ضفاف الامان

الضفة رقم ٢

                  ﷽

مساكم جوري شذراتي الحلوات 🩵

تصويت وتعليق على كل الفقرات يا احلى شذرااات بالدنيا

   {ضفاف الآمان بقلمي ( ميـس ال صـلاح) }

.
.
.

ترد مكسور وحدك ... محد وياك !
وتبقى لوحدك تبچي بغرفتك...
تلگى الواگفتلك بس حياطين
وانته الماخطت واحد وگفتك !
يخرب واهسك واجدامك تبيد
وگلبك يوجعك ما تدري شيريد ؟
يا بووويه شثگلها تصير الايام !
چا شغلة الفرگة تريد تعويد
وهو الماله احد لمن يطيح !
يتمنى من الاول ضال وحيد !!!

لشاعرها ( عزام الشمري )

.
.
.

الكاتبة // ميــس آل صـلاح

.....

گعدت على صوت العصافير
تتعارك بالحديقة
وسمعت جده ادكول لماما ...

جده : ما دام عرگة عصافير بالبيت
معناها اليوم يجونا خطار

ياسه : هههههه عمه والله عندچ سوالف

جده : اني متعوده كل ما تصير عرگة عصافير
يجوني خطار واحسب حسابهم على الغدا

ياسه: الله يبارك بيهم

جده: البيت اللي  ما يدخله خطار ما بيه بركة
يلا گعدي جهالج حتى يتريگون

ياسه : صار عمه

اني گعدت ورحت لحضن ماما بوستني وگالت

ياسه : فدوة للبنات الحبيبات

جده: اي البنات نعمه ورزق بالبيت

ياسه: جوعانه حبيبتي تتريگين؟

جُمان: اي حيييل جوعانه

جده: يخسى الجوع... الريوگ جاهز

تريگنا وماما حضرت غراضنا حتى نروح لبيتنا

جده : ياسه عمه خلي هاي الفلوس جوه ايدج خاف تحتاجين شي شياتين !

ياسه : لا عمه والله عندي سلام خطية ما مقصر ويانه

عمه: ميخالف حبيبتي اخذي مني و لا ترجعين ايدي

اخذت امي الفلوس منها وتشكرت منها

جده : اول متوصلون انطيني خبر حتى لو رنه اني اعرف

ياسه : صار عمه