اخترتك من الناس للقلب خلّه 🌷

البارت ٦

" سبحان الله وبحمده "

عند نوف : رندي خلصت الميكب تعالي سوي لي الايلاينر
رند : يالله جايه بس دقيقه
نوف : تمام انتضرك
الجوهره : من تبي الاستشوار ترا خلصت منه بحطه على الطاوله
ريم : انا ابيه بعد شوي باخذه
جنى : بنات وش تحسوون اسوي فير ولا ستريت ؟
ساره : احس انتي حلو عليك الفير سويه
جنى : خلاص تمام بسويه
نوف : مرره شكرا رننددد يعطيك العافيه
رند : الله يعافيك يا عمري ما بيننا

بعد ما خلصو البنات من شعر و ميكب
الجوهره : بنات يالله الساعه ٩ الحين يجون الضيوف
نوف : انا خلصت بس باقي احط سبريه على شعري واقوم البس
العنود : يالله انا بقوم البس الحين
جنى : حتى انا خلصت بقوم البس بس وين ؟
ساره : روحي ل دوره المياه او وحده من الغرف
جنى : العنود ب دوره المياه بروح سريع البس ب وحده من الغرف واكمل هنا
ساره : تمام

بعد ما الكل خلص وراحو لبسوا. وكشخو وطلعو يهبلوون وجميلات وفتنه
عند رند الي كانت لابسه فستان ازرق ضيق من عند الخصر وكاشف من فوق ومسويه شعرها ستريت
عند نوف الي كانت صددققق فتنه من ميكب او لبس كانت لابسه فستان بنفسجي فاتح قصير ل الركبه و واضحه ملامح جسمها ومسويه شعرها الفير
الجوهره كانت لابسه فستان بينك فاتح جميل جدااا وعليه ورود وسوت شعرها ستريت
اما عند العنود كانت شوي مختلفه هالعيد ولبست فستان اسود فخم وسوت شعرها ب اللفافات وصار شعرها فوليوم
اما عند بنت جارتنا الحلوه جنى كانت جميلههه جدااا لابسه فستان ساتر شوي بحكم انها تدري عجايز الديره ينقدون على الي يلبسون كذا ف كانت لابسه فستان اكمامه طويله ولونه بيج وشعرها فير
اما عند ساره كانت لابسه فستان احمر ضيق ومبين تفاصيل جسمها ومسويه شعرها فير من تحت
وريم كانت لابسه فستان اصفر فاتح كان طويل شوي وماسك عليها من عند الخصر بس طلعت فتنننه مع شعرها الاسود الطويييللل ولون بشرتها الحنطي

ونروح عند البنات الصغار :
عند فجر كانت لابسه فستان ازرق فاتح ومسويه شعرها ب الفير و حطت ميكب وطلعت فتننههه جميله جدااااا
عند وتين كانت لابسه فستان اصفر وعليه ورود وبحكم انها صغيره ما حطت كثير ميكب وسوت شعرها ستريت
اما ريناد برضو عشانها صغيره ما حطت كثير ميكب و لبست فستان فوشي جميلللل جداااا
ــــــــــــــــــــــــــــــــــــــــ
صباح العيد بعد ما الكل كشخ وتجهز نزلوا تحت يسلمون على جدهم و امهاتهم
بالمجلس :
نوف : سلام جدي عيدك مبارك
الجد : اهلين نوف وش هالزين و كل عام وانتي بخير وهاذي عيديتك سمي
نوف : ما تقصر جدي يعطيك العافيه
الجد : الله يعافيك ي بنتي
سلموا كل البنات على الجد واعمامهم واعطوهم العيديات وجلسو مع بعض كلهم
عند فهد الي ما قدر يشيل عينه وكل ما شاف نوف تذكر المقطع حقها الي ارسلته له اخته ومن يومها ما قدر يشيلها من راسه
بدو الامهات يجيبون الفطور قبل لا الضيوف يجون وبدوا ياكلون
ابو فهد : بسم الله ماشاء الله حصنوا نفسكم قبل لا تدخلون عند الضيوف ولا تدخلون كلكم مع بعض
ضحكوا البنات : ابشر ي عم
ابو محمد : اي والله ماشاء الله وش هالزين كله
ابو عبدالعزيز : الله يحفظكم ي بناتي
وكملوا فطورهم وهم يسولفون ويضحكون وبعد ما خلصوا شالوا البنات السفره وودوها المطبخ
عند نوف كانت تتمشى بالحوش وتغني وشافها فهد
فهد : اي وش هالزين يا نوف
نوف : عفوًا تكلمني ؟
فهد : اي اي اكلمك اجل فيه غيرنا هنا
نوف : لا وش بغيت
فهد : اجل امس السهره صباحي وش هالرقص الي يذبح 😉

نوف : اي رقص وش قاعد تتكلم. عنه انت
فهد : الي خابرته انتي
خافت نوف وقالت وش دراه ذا
نوف : تبي شي بروح داخل
فهد : لا سلامتك
راحت نوف داخل وفيه مليون سؤال براسها كيف درا وكيف وصل له المقطع وخلت ذا الشي بينها وبين نفسها وما علمت احد
ـــــــــــــــــــــــــــــــــــــــــــ
وبدو يجون الضيوف وسلمو على البنات وكلهم كانو يتسألون مين ذول وبنات مين
جنى : بنات خل نرقص
العنود : خلاص تم وش احط ؟
ريم : حطي موضي الشمراني
نوف : اي اي ترقص اغانيها
العنود : خلاص تمام بحط اغنيه قفلو باب المشاريه
وحطت العنود الاغنيه وجلسوا يرقصون وكانو ملفتين كل انظار الحضور ب جمالهم :

قفلو باب المشاريه ياللي تشرهون
لاحدن يشره علينا ولا نشره عليه
................
من ورا كثر المشاريه وش انتم تبون
بين بيضان النوايا وبيضان الوجيهه

ام فهد : بسم الله عليهم الله يحفظهم
ام محمد : اي والله بسم الله عليهم من كل شر
لطيفه : خل يخلصون بس أحصنهم كلهم
ام عبدالعزيز : اي والله كل وحده تمسك بناتها وتحصنهم
ـــــــــــــــــــــــــــــــــــــــــــ
عند الرجال :
فهد : يعيال قوموا قهوو الرجال
سيف : انا بقوم اقهوي الحين وواحد يوزع التمر
عبدالعزيز : يالله انا معك
فهد : يعيال بعد ما يروحون الضيوف بس نبقى احنا خل نشغل السماعه ونفلها
محمد : تمم احلى فقره هاذي وبعدها بالليل كذا ننادي البنات والبزران ونشغل الطراطيع
سيف : يعيال تعبت فيه رجال كثير وبعدين خلصت الدله واحد يروح يسوي بالمطبخ
فهد : يالله عطني انا بسوي القهوه داخل
راح فهد يسوي القهوه داخل

عند نوف تعبت من الرقص وراحت تشرب مويه
نوف : بسم الله انا وين ما اروح القاك ب وجههي
فهد : سبحان الله يصدف الحلوه ذي
نوف : طيب صد شوي باخذ مويه واطلع
صد فهد اخذت نوف المويه وطلعت وهو كمل يسوي القهوه