لاجيت ابكتب عن جمالك تراجعّت وين بيردّني في خيالي

~ ١٣ ~

«قصّر آل طلال»
-بغرفة ريـم-
طلعت من دورة المياة{يكرم القارئ}حسّت بألم أسفل بطنها انحنت من قوّة الالم وجّهت انظارها لأسفل رجلينها
شهقت تنطق بألم:نزلت الموووييه!
تمّسكت بالطاولة الي بجانبها تتلمسها وتتمّسك بجوالها تدّق على فرحان:ردّ فررحاان ررررردّ
فتح فرحان المكالمة:هلا بغيتي شي؟
ريم بصراخ:فررحاان ببوووللد سااعدنني
أتسّعت عيون فرحان ولفّ على طريق القصّر يرجع ينطق بسرعة:تحمّلي رييم ببس ششووووي جااي الحين انا
ريم بصراخ:فرحااان مااتححمل بسرررعهه
أسرع فرحان يخلّي اثّر الكفرات على الشارع
وأخيرا وصل البيت وركض لجناحهم بأسرع ماعنده
وصل وانحنى لريم يتركها تتمّسك فيه ويركض يلّبسها عبايتها وينزلون للاسفل
فرحان بصراخ:عممممه البسي عباييتس بسررعهه ريم بتولدد!
فضه بخوف:انتظروني ثواااني وجااايه
فتح السياره وركبو جميعهم مدّت يدّها فضه تمسح على كتف ريم بحنّيه:تحمّلي يابنّيتي بس شووي
أسرع فرحان بالسياره وقلبه يتقّطع على صرخات ريم وألمها
وصلو المستشفى ونزل يتقدّم لباب المعاون بسرعه ينّزل ريم ويركض بها لبوابه المستشفى دخل بصراخ:زوجتي ببتتووووولللددد
تجمّعو الدكاتره على ريم يحملونها ويدّخلونها غرفة العمليات
تقدّمت لهم لطيفه:معليتس ام فارس انا بولدها لاتشلين همّ
ابتسمت فضه:ان شاءالله
ابتسمت لطيفه ودخلت غرفه العمليات
تنّهدت فضه وهمست:يارب انك تسهّل عليها يارب
فرحان بتوتر:عمّه نوت كيف بنعلّمها؟
فضه:معليك لاتشيل همّ الحين بكلّم ام راكان
هزّ راسه بـ زين
واخرجت فضه جوالها من شنطتها تتصل على ام راكان
بعد عدّه دقائق ردّت ام راكان وأخيرًا:هلا يمه بغيتي شي؟
فضه:يبنتي ريم اختتس بغرفة العمليات الحين بتولد،دقّي على الجود تعلّم نوت
ام راكان بفرحة:انتي صادقه ياُمي؟!
فضه بضحكة:اي بالله صادقه علامتس؟
ام راكان:والله اني فرحت لها،الله يتمم لها على خير
فضه:امين،يلا مااطول عليتس اتصلي على الجود
ام راكان:ابشري،يلا مع السلامة
فضه:مع السلامة
اتصلت ام راكان على الجود ردّت الجود الي طلعت من المحاضره:هلا ماما بغيتي شي؟
ام راكان:جودي انتي بالجامعه ولا طلعتو؟
جود بأستغراب:لا ماما لسى ماطلعنا،فيه شي ماما لاتوتريني
ام راكان:خالتتس ريم بغرفه العمليات بتولد،اذا تلاقيتو مع نوت بلغيها
جود نطّت بفرحه:والله ماماا،وش جابت وش جابت بنت ولا ولد
ام راكان بضحكة:وراتس مستعجله توها ماولدت
عبست ملامحها:اوك ماما باي تأخرت
ام راكان بتأكيد:لاتنسين تبلغين نوت
جود ببتسامه:ان شاءالله ماما ببلغها لاتخافين،عندنا بريك بعد شوي يلا باي
ام راكان:مع السلامة
قفلو الاتصال وتنّهدت الجود ببتسامه وهي متحمسه تبلغ نوت دخلت المحاضره وهي مبتسمه استغربو البنات وجّهو انظارهم للدكتور حازم الي يشرح وبعد نصف ساعه انتهت المحاضره وطلعو البنات من المحاضره
ليان:بنات ميتته جوووع امشو ناكل جوعااانه!
الجود:عندي خببر بتسمعوونه؟
نوت بحماس:وشوووو
ليان بملل:يالييل الليلل اقول اخلصو بموت من الجووع!
فرح:ياليل الدبه ازعجتنا
شهقت ليان وأشّرت على نفسها:انا دبه يالنعجه!
التفتت لها فرح:انا نعجه يالبقره!
ليان:ان...... قاطعتها نوت:خلااااص اص انتي وياها!
الجود:خالتتتيي ريم بتوولللدد
وسّعت محاجرها نوت:كذاااابه!
الجود بفرحه:اقسسسمم بالله
تقدّمو البنات يحضنون نوت الي بكت
نوت بدموع:بروح لها بنات بسرعه امشو
الجود:تستهبلين عندنا محاضره!
هزّت راسها بالنفي:مالي دخل امشو
فرح:طيب امشو نستأذن
ليان:يلا امشو بس اول شي ناكل بعدين نروح للمستشفى
الجود بضحكة:ازعجتينا يلا يالنعجه بنروح الحين امشي بس
راحو البنات لمكتب المدير بتّال
طقّو الباب ودخلو لما سمعوه يسمح لهم بالدخول
تنحنحت فرح:شسمه،لو سمَحت عندنا حاله طارئه بالمستشفى ممكن نطلع؟
بتّال:مين المريض؟
ليان بهمس:المريض انت والله
فرح بنفس الهمس:سدّي حلقتس الحين يسوي لنا سالفه
نوت بتسليك:امي ممكن نطلع؟
هزّ رأسه بالنفي:لا مو ممكن
تكتفت جود بنرفزه:وليش ان شاءالله استاذ بتّال وش السبب؟
بتّال بأستفزاز:كذا مزاج
فرح بقهر:يعني لكاعه
رفع اكتافه:افهموها زي ماتبون طلعه مافيه ويلا على محاضرتك انتي وياها
ليان بعناد:عناد فيك بنطلع وش بتسوي؟
بتّال بضحكه استفزازيه:سهله،بتصل على اهاليكم
الجود:مايحتاج حنّا نتصل تقلّع
طلعو برا المكتب تاركينه بصدمته
تكتفت نوت:مالي دخل بتطلعوني يعني بتطلعوننننيي الحيييين
فرح:ياليل شنسويلتس استاذه نوت
ليان بخبث:نتصل على أبراهيم
وسّعت عيونها نوت:وججججععع!
ليان بضحكة:شسويلتس مافيه الا الحل ذا
الجود:خلاص بقول لراكان يجي يستأذن لنا
فرح:قوليله يجيب تركي معه
ليان:وفهد معهم
فرح:ووووع غيوره!
ليان بتأفف:لو ماتسدّين حلقتس بكفر بتس الحين هنا انطمي!
الجود:خلاص طيب انطمو بكلم
سكتو واتصلت الجود على راكان وبلغته بالسالفه كلها
نزّلت جوالها:خلاص بيجون الحين
ليان:طيب على مايجون امشو ناكل
«قصر آل زيد»
بلغتهم ام راكان وتوجّهو للمستشفى
دخلو المستشفى توجّهت ام راكان للأستقبال:ريم رابح آل طلال بأيت غرفه؟
موظفة الاستقبال:لحظه شوي لو سمحتي اشوف الاسامي
هزّت ام راكان راسها بخفة وتنّهدت
رفعت رأسها موظفه الاستقبال:غرفة 406الدور الثاني
ام راكان:يعطيتس العافيه مشكوره
تقدّمت لهم:سألت موظفة الاستقبال وقالتلي غرفه 406 الدور الثاني
ام دانة:يلا اجل مشينا
تجمّعو آل زيد وآل طلال بنفس الغرفة وهم ينتظرون ريم تطلع من العمليات
وصلو البنات ونوت كانت تركض بأقوى ماعندها انتبهت لها فضه وتقدّمت لها مسرعه:بسم الله عليتس يابنتي وشفيتس
نوت بهلع:ا امي ماما وين وينها؟
جلّستها فضه على الكرسي وهي تسمّي عليها
الكل متوتر ويدعي واخيرا طلعت لطيفه من غرفه العمليات تقدّمو لها وهم يسألونها عن حال ريـم
ابتسمت لطيفه وتنّهدت:الحمدلله اببشركم ولدت بخير وجابت بنت مثل القممر
توسّعت عيونهم بفرحه وسجد فرحان بالارض شُكر لله والبنات كلهم تقدّمو يحضنون نوت كانو كلهم فرحانين وسعادتهم ماتنوصف
لطيفه:نص ساعه ان شاءالله وننقلها لجناحها
وبالفعل بعد نصف ساعة نقلو ريم لجناحها الخاص
دخلو الحريم كلّهم لجناح ريم يتحمّدون لها بالسلامه والعيال واقفين كلهم امام باب الغرفه
"جناح ريـم"
فضه:الحمدلله على سلامتتس يابنيتي ومبروك ماجاتس
ام راكان ببتسامه:مبروك ياختي تتربى بعزكم
ام دانة:الله يجعلّها من مواليد السعاده
ام فهد:مبروك ماجاكم يام نوت وتتربى بعزكم والله يجعلّها من مواليد السعاده
همسّت بـ:امين
فضه:هاه يابنتي وش بتسمونها
ريـم ببتسامه:نـجـد
ابتسمو بذهول من جمال الاسم وتطابقه مع اسم نوت اكمّلو سواليفهم والسعاده ماكله قلوبهم
وراح فرحان مع رابح للحضانه يكمّلون اجراءات بنته
«عند العيال»
نطق زياد وهو حامل نـجـد:ياللببييه جميله والاسم جميل زوجوني اياها
ريّان:تخخسي تاخذ بنت خالتي البنت لولد خالتها انا اولى منك!
ضحكو على هواشهم وربت ريّان على كتف فهد:يلا عقبالك هاه
زياد:اييه مااوصيك عاد شدّ حيلك وجب لك ولد وغمز له،ولاتنساني من السماوه هاه
ريّان:اقول بس تقلّع اسمي احلى
زياد:ياخي انت شتبي مناشبني!
وسّع عيونه فهد بذهول منهم
عبدالله:اقول يالبزر انت وياه وش هالكلام هاه من وين متعلمينه؟
ريّان وزياد:منك
وسّع عيونه بصدمه وركض وراهم
نايف:يععع فشلووونا
نواف:يااااي،اقول انطم بس
بعد مااكمّلو الاجراءات بالكامل رجعو فرحان ورابح
رابح:ان شاءالله بكره تمايم نـجـد حياكم الله بقصرنا
فيصل:ابشرو ان شاءالله اول الحاضرين
«عند البنات»
نوف:أخس والله الي صارت اخت كبيره
نوت:عقبالتس
شهقت:يمااه لاخليني كذا كتكوته واخر العنقود سكر معقود
ليان وفرح:ووووووووععععع
التفتو لبعض وصارخو ونطقت ليان:ياخي انتي شتبين ناشبه لي حتى بكلامي يع!
فرح:من زينتس عاد انتي الي تقلديني يالغيوره!
ليان:ياصبببر ااايييوووووب
فرح:اي والله الله يصبرنا عليتس
فتون لنوف:بعدين انتي ياحماره تقصد اذا تزوجتي تجيبين ورع!
ريما:انطمي انتي وياهااا ماتسكتون بالعين راديو!
«نرجع لعند العيال»
ابو دانة:اجل خلاص جيبو الزّل عندنا احسن
هزّ رابح رأسه بخفة:خلاص اجل ماعليه
راحو آل طلال لقصرهم بأستثناء فرحان وفضه بحُكم انهم بينامون عند ريـم
وآل زيـد توجّهو لقصرهم ونوت معهم بأصّرار من البنات
«قصر آل زيـد»
"عند العيال تحديدًا"
فهد:ياعيال شرايكم نروح للعزبه حقّتنا؟
راكان:تكفون امشو تراني مشتاااقق لها بالحييل
تركي:خلاص تم
أبراهيم:معكم،نقول لسهم وعناد معنا؟
فهد:اي بتصل عليهم روحو انتو جهزو المكان وانا بمّرهم والحقكم
تركي:تمام
اتصل فهد على سهم وردّ عليه:ااارحب يابو سلطان
ابتسم فهد:ابقه يامرّحب علومك
سهم:بخير نحمدلله،بغيت شي؟
فهد:ابد بس بغيتك تجي معنا للعزبه
ضحك سهم:والله وقتها من زمان عنها
ابتسم فهد:هاه معنا اجل
سهم:معكم معكم
فهد:يلا اجل انتظرني دقايق وجايك
قفّل الاتصال من سهم وراح ركب سيارته واتصل على عناد
عناد:هلااا والله بالقاططع
ضحك فهد:هلابك يالمختفي،وينك يارجّال؟
عناد:انت القاطع ولا انا المختفي؟
فهد:يازينك ياعناد جعلني مااعدمك اسمع بنروح للعزبه وبتجي معنا
عناد:اعذرني والله عندي ش.....قاطعه فهد:تجّهز انا جايك
تنّهد عناد:عنيد من يومك يابو سلطان
ضحك بخفة فهد:يلا يلا يابو محمد تجّهز جايك
هزّ رأسه بأسى:ابشر
"تعريف لشخصياتنا الجديدة"
-أهل عناد-
والد عناد:محمد بن ماجد بن قاسم آل ثنيان
عمره87
متوفي
والدة عناد:نادية بنت ماجد بن عبدالرزاق آل خالد
حنونة وطيّبة على عيالها مره واهم ماعندها عيالها كلمتها الدائمة انها تشوف احفادها
عمرها79
البّكر عـنـاد: طيّب وشديد بنفس الوقت مُهتم لشغلة وجدا يحب اخوه علي كثير وبار بأمة ومتعلّق بأبوه جدا
عمره25
عـلـي:يحب الضحك والوناسه ومتهور جدا أكثر وقتة مشغول بلعب السوني يحب اهله مرره
عمره19
-أهل سهم-
والد سهم:مترك بن وافي بن بدر آل عايد شديد وصارم بقراراتة وعصبي جدا يصير للهنوف ولد عمها
عمرة80
والدة سهم:الـهـنـوف بنت خلف بن مترك آل عايد
ليّنة ومتفهمة وعلى نياتها وبلسم للجرح
عمرها77
البّكر مُـنـى:مثقفة ومتفهمة وعصبية ماخذة من صفات امها وابوها متزوجة وعندها ولد واحد مشاري
عمرها 30
سـهـم:ماخذ صفات ابوة الكثيير مُتمّيز بغمازاتة المتوسدة وجنتية عسكري برتبة فريق اول
عمره24
«عند فهـد»
وقّف فهد عند بيت سهم وركب سهم وتوجّه من بعدها لبيت عناد نزل لهم عناد ومن بعدها اتجّهو للعزبه او لمكانهم السرّي وصلو وشافو تركي وراكان يرتبون الاغراض والفرشه وأبراهيم جالس قبال النار يسّوي لهم شاهي
جلس فهد وجلسو معه عناد وسهم بعد ماسلّمو على العيال نطق أبراهيم وهو يحرّك الحطب:يالله حيّهم
سهم وعناد:الله يحيك ويبقيك
راكان:اخباركم علومكم
سهم:بخير دامك بخير
عناد:بخير الحمدلله طمنونا عنكم انتم
تركي:ماعلينا الحمدلله بس فيه واحدً هنا ضايع بهواجيسه
عقد حواجبه راكان ودّق كتف فهد:اخوك ياصبي علامك انت بك شي؟
فزّ فهد واردّف بتلعثم:ه هااه م مافيه شي علامك انت؟
أبراهيم:ندري عنك ياخوي وراك انت؟
تركي:الا فهيد عطنا من قصايدك
سهم:اي بالله اطرببنا
تنّهد فهد:
أنـا يـوم حبّيتـة مـدري ليـة حبّيتـة
علّـي الحـرام أنّـة سـؤال محيّـرنـي

هويتـة وصـرت أسّـوي اللّـي ماسّويتـة
تغيّـرت وأنـا اللّـي مايغيّـرنـي شـي

صفّر راكان:اللللعععبببب،صصح لسانك
ضحك فهد:صح بدنك يابوفيصل
غمز له سهم:مين الي حبيتها اعتررف؟
فهد:اعطيكم الموضوع على بلاطه،تراني احبّ
اتسّعت محاجرهم بذهول
راكان بصدمه:هااااااه،هو صدق الي سمعته!!!
