دخل ساير عليهم ووراه تركي وهله راحت قسم الحريم تسلم
ساير:راح لعبدالله وقال عظم الله اجرك ب......
عبدالله:قاطعه وشو عظم الله اجري !!
ساير:انصدم وناظر عبدالعزيز اي عظم الله اجرك مالك علم باللي صار
عبدالله:بعصبيه وشصار ولايكون عبدالعزيز وثامر يعرفون وماقالو لي
ثامر:ي جد ماعرفنا كيف نصارحكم
عبدالله:اسكت ولا اسمع لك حّس
عبدالعزيز:ي عم عبدالله وامه لقيناهم مسوين حادث
عبدالله:رفع راسه وناظر عبدالعزيز شلون سوو حادث وانتم كيف عرفتو
ثامر:بنبرة حزن وقال السالفه كلها
عوض:بصراخ وعيونه مليانه دموع ولدددي ررااح راح
عبدالله:تجمعت الدموع بعيونه حفيدتي نوير قلب جدها وينهاا
ثامر:داخل
عبدالله:قم قم نادها لابارك الله فيك
ثامر:توه عرف ان جده مايحبه كثر حبه لاحفاده الباقين واسلوبه معه وكيف يقوله كذا قدام العّرب ، سم
ووقف عند باب الحريم وجلس ينادي نوره وجت
ثامر:تعالي جدي يبيك
نوره:انصدمت وهي تشوف شكله وكيف متبهدل وماهتمت وراحت لبيت الشعر
نوره:دخلت وشافت الخيّمه فيها رجاجيل وعرفت ان ذا جد عبدالعزيز وابوه لانها تعرفه من كثر م جدها يمدحه عندها
دخلت وراحت تجلس جنب جدها وتناظر كيف ابوها يرجف وعيونه كلها دموع وجدها وجهه متغير وعرفت ان درو بموت امها واخوها
عبدالله:هلا بحفيدتي الغاليه ماخذه غلاها من غلا ابوها
نوره:سم ي جدي
عبدالله:ناظر جابر وقال جابر قم خل كل الحريم يجون هنا
سعود:يبه شدعوه ليه
عبدالله:صد وقال كلامي واضح
جابر:ابشر قايم
وراح جابر وقال للحريم
وجو الحريم وكانو كلهم متغطين الا ريوف
سعود:ريوف ليه مو متغطيه!!
ريوف:ناظرته وتوها ركزت ان فيه رجال , خلاص رايحه ....
عبدالله:لاتروحين تعالي اجلسي عندي محد له كلمه وانا موجود
ريوف:ناظرت ابوها وراحت جلست عنده من الطرف الثاني
ساير:ماشاء الله هذي بنتك اخبرها صغيره متى كبرت
عبدالله:ايه بنتي ووحيدتي
عوض:وماخذه قلب ابوي
عبدالله:ناظر عوض وابتسم وقال انت غير ي فرحتي الاولى
قاطعتهم صوت السيارات وكان زيد وعياله
عبدالله:ذي صوت سيارات ولا يتهيى لي
عوض:ايه يبه شكلها مو سياره وحده
ناديه:اكيد وصل الخبر للكل
نوره:واذا ماوصل مارده بيوصل
وقفت السيارات ودخلو زيد وعياله عليهم
زيد:توجه لعبدالله وهو مبتسم ، يامرحبا ب اخوي اللي كل افراحه تعنيني واحزانه تعنيني وراح له ويحضنه
عبدالله:ونعم الاخو ماتوقع اني راح اندم اني عرفتك اكيد
ساير:والحين انا مسحوب علي افا
نوره:جدي مايحبك اكيد
ساير:انشهد
نوره:انا احبك وبصير اخوك ماعليك
الكل ضحك وعبدالعزيز اللي يناظر نوره وكيف تتكلم مع جده ويتاملها وهي تتكلم وهي تناظر جدها وجده
عبدالله:كلكم غير ولا افضلكم على بعض
ساير:امزح والله وانا عارف
تقدمو عيال زيد واحفاده يسلمون ويعزونهم
عقاب: تقدم يسلم على عوض عظم الله اجرك
عوض:اجرنا واجرك
بعد ماسلمو
