ضفاف الامان

الضفة رقم ٥

﷽

مساكم جوري شذراتي الحلوات 🩵

تصويت وتعليق على كل الفقرات يا احلى شذرااات بالدنيا
لا تحرموني من تفاعلكم !!!

{ضفاف الآمان بقلمي ( ميـس ال صـلاح) }

::::::

عدي جروح بس حسيت
جرحك يختلف كله
فرزتك من اصابع ايد
الهم بالشبه قله
يسألوني واگلهم راح ... راااااح
لكن ما اخذ ظله
صورك يدرن شگد صار
عايش بيهن اتمله
من اسألهن آشوفك وين
يتنادسن شنگله ؟
انعاك بنفس مخنوگ
من يتشاهد احسنله

للشاعر هرم الشعر الشعبي ( ايهاب المالكي )

:::::

جُمان ...

اندگت الباب وركضت ويه الجهال
نشوف منو يدگ الباب

انفتحت الباب وشفت بابا
وبيده جنطة سفر چبيرة

وملامحه تعبانه ومتغير
ثنى ركبته ونزل لمستواي
حضني حيل و باسني من راسي

سلام : مشتاقلچ هواي حبيبة بابا شلونچ ؟

رفعت إصبعي الإبهام وگتله
جُمان : اوكييييي

سلام : هاي منين متعلمتها الحركة ولچ؟

جده جاوبته من باب المطبخ : هاي تشوف هذوله الاميركان بالشوارع يفترون ويأشرون هيج بأصابعهم و يگولون اوكي وهاي صارلها يومين خابصتنا بيها

وگف أبوية على حيله : شلونچ عمه ؟

جده : تسألني شلوني يبعد عمتك؟ خليها سكته اللي بگلبي
نار كبره ما تهييد ولا تبرد لحد ما اعرف وينها !

نزلت دموع بابا مسحهم بسرعه
بأبهامه وگال : وينها؟!

ومشى لحد ما وصل يم جده
وحضنها وباسها من رأسها

بچت جده ومسحت دموعها بشيلتها

جده : وينها يبعد شيبي ؟ ويييين ؟
ما ظل واحد ما سألناه ؟ ميعلم بيها إلا رب العالمين ؟

سلام: وين سألتوا عنها ؟

جده : بالمناطق القريبة ما گدروا يدخلون لمنطقتكم القديمه صايره كربله