هزّ راسه فهد بالايجاب:ايه صدق
سهم:داررري والله انك ضايق
أبراهيم:يالكلب ليش ماقلت لي؟
تركي:العب يابو سلطان منهي؟
فهد:بسم الله هدّو شوي شوي بعطيكم العلم
عناد:يلا يلا بسرررعه كب عفشك اخلص
فهد:شسمه،انا احب بنت خالي فيصل
انصدمو وشهق راكان:جوووووورري!
التفت عليه فهد بتوتر:لا الجود
أبراهيم بذهول:كذذاابب فهد!
فهد:والله انّي صادق علامكم؟
عناد:اذا تحبها طق باب بيتهم
سهم:وهو صادق عناد لاتجيها بالحرام رح لها بالحلال
ربت تركي على كتفه:اطلق حجاجك ياولد العمه اقدم وحنا معك
فهد وهو يناظرهم:معي؟
أبراهيم:معك لعنبو جدك معك
سهم:معك بس اقددم
عناد:معك والله مااخليك
التفت فهد لراكان وزفّر بضيق من شاف سكوت راكان:افا يابوفيصل ماتبيني؟
فزّ راكان:العن شكلك وش الي ماابيك والله لك بس تعال واخطبها
فهد ببتسامه:جعلني مااعدمكم يااخواني
تقدّمو يحضنونه واكمّلو سواليفهم إلى ان قاطعهم اذان الفجر
تركي:يلا قومو نصلي الفجر
أبراهيم:يلا يلا
صلو وخلصو واخذو اغراضهم ورجعو للقصر
راحو العيال للملحق ينامون بأستثناء فهد الي توجّه لغرفته يتروش ويلبس ويتجّه لغرفة امه راح لغرفة امه طق باب غرفتها وهو يدري انها صاحيه بحُكم انها تقعد بذا الوقت كونها تصلّي وتتجهز لدوامها سمحت له بالدخول ودخل وهو يتنّهد
علياء بأستغراب:بسم الله عليك ياُمي انت بك شي؟ تعبان؟
ابتسم:لا يمه مافيني شي بس متضايق وبكلمتس بموضوع
علياء:عساه خير؟
هز راسه بخفة:خير خير ان شاءالله
تقدّم ينسدح على رجل امه ابتسمت علياء وهي متعوده على حركته المعتاده من يومه صغير ولا غيّرها خلخلت اصابعها بشعره الفاحم والكثيف:بسم الله عليك ياُمي،وشهو موضوعك؟
فهد:يمه ابي اتزوج
ابتسمت بفرحه:الحمدلله ياُمي ابشر بالي تبيها منهي؟
فهد:يمه الجود،الجود بنت خالي فيصل
علياء:ازين مااخترت اي بالله زين وذرابة وأدب وخُلق وأخلاق عيني عليها باارده
فهد بفرحة:يعني يمه باخذها بتصير لي حلالي؟
ضحكت بخفة:بأذن الله لك ياحبيبي
تعدّل فهد وقبّل رأسها:يابعد حيي ياميمتي،يمه قولي لابوي
علياء:ابشر ياحبيبي انت
وقّف وقبّل رأسها ويدينها:يلا يمه لاتتأخرين
هزّت رأسها وهي مبتسمه:ابشر ياحضرة اللواء
ضحك فهد:يلا مع السلامة
طلع واتجّه لغرفتة يتجهز لدوامة وهمست علياء وهي مبتسمه:استودعتك ربي
اخذت اغراضها ونزلت تحت تفطر مع الباقيين

اعطّو التعب حقّه ، بعد العيد نرجع بإذن الله لاتنسوني من دعواتكم وعيدكم مبارك مقدمًا🤎