وقال عبدالله اذا ماتت امك انطفىء نورك واذا ماتت اختك فقدت بسمتك واذا مات ابوك ماتت النصيحه واذا مات اخوك انكسرت يمناك واذا مات رفيقك انعمت عيونك
ناظرت نوره جدها وقالت انا راضيه بقضاء ربي
عبدالله:كلنا موجودين معاك مانخليك
وماقدرت تمسك دموعها بعد محاولات وقالت انا رايحه انام
عوض:اي روحي نامي تعبتي اليوم
راحت نوره وعيونها غرقت دمووع وناظرت عبدالعزيز اللي كان يناظرها من جت وراحت وجلسو يسولفون
تقدم عبدالعزيز لابوه وقال يبه انا رايح ودقايق وجاي
تركي:وين
عبدالعزيز:فيه حاجه ابيها
تركي:زين لاتتاخر
وكان تركي يحسبه رايح الرياض او شي لكن مادرا وماهتم وكمل يسولف وراح عبدالعزيز لقسم الحريم ماكان احد موجود فيه
وتوجه للمطبخ وشاف نوره تبكي ومنهاره
عبدالعزيز:لاتبكين تكفين وادعي لهم بالرحمه افا ي نوره تبكين
نوره:انهد حيلي ي عبدالعزيز والله انهددد حيلي فقددتهممم
عبدالعزيز:ترفقّي ياعين ابوي اذكري الله والله لو اقدر اخذ كل ضيمك وكل شي يبكيك اخذته ولصقته بقلبي وانا أتألم وانتي مرتاحه لاتبكين ياضي العمر كله لاتبكين ولايطري عليك الدمع ياول واخر احبابي
نوره:سم انا بروح انام
عبدالعزيز:اخاف تروحين تبكين بدال ماتنامين
نوره:لا بنام صدق عاد
عبدالعزيز:اوعديني
نوره:ب ابتسامه اوعدك
عبدالعزيز:نوم العوافي ي بنت عوض
نوره:مشت وقالت يعافيك وكان موجود عصا حق مشطافه ورمته على عبدالعزيز وركضت لغرفتها
عبدالعزيز:تألم وقال اح صارلي ساعه تواسيها بالاخير تسوي فيني كذا وكان بيروح يلحقها لكن شاف عوض دخل وراح يركض المطبخ يسوي انه يشرب شاهي وعوض ماشافه وراح لغرفة بنته وهج عبدالعزيز لبيت الشعر ودخل
تركي:عبدالعزيز تاخرت
عبدالعزيز:يبه كنت مشغول
ونظرات ثامر له عرف انه يفكر اني رحت لنوره وناظر ثامر وضحك
ساير:انا والله اقول ولدك فيه جن يضحك بدون سبب
تركي:انبليت بهالولد
عبدالعزيز:شفيكم علي
ساير:بلا كلام فاضي اليوم ببننام حنا وجدك زيد هنيا بالمزرعه واذا عارضت اقص لسانك
عبدالعزيز:ليه اعارض عادي راضي
عبدالله:طلع صدق يمكن مسكون كل يوم له راي
عبدالعزيز:قسم بالله مافيني شي بس رضاكم اهم
عبدالله:اجل يلا ي حريم قومو وجهزو الفرش وحطو نص بالمشب ونص بببيت الشعر
ناديه:ابشر
وراحو الحريم يجهزون الفرش للرجال والحريم وتقدمت وعد لريوف وقالت ريوووف شفيك اليوم كله تهوجسين
ريوف:لا بس افكر ب ذا أبو عبدالعزيز تركي
وعد:ليه شفيه
ريوف:شكله صغير ماهو كبير
وعد:ايه متزوج وماكنه متزوج ماشاء الله
ريوف:اي وولده غريب بس يناظر بنت عوض
وعد:عوض لو شافه قامت القيامه عليه
داهمتهم ناديه
ناديه:يلا اخلصو عشان ننام بدري ونصحى بكره ورانا الناس
ريوف:ليش وش ناسه
ناديه:شفيك انتي مانتي صاحيه عزا
ريوف:اها الحين نجهزهم
وجهزو كل شي ونادو العيال يشيلونهم ويحطونهم للرجال والحريم ب الصاله و....
يتبع ......
