لفت سمو لتسريحه تعدل المكيب خلصت ناظرت باثمار الي تسوي كوب قهوه
قربت اثمار بالكوب ومدته لسمو : اشربي وروقي ترا بيجونك يسلمون لازم تنزلين تحت
اخذت نفس سمو اخذت الكوب شربت
اثمار : بنزل تحت
هزت راسها سمو
-
بالمجلس
القهوجين يمشون ويصبون ناظر نياف بسهم وهمس : الحين جايين ليه؟
سهم : تبي ارد العزيمه يعني؟
نياف : مافيه اي حماس الي يسولف الشياب بس
سهم: عاجبتك سواليفهم روح لهم
نياف : برجع
سهم : لا
لف نياف لسيف الي دخل استغرب نياف يناظر فيه سلم سيف قرب وجلس جنب سهم ونياف
نياف : وشجابك؟
سيف : حنين توها تنتبه للعزيمه وازعجتني بتجي
انتبه سيف انه نطق اسمها له
نياف : فدا تزعجك
سيف : ترا ماوفقت ف لاتشوف نفسك
قرب فيصل وجلس جنب سهم وسولفو شوي
فيصل : عندي خوي ماعنده وظيفه وضايق فينا والله ناظر فيه سهم كمل فيصل : مشكله مايمدي اوضفه بالمركز تعرف لازم عسكر ، ف تقدر تدور له عندك؟
سهم : يبشر
فيصل : بالله
سهم : اي والله ان شاءلله ادور له ويبدا هالايام
فيصل : الله يسعدك قول امين
سهم : امين يارب ناظر سهم بجواله الي يتصل وكان مشعل
ناظر سهم بفيصل : يدقون علي الدوام ببلغهم بخويك
فيصل : ماتقصر وقف سهم وطلع برا قرب للجلسات يكلم مشعل
وقفت اثمار عند الحريم تناظر فيهم وفي ام صقر وبناتها وقفت احلام وقربت لاثمار : ودي اشوف سمو
اثمار : شوي بس ونروح
احلام : ازعاج هنا نمشي برا؟
اثمار : اي والله مشت اثمار معها برا ودها تطلع من قبل تحس ضايقه من حال سمو
مشو اثمار احلام وقفت اثمار من الصوت لفت لاحلام : فيه احد شكل
احلام : مستحيل وش يجبيهم؟
مشت اثمار معاها ووقفو عند الزوايه يناظرون بسهم الي معطيهم ظهره وواقف عند الجلسات كانت احلام واقفه عند الزوايه واثمار بجنبها
احلام : اما سهم
اثمار : بنرجع لفت بتمشي ومسكتها احلام مسكت بطنها صارخت بخفيف: اههه ناظرت اثمار فيها بصدمه لف سهم لهم لفت اثمار تناظر بسهم بوهقه وتوتر ناظرت باحلام بخوف : بنت شفيك
احلام ناظرت بسهم يناظر فيهم : سهمم بطنني
قرب سهم لهم فلتت يدها اثمار ومشت تدخل وقفت عند الباب بتوتر دخلت داخل رقت فوق لغرفه سمو وسكرت الباب ابتسمت سمو بهدوء : وشفيك
قربت اثمار وقالت لها
سمو : حيوانه احلام
اثمار حطت كفوفها على وجهها : يمه الوضع غلط غلط
والله اوقف تدريب خلاص تفشلت بما فيه الكفايه
سمو : بنت وش توقفين هذا زوجك خلاص
اثمار: سمو رجاءً لاتقولين هالكلمه رجاءً
سمو : ليش؟ خايفه
اثمار : ليه تبين توهميني فيه؟ طيب يمكن الحين اخذ مني فكره تخيلي يقول متفقين انا واخته يشوفني؟
سمو : مستحيل
اثمار : والله يقوله الله يفشل العدو ليتني ماطلعت ليتني
سمو سكتت تناظر فيها كتمت ابتسامتها رفعت جوالها تناظر برسايلها هي واحلام وماردت احلام عرفت سمو انها لسى مادخلت
تحت ناظرت احلام بسهم الي مسكها : اوديك المستشفى؟
احلام بوهقه ناظرت فيه : مايحتاج
سهم : شلون توك بتموتين علي بسم الله عليك
احلام : راح الالم خلاص
سهم : وش هالالم ابو دقيقه؟
احلام ابتسمت: شوفتك نستني
سهم : فيك شي ؟
احلام : لاوالله
سهم: اذا رجعنا اتفاهم معك
دخل سهم عند العيال وجلس جنب فيصل صحيح لمحها بس لانها رجعت علطول لكن وقفتها وتوترها فستانها عاجز يشوف شي غيره رجع ظهره ورا بلع ريقه يناظر بعقاب يشوف ملامحه همس : يشبه لها غمض عينه همس : ليه تطلع بوجهي هي ليه تطلع بكامل زينتها لي فتح عينه يناظر بفيصل
فيصل : بشرني
سهم : بوش؟
فيصل : الوظيفه!
سهم : وظيفه ايش تذكر : وظيفه خويك نسيتها غمض عينه : اعتذر والله راحت عن بالي مامداني
فيصل سكتت يناظر فيه كيف متوتر
فتح ياقة ثوبه سهم وقف يطلع برا ناظر بالمكان الي كان واقف فيه وبمكان وقفتها وقف ياخذ نفس
-
دخلت احلام ارسلت لسمو : تم
سمو: تعالي كيف طلع سهم برا ليكون دقيتي ؟
احلام : كنت بدق عليه على اساس بالغلط بس لقيته برا
سمو : اشوا انه من حاله طالع لو دقيتي كشفك
احلام : خطتك وتنكبيني ضحكت سمو : بننزل تحت خليك بالمقلط
بالمقلط ناظرت احلام باثمار : يابنت شفيك والله صدقني ماانتبه لك لاتشيلين هم
اثمار : انتي وشجاك؟
احلام سكتت تناظر بسمو
سمو انصدمت من ناظرت فيها : شفيك صح؟ اشرت لها تتكلم
احلام : مدري جاني الم فجاءه حسيت بستفرغ وانتو بكرامه
اثمار : والله فشله ليتني ماطلعت
احلام : اثمار سدي حلقك
طقت الباب حنين دخلت : سلامم
وقفت سمو : اهلينن قربت حنين وسلمت عليها : مبروك ياروحي مدت لسمو هديتها
سمو: الله يبارك فيك وعقبالك يارب
حنين ابتسمت سمو : اجلسي معانا جالسين نسولف
جلست حنين وبدو يسولفون
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
