نياف:كل ماسويت شي قلتي قليل ادب!تراج زوجتي واسوي الي ابيه رضيتي ولا مارضيتي
غصب عنج بعد
غزلان:ماتقدر تسوي شي
نياف بجديه:تبين اوريج؟
غزلان بخوف:لا خلاص
نياف:اي مره ثانيه خليج قدها
غزلان:بنام ببيت اهلي بس نرجع من الشاليه
نياف:تمام اييلج متى واخذج؟
غزلان:بعدها بأسبوع
نياف خزها:نعم شنو اسبوع؟يوم واحد مافي غيره
غزلان:نييياف!
نياف:لا تخليني مااخليج تنامين عندهم
غزلان تأففت:ويع ويع
تقدمت للكبت تطلع لها لبس للسباحه وتحطه داخل الجنطه الصغيره مع التان و الفوطه و اغراضها الي تحتاجهم
كان يطالعها وهي تجهز:على وين؟
غزلان:بنتسبح انا والبنات
نياف:تمام
كان شوي ويطلع الفجر فا رضى
راحت للبنات لقتهم لابسين ويتسبحون لبست بسرعه وطبت
تالا:يازقق غزلانن شعرري ماابيي ابلله
غزلان:يبا ميه بالميه بيتبلل يعني
جيان:تتحدون؟
غزلان:شنو؟
جيان:عندي بلونات
عهود:روحي جيبيهم
راحت جابتهم وبدا يقطون على بعض بعد مده قعدو بتعب:اخخ
غزلان:تبون شي بارد؟
عهود:اي ترا في برد و في مشروبات وقهوه اذا تبون
غزلان:ابي امريكانو في؟
بدات تعطي البنات وتاخذ لها حطو تان وقعدو يسولفون بعدها تسبحو وقعدو يلعبون (جوابك جوابهم) بدا اول سوال وكان مكان تجد فيه شخص نائم من الطفش
غزلان:السرير
عهود:ياحماره اكتبي لا تقولين
غزلان:صح نسيت
بدو يكتبون وبدت الجوله الثانيه وكانت
شنو كنا نسوي لما كان الحجر
بدو يكتبون ولحد مادق نياف على غزلان يقول لها تجي يبيها تسبحت على السريع و بدلت وراحت والبنات كذالك وراحو نامو
دخلت الشاليه لقته يتسبح بالحوض وكان جسمه حلو ومعضل راحت له:خيانه بدوني تتسبح؟
نياف ضحك:تعالي
غزلان:لا ماابي توني طالعه
نياف:يلا غزلاني
غزلان:لا ماابي تسبح انت
دخلت داخل وكان ودها تتسبح بس مستحيه منه وهي مو جايبه الا بك*يني للسباحه دخلت الغرفه وصكرت الباب:انتي ودج بس مستحيه يعني شنو فيها تراه زوجج
بدار تفكر:يبا زوجج خلاص غزلان قومي البسي ورحي تسبحي معاه
طلعت لها بك*يني لونه احمر وخذت لها فوطه و تان لانه ماصبغت وطلعت له شافها وصفر:اووييلييي على الاحمرر
ضحكت وحطت الفوطه على الكراسي الي موجوده وراحت تدش
نياف:تعالي يمي
غزلان:لا يويلك اذا قربت
نياف:يبا ماباكلج
غزلان:تنط؟
نياف:يلا
طلعو ونطو وبدو يتسبحون شوي بعدها صار شمس قوي و طلعو من المسبح حطو تان وانسدحو عند الشمس بعد مده قامو غزلان طالعته:صبغتتت
نياف:اي بسرعه اصبغ انتي ماكو ولا شي لو انج مو قاعده بالشمس بالحر احسن
غزلان:ايي يع مااصبغ
نياف:عادي يلا
دخلو داخل الشاليه تسبحو و لبسو بعدها قعدو بالصاله بتعب
غزلان:جعت مو جوعان؟
نياف:اي واله هم انا
غزلان:ماعرف اسوي شي تعرف تسوي؟
نياف:اي اعرف شنو تبين؟
غزلان:اي شي المهم يكون اكل
نياف:معكرونه؟
غزلان:يلا
قامو يسوون
قامو يسوون
غزلان:نياف متأكد تعرف تسوي؟
نياف حط ايده على صدره:افا عليج بس
غزلان:يلا شنو اطلع لك؟
نياف:معجون وبصل صبر شنو بعد نسيت
غزلان:من اولها جذي
نياف:تحبين معاها لحم مفروم؟
غزلان:لا احبها ساده حتى لا تحط بصل الله يزيد النعمه
نياف:لازم بصل
بدا يقول لها الاغراض الي يبيهم وطلعتهم وبدا يحط المعكرونه على الجدر ونسو يحطون الماي حطو بس المعكرونه
غزلان:اشم ريحه حراق شسويت؟
نياف:ماادري شوفي الجدر
قامت تشوفه وحطت ايدها على راسها:ياحمار الماي ماحطيته احترقت المعكرونه
نياف:انتي حماره قلت لج حطي ماي
غزلان:لا تجذب ماقلت
نياف:طلعي غيرها
طلعت غيرها وسوو بعد مده خلصو ونسو النار شقاله وكانت هذاك حقت الي يمسكون فيها تحميهم من الحراره الجدر المهم حاطينها يم النار وشب
غزلان طالعته:شنو نسيت ريحه نار
نياف:ولا شي
غزلان:امشي نشوف
قامو يشوفون لقو المطبخ يحترق غزلان صرخت:نياااااااف شوي شووي لا تحتررق
نياف بدا يطفيه وهي كانت خايفه وبجت بعد ماطفاه وقف بتعب شافها تبجي تقدم يحضنها:خلاص ياابوي ماصار شي حتى انا مافيني شي شوفي والله مافي شي
خذها من ايدها للصاله وبدا ياكل ويوكلها معاه:يلا اخر شي
غزلان:بس شبعت ماابي
نياف:ماكليتي شي
غزلان:والله شبعت وابي انام فيني نوم
نياف:اصبري خليني احط الصحون بالمطبخ واييلج
حط الصحون بالمطبخ وراح الصاله شالها وتوجهه للغرفه
غزلان:نياف نزلننني
نياف باسها:لا
غزلان:نياااف لا تستعبط
نياف:قلت لا
حطها على السرير وراح صكر الليت و انسدح يمها وفتح حضنه جت وانسدحت بحضنه وحطت راسها على صدره ونامو بأجمل ليله بالنسبه لـ بطلنا
يوم جديد كانو قاعدين كلهم عشان اليوم اخر يوم لهم بالشاليه وبدو يشيلون اغراضهم
نياف مسك ايد غزلان:بتروحين مع اهلج؟
غزلان:اي
نياف:بتخليني؟بروحي؟
غزلان:نياف تراك مو ياهل يعني تقدر تعتمد على نفسك
نياف حضنها:بس بشتاق
دخلت تالا:اااا يلا بنروح
بعد عنها نياف وضحك خذا الجناط وراح يحطهم بالسياره
تالا وهي تكلم نفسها:غبيه شلون تدخلين عليهم بدون ماتطقين الباب
طلعو كلهم وركبو السيارات كان نياف ماخذ خواته وامه وحازم ماخذ امه وعهود و عهد
وسيف كان ماخذ فجر و رغد و شيماء و سمر
وفارس كان ماخذ امه وابوه واخته
حركو وتوجههو بيوتهم
ببيت عبدالعزيز-
دخلو البنت وغزلان طالعت البيت:اخ اشتقت لبيتنا
فارس:بتنامين الحين روحي لانه بعد اشوي ماراح اخليج تنامين
غزلان:ادري بنام مانمت امس حتى نياف مانام كنا نسوي تان بعدها سوينا اكل وحرقتنا المطبخ
ضحكو وصعدت غرفتها تاخذ لها شور وتبدل انسدحت على السرير ولا تدخل امها تعدلت بقعدتها:حياج
حنين:يحيج بسولف معاج شوي ولا تنامين واخليها بعدين؟
غزلان:لا تعالي
جت وقعدت يمها وغزلان انسدحت على رجل امها وبدت حنين تلعب بشعرها:قولي يما
حنين:شلونج مع نياف؟
غزلان:زينين بعض المرات نتهاشو وبعش المرات نصير حلوين مع بعض حتى امس تسبحنا بالحوض ولعبنا
حنين:اهوا زين معاج؟
غزلان:اي والله حيل زين بس ماادري شفيني ماني قاعده اعطيه فرصه قالي يبي قربي ويبيني له بروحه ويبي عيال حتى
حنين:عطيت فرصه نياف والنعم فيه حتى ابوج ماعطى اخوانج الثقه اكثر من ثقته بنياف ويحبه ويخاف عليه حاسبه واحد من اخوانج
غزلان:يما ماابي يبي عيال مني بس انا ماابي مدرسه ماخلصت عشان اجيب عيال!
حنين:صار شي بينكم؟
غزلان تنهدت:لا ماخليته حاول اكثر من مره بس ماخليته
حنين:ياحبيبتي عطيه فرصه مافي احسن منه
غزلان:قلت له بفكر بشوف
حنين:على راحتج ياحبيبتي
عند عبدالعزيز كان قاعد بالصاله وجته رساله من شخص مجهول مكتوب فيها "قريب جدا راح تندم" قراها ودزها لنياف دق نياف عليه:يابو فراس خلنا نكلم الشرطه
عبدالعزيز:لا اخاف يسوون شي بأهلي
نياف تنهد:بشوف شنو الحل ودربالك عليهم وبأذن الله مافيهم اهلك الا العافيه ومايصيبهم شي
صكر نياف منه وجت رساله ايضا لـ نياف مكتوب "يعني انت بتحمي اهل عبدالعزيز؟والله انك حماره🤣" عصب وقط التلفون على القنفه الي جدامه
عند بطلتنا كانت منسدحه وتفكر ودها تعطيه فرصه وودها ماتعطيه بنص تفكيرها دق تلفونها وكان نياف ردت:هلا فيك شي؟
نياف:لا بس مشتاق
غزلان ضحكت:حق منو؟
نياف:حق حبيبتي وبنتي وروحي وعيوني وقلبي ودنيتي وزوجتي ودنيتي كلها
غزلان:اوله كل هذا قبل كم ساعه شفتك!
نياف:اخ بس لو تدرين اني اشتاق لج كل دقيقه وثانيه
غزلان ابتسمت:اي شنو المطلوب؟
نياف:المطلوب سلمج الله انه تجين لزوجج المشتاق
غزلان:اي عشان فروسه يذبحني
نياف:مو بكيفه
دخل فارس شافها تكلمه وتكتف
غزلان ضحكت:جا طاري المليون
فارس سحب التلفون منها:شوف الحين اهيا ببيت اهلها مو فاضيه لك ابيها تنام ولا تدق اذا شفتك داق يويلك
صكر منه والتفت حق غزلان:لا اشوفج مكلمته ويلا نوم الساعه 12 بجي اقعدج
غزلان:انزين تلفوني ويلا برا وصكر الليت
فارس عطها تلفونها:اعلمج اذا ماقعدت بماي مااطلع فارس
غزلان:يويلك
