فصليه الشيخ حسين

البارت 51❤️

{ بسم الله الرحمٰن الرحيم }

صكر كعدت ساعه ب8 الصبح جسمي مكسر هواي صار نايمين الغرفه بارده ميهلي اكوم حوراء بحضني بسته ورجعت غمضت عيوني وغفيت مره ثانيه كعدت ب9 حسيت على حوراء تتحرك كعدت شفته مامتغطيه وبارده عطيته وبسته بركبتها ضليت خال راسي بركبتهه

حوراء كعدت ب9 ميته برد الغرفه ثلج وماريد افتح عيني بعدي نعسانه كل مااتحرك يطك شي بجسمي اني كولشي مامسويه بس ليش هيج تعبانه مادري شويه ودفيت وحسيت صكر يبوس بركبتي فتحت عيوني

حوراء: صباح الخير حبيبي
صكر : صباح العسل يا عسل
حوراء: ساعه بيش
صكر : ب9 حبيبي
حوراء: احنه البارحه نمنه ب8 بليل مو
صكر : اي حبيبي صار النه 13 ساعه نايمين 🙂
حوراء: شكد عيب من اهلك حبيبي وخر خل اكوم
صكر رادت تكوم سحبته: وين وين احنه عرسان بعدنه عيفي العيب هسه مشتاقتلج وحطيت راسي بركبتها
حوراء: صكر مو وكته حباب
صكر ماسمعت الهه صعدت لشفته ملخته تملخ وهيه تلعب بشعري تهيجني زياده وهم نزلت لركبتهه ووووو.... وخرت منه نمت وحضتنه ثنينه نلهث من التعب جانت ساعه ب11 ونص

حوراء متت تعب وشويه توجعت ردت اكوم اسبح بس ملابسه شي ستحيت
حوراء: دير وجهك اريد اروح اسبح
صكر : هههههه حبيبي حافض كولشي بيج ماكو داعي تستحين انتٍ مرتي
حوراء: غمض اريد اكوم
صكر : تستحين
حوراء: ايي ☺️
صكر : لعد منو جان ستوه جواي يكول أااه حبيبي دتأذيني علكيفك صكر
حوراء: انت الحجي وياك ضايع ... لفيت روحي بالحاف وكمزت للحمام اسمع شلون يضحك عليه لانو مستحيه بتسمت وسبحت ولبست روب الحمام وطلعت رحت اطلع هدوم اجه صكر من وره ويبوس بيه
حوراء: يلا حبيبي روح اسبح حتى ننزل
صكر : تمام ... سبحت وبدلت وكتله يلا ننزل لزمت ايده ونزلنه
حوراء دخل صكر يسبح واني رتبت الغرفه ولبست صايه لو زيتوني كولش حلوه ولفيت شال بيجي وساعه صغيره بسيطه وناعمه لون بيجي ولبست كعب بي مال بيت يعني حلو مو أوڤر خليت عطر وخليت بس بلاشر خفيف ومسكاره وخليت حمره خفيفه يعني شويه تعديلات للوجه مكياج خفيف مال بيت وناعم خليت عطر وصكر هم بدل لبس دشداشه بيجي ولبس محبس وساعه وعدل شعره وخله عطر ولزم ايدي ونزلنه جانت ساعه ب12 وربع

صكر .. حوراء : صباح الخير
ام صكر : صباح الورد عيوني انتو
ملاك وليا: اهلا عيني
حوراء: شلونج خاله
ام صكر: يبعد روحي الحمد لله بشوفتج يمه صيحيلي ماما
حوراء: تدللين يمه
صكر : شلونج يوم
ام صكر: الحمد لله يمه بخير حبيبي
صكر رحت بسته من رأسه وكعدنه جان محد ماكو بس هيه وملاك وليا ( خاله ام صكر صارت حبابه كلش وكلبه طيب جانت مسمومه بس مادري منو الغيرهه هيج يلا الله يهديهه ورقيه خطيه عايشه بضيم يم محمد )
صكر : يمه ريان وين
ام صكر: يمكن طلع وي ابوك يمه
صكر : تمام
ام صكر : يمه هسه همه على جيه صار وكت الغده بس نصلي ونصب الاكل
صكر : خوش لعد اني راح اكعد بالصاله
ام صكر: اخذ راحتك يمه
حوراء: كعدت يم البنات ماسويت ريوك لانو راح يصير وكت الغده كعدنه سوالف وضحك أذن كمنه صلينه وكامن البنات يصبون اكل اجه عمو وريان
اني ميخلوني اسوي شي يكلون من يصيرلج سبوع عود اشتغلي بعدج عروس واني ماحب ابقى كاعده همه يصبون واني انقل الاكل للصاله كعدنه كلنه اكلنه وكملنه وشلنه المواعين غسلوهم البنات سوو جاي وكعدنه نشرب ونسولف كملنه الجاي وعمتي كالت العصر تحضري جاين ناس يشوفوج ويباركولج وبعدين كلمن راح الغرفته اني هم صعدت فوك سبحت لبست دشداشة نوم قصيره لون سمائي نشفت شعري وضفرته خليت عطر ورحت تمددت صكر جرني لحضنه باسني وضلينه نباع بالتلفزيون واني مادري شلون غفيت

مريم كعدت ب10 الصبح حسين ماكو اليوم راح للدوام مالته كمت رحت للحمام سبحت ولبست برموده وتشيرت نص ردن لون جوزي نشفت شعري وضفرته خليت عطر ونزلت سويت جاي وتريكت كمت بديت بالمطبخ مسحته ومسحت المواعين مسحت الارضيه والطباخ والكاونتر ورتبت المواعين رشيت معطر جَو سويت غده برياني دجاج حضرت غراضه سويت زلاطه وحضرت لبن وكلشي طلعت للصاله رتبته ومسحته مسحت الغراض والتلفزيون حتى البيبان مسحتهن رشيت معطر جَو وصعدت لغرفتي رتبتهه شلت الهدوم الوصخه رحت غسلتهن وغسلت الحمام مسحت المرايه ورشيت معطر جَو وشغلت السبلت وطلعت مسحت الصاله الفوك والغراض مسحت المحجر والدرج انتضر وحده وحده تنشف خاف ازلك وأوكع رتبت كُلشي رحت للغده صار حاضر كله تمام الساعه صارت ب12 ونص رحت سبحت وصليت خابرت حسين كال اني بطريق جاي رحت حضرت هدومه بالحمام ونزلت حضرت الاكل علميز ستوي كملت هوَ دخل رحت بسته وسلمت عليه كتله روح اسبح بساع راح سبح واجه ناكل ونسولف

حسين : رحيت البيت تموت حبيبي عاشت ايدج
مريم : وايدك حبيبي 💋
حسين : ليش متعبه نفسج ماتخافين على جهالي
مريم : لا حبيبي كل ما اتعب اكعد ارتاح وارجع اكمل شغلي
حسين : مره ثانيه من تدرين شي او تنضفين البيت أدزين على نبأ او مروه تمام
مريم : تمام
حسين : عفيه بحبيبي 💋 وها عاشت ايدج هم الاكل كلش طيب
مريم : بالعافيه ياروحي .... كملنه اكل حطيت جاي جديد عنار بين مااغسل المواعين خلصت المطبخ ورتبت كلشي صبيت جاي ورحت لحسين جان كاعد بصاله يباع تلفزيون نطيته وكعدت يمه حضني وضلينه نسولف طبعاً هوَ كل يوم راح يروح لشغله يطلع من ال8 الصبح يرجع ب1 الضهر .....

في مكانً أخر

مروه حياتي حلوه كُلش علي خطيبي واحجي ويا دائماً يعني اراسله أو اتصل عليه مرات ياخذ إذن من بابا ونطلع نفتر أو ناكل ومرات اروح لبيتهم يعني حياتي كُلش حلوه وهم أن شاء الله دراستي راح اكمله هسه لأنو عطله كاعدين وان شاء الله نرجع بقوه 💋....

نبأ اني هم حياتي كُلش حلوه تجنن حرفياً بارق مقدملي كُلشي أريده اموت عليه احبه كُلش وهم خطبني حالياً احنه مخطوبين هم دائماً نحجي وي بعض ومرات نطلع سوه من بعد ماياخذ الموافقه من بابا وان شاء الله راجعين للدراسه بقوه 💋....

البنات كُلهن كذالك حياتهم حلوه وعايشين حياة سعيده ماعده ليا وريم ليش لانو لسا الشباب ماعترفو الهن ..... يتبع ..........

حبايبي البارتات الجايه بيهن احداث كُلش حلوه وممتعه أن شاء الله اكتب الكم بارت حلو بأقرب وكت بس شويه عذروني اني طالبه سادس🥲
صوتوو حبابين 💋❤️🫶🏻✨

كل عام وانتو بخير ❤️✨.