အချစ်ဆိုတဲ့အရာကို မယုံကြည်တဲ့ ထိုယောကျ်ားက အချစ်က လူတွေကို ချုပ်နှောင်တယ်ဆိုတဲ့စကားကိုလဲ သူ မည်သို့မျှ လက်မခံပါ။ ထို့ကြောင့် မိန်းမတွေနဲ့ထပ်တလဲလဲတွဲပြီး အချစ်ဟာ သူ့ကို မချုပ်နှောင်နိုင်ကြောင်း လူတွေကို သက်သေပြခဲ့သည်။ အချစ်မှမဟုတ်ပါ တစ်လောကလုံးမှာရှိတဲ့ ဘယ်အရာကမှက သူ့ကို ချုပ်နှောင်ခွင့်မပေးထားတာ ဖြစ်သည်။
သို့ပေမဲ့ တစ်ချို့အရာတွေက ခွင့်ပြုချက်တွေမလိုပဲ ရောက်လာတတ်တာပဲမလား။ ဉပမာ သူ့စိတ်ကိုဖမ်းစား ခဲ့တဲ့ မျက်ဝန်းညိုညိုလေးတွေရဲ့ပိုင်ရှင်ပေါ့။ သူဘယ်သူဘယ်ဝါဆိုတာမသိပေမဲ့ ထိုယောကျာ်း သေသေချာချာ သိခဲ့တဲ့အရာက ထိုမျက်ဝန်းတွေအောက်မှာ ခွင့်ပြုချက်မရှိပဲ သူကျရှုံးသွားခဲ့တယ်ဆိုတာပါပဲ။
အချစ်ဆိုသည်ကို မယုံကြည်လို့မိန်းမတွေနဲ့ ထပ်တလဲလဲ တွဲခဲ့သည့် ယောကျာ်းဟာ အခုတော့ ထိုမျက်ဝန်းတစ်စုံကိုမှမမြင်ရရင် မနေတတ်တော့ဘူးတဲ့လေ။ တစ်လောကလုံးမှာရှိတဲ့ဘယ်အရာကမှ သူ့ကိုချုပ်နှောင်နိုင်မှာ မဟုတ်ဘူးဆိုတဲ့ ယောကျ်ားက ထိုမျက်ဝန်းတွေဆီမှာ ချုပ်နှောင်ခံခဲ့ရပြီလား။ ဒါက ဘယ်အချိန်ကတည်းက စခဲ့တာလဲ သူမသိသလို ၊ ဘယ်လောက်ထိ သူ ကျရှုံးနေပြီလဲဆိုတာလဲ သူမသိတာ အမှန်ပင်။
မမြင်ရရင် မနေတတ်တော့တဲ့အကျင့်ကပဲ သူမရှိရင် မဖြစ်တော့ဘူးဆိုတဲ့ အနေအထားအထိရောက်လာခဲ့တယ်။ သူ့ရင်ထဲက ခံစားချက်တွေကို ဘယ်လိုမှ ချုပ်တည်းလို့မရတဲ့အဆုံး ထိုမျက်ဝန်းတွေရဲ့ပိုင်ရှင်အနားကို သူသွားခဲ့သတဲ့။ အချိန်တစ်ခုကိုရောက်လာတဲ့ အခါမှာတော့ သူတို့ကြားမှာ ပတ်သက်မှုလေးတစ်ခုရှိလာခဲ့တယ်လေ။ ဒါပေမဲ့ အဲ့ဒီပတ်သက်မှုက အကြောင်းပြချက်တစ်ခုသာဖြစ်ခဲ့ပြီး နောက်ကွယ်မှာရှိတဲ့ အမှန်တရားတစ်ခုကို သိလိုက်ရတဲ့အချိန်မှာတော့ ထိုယောကျာ်း သိခဲ့သည်က
တစ်ချိန်လုံး သူ မယုံကြည်ခဲ့တဲ့ အချစ်ဆိုတဲ့အရာက
ယောကျ်ားရင့်မာကြီးတစ်ယောက်ကို မျက်ရည်ကျစေနိုင်တယ်''ဆိုတာပါပဲ။
#Kon
