ကိုကို့နှင့်သူ့ဘေဘီအစားသရဲလေး

chapter 105

Chapter 105
Chapter 105September 30, 2023
(ကန့်ကွက်သူမရှိ)

လင်းရွှမ်က လင်းထျန်းရွယ်နှင့် ရှန်းယွင်ကျင်း တို့အပြင် စစ်တပ်အသိုင်းအဝိုင်းတစ်ခုလုံးအား လင်းယောင်ယောင်နှင့်တွဲနေကြောင်း တရားဝင်ကြေညာလိုက်သည်။

ရှန်းယွင်ကျင်းမှာ  သူမ ဂရုတစိုက် ပျိုးထောင်ထားသော ဂေါ်ဖီထုပ်ကလေးအား အမြဲတစေချောင်းနေသော ဝက်က စားသွားသလိုမျိုး အရူးမီးဝိုင်းဖြစ်သွားရသည်။သူမ လူယုတ်မာ လင်းရွှမ်ကို လက်သီးခပ်ပြင်းပြင်းကျွေးချင်သလို ဒေါသထွက်လာသော်လည်း ထူးထူးဆန်းဆန်း ပျော်ရွှင်နေပြန်သည်...

  'အို ဒီလိုဆို ငါ့သမီးက တခြားသူစိမ်းကောင်အိမ်က ကလေကချေနဲ့ အိမ်ထောင်မကျနိုင်တော့ဘူးပေါ့...'

ကြယ်တာရာခေတ်ထဲတွင်ပင် လူငယ်အတော်များများ အိမ်ထောင်ပြုလိုက်၍ မိမိဘာသာ အမှီအခိုကင်းစွာ နေထိုင်ကြလျှင် ယောက္ခမနှင့်ချွေးမပြဿနာကြား စစ်အေးတိုက်ပွဲဖြစ်လေ့ရှိသည်။သားချစ်မေမေတော်တော်များများက ကိုယ့်သားလေးကို လုသွားသလိုခံစားရ၍ ဘယ်ယောက္ခမကမှ တခြားအိမ်က သမီးကို ချွေးမတော်ကာ ကိုယ့်သမီးအရင်းကဲ့သို့ မဆက်ဆံနိုင်ကြပေ။ဆက်ဆံရေး ကောင်းမွန်နေသည်ကို မြင်ရလျှင်ပင် အပေါ်ယံ အယောင်အပြသက်သက်သာဖြစ်လိမ့်မည်။

ထို့ကြောင့် သူမအတွက် လင်းယောင်ယောင် နှင့် လင်းရွှမ် အတူတူရှိနေလျှင်လည်း ခံစားချက်ချင်းသိပ်မကွာလှပေ။လင်းယောင်ယောင်မှာ သူမကိုယ်တိုင်ပြုစုယုယခဲ့၍ သိပ်ချစ်ရသောတစ်ဦးတည်းသမီးလေးဖြစ်ကာ လှလှပပ ရင့်ကျက်လိမ်မာသိမ်မွေ့စွာ ကြီးပြင်းလာသူလေးဖြစ်သည်။သူမ အတွက် လင်းရွှမ်က သမီးလေးကို လုယူသွားသော လူဆိုးကောင်ကြီးဖြစ်သည်။

ရှန်းယွင်ကျင်း က ဂရုဏာဒေါသလေးဖြင့် ခပ်သဲ့သဲ့ရယ်မောကာ... "ကောင်စုတ်လေး နောက်ကျ မင်း ယောင်ယောင်လေးကို အနိုင်ကျင့်လို့ ဒါမှမဟုတ် သူ့ကို လက်လွတ်ဆုံးရှုံးလိုက်ရမယ်ဆိုရင်  ဒီကမင်းအမေက မင်းအသက်ကို မနှမြောနိုင်တဲ့ ပထမဆုံးသူပဲဖြစ်မှာနော်..."