزة كلام ياحبيبتي. دارتلي قهوة وتربعت وبديت نحيكلها وهي تضحك عيات تسكت قالتلي ويسمع بيك مجد يسلخك _ مانخافش منو يروح يرنك واصلا منزيدش نحكي معاه حتى يطلب سماح مني _ هاه الالة غالطة وتتشيكري _ باينة منخليهش يعفس عليا ويوالف ليوم كرفسلي وجهي لمرة الجاية يضربني وهي ماشية امالا نحطلو حد من ذوك باش مايتماداش خلاص _ صح في هذي عندك الحق ديري الي يريحك _ اكيييد. نضت انا وياها درنا لعشا تعشينا ووائل مازال مادخل مجد عيطلي قالي اهبطي راني لتحت نستنى فيك نضت كليتو قولتلو راني غضبانة ومنرجعش وياك ضربتني وحڨرتني كي شفتني وحدي (نحكي ونبكي نقطة ضعف مجد هوما دموعي انا زدت فيها شوي وبقيت نخلط في الهدرة تاع وحدة محڨورة ومظلومة ومكانش الي يوقف معاها) كي شافني نبكي هكاك قالي اقعدي حتى تريحي ونجي نديك _ متجيش منرجعش لعند واحد كيفك _ كيفاه مترجعيش رايك _ وامالا رايك انت عندي حرية الرأي والتعبير واتخاذ القرار وانا قررت منرجعلكش من ليوم انت في طريق وانا في طريق _ اهدري برك ياك الهدرة باطل نهار ترجعي لدار نعجب فيك ونخليك تمشي زي الرافاي _ على لكلام هذا مانرجعش نقعد سمانة _ اقعدي عام لا عيطتلك وسقسيت عليك راني ولد الكلب _ ايه نشوفوها ياراجلي السابق _ وشنو هذي راجلي السابق _ كيما سمعت انت من ليوم نسميك راجلي السابق وكي يجيو خاوتي نقولهم بلي انا رايحة نخليك ونطلقك _ شوف ورايحة طلقيني تاني خص غير ترمي عليا يمين الطلاق وتكمل عليا ندير حجاب ونبقى في دار _ راك مطلق مطلق مطلق ولعدة جوزها عند مك. قولت كلامي وكوبيت عليه نشوف في رنيم تخنقت من الضحك طايحة فلرض وتتمرغ مابغات تسكت كي خممت شوي وراجعت وش قولت لقيت روحي بلي زبلتها تاع الصح وتحمست زيادة كي شغل انا الراجل وهو لمرا وطلقتو ايييي شعور هايل لوكان جات بيدي اني نطلق فيه ونعاود نردو مثلا نقولو خرجني يقولي لا نقولو راك مطلق ونروح نخليه يدير العدة تاعو (مزية مهيش بيدنا لانو حنا النسا نخممو بالعاطفة بزاف ومتسرعات على عكس الراجل يخمم بعقلو).
#فريال