هلاو
بالبداية اعرفكم ع نفسي اسمي المقتبس(نجمة) عمري ٢٠
راح نقتبس اسماء وهمية حفاظاً على الخصوصية هاي القصة هي حقيقة بدايته جانت من ٦/١١/٢٠٢٣ نجحت من السادس بمعدل جان يرضيني نوعاً ما ودخلت للجامعة (احدى الجامعات العراقية) بتخصص ماحبيتة ولا تخيلت عمري راح اكون بي كلي ثقة انُ الجامعة هي عالم من الحب والسلام والحياة الي تمليها وعي وثقافة لان اغلب طلابها همَ من اختصاصات تطلب هلشي .
اول يوم دوام جان بتاريخ ١١/٦
اول دخولي للجامعة جان ازدحام وعالم فرحانة بداية العام الدراسي الجديد وكلهم حب وحماس اول يوم دخلت بقاعة جان الكل كاعد هذا الي يلعب بجهازه وهذا الي يحجي وي اصدقائة ويضحك بصوت عالي والبنات كذالك الي تصور والي تقره ولي فرحانة اول مادخلت كلت السلام عليكم الكل رد السلام وهدئو كعدت بالقاعة واني كلي خوف وارتباك وماعرف اوصفلكم الشعور من ضياع من حماس لان لا التخصص الي حلمت بي ولا المكان الي اريده طبعاً صديقاتي من المتوسطة جانن وياي وهلشي ساعدني بتقبل الوضع الى ان تفرقنة كل وحده بشعبة صرت بشعبة محد بيها غير طالبة اعرفها من الإعدادية فتقبلت الشعبة لان جان ترحيبهم وكلامهم والبنات الي وياي لطيفات الدكاتره رحبو بينه وكعدنه متحمسين ورجعت للبيت واني كلي أمل انُ اتعايش وي هاي الاجواء .
باليوم الثاني فرقونه الى ٣ شعب اتفرقت جمعتنة والبنات الي جانو لطيفات توزعن ع الشعب هنا اني بقيت بين خيارين يا اما اروح وي صديقتي الي راح يكون اسمها (ود) وهاي وياي من البتدائية ودخلنة سوه بقسم ماحلمنا بي يوم يا اما اروح وي زميلة الاعدادية (زهو) الي صرت وياها بالصدفة وجانت وحيده واجتمعنة اني كلش حبيت شعبتي من الولد ومن البنات ف اخذت اكثر قرار غلط الي هو ارجع الشعبتي وي صديقتي (زهو) رجعت وبقينة نطلع ونصور سوه وتونست اول اسبوع خلص ع خير .
ثاني اسبوع من الجامعة ب أول يوم (الأحد)
دخلنة محاضرة والكل منتظر تبلش او محاضرة بحلمهم والبعض تبلش اول محاضرة بطريقهم المجهول دخل علينة (رئيس القسم) وعامل بنية بطريقة كلش جانت محرجة من كلام واهاين هنا البنية جان لبسها محتشم بس هو ماقبل لان ماجان من ضمن شروط الزي البنية تخربطت وتأذت وحتى رادت تبجي بس اكو شي يكلها قاومي اني هنا ماكدرت اتماسك نفسي ورحت الها وكتلة خلي نطلع نغسل ونغيرلج جو هي ماقبلت بس بعدين من شافتني اصريت عليها اجت وياي وطلعنة وبقيت اواسي بيها واهون عليه وهنا صارت صديقتي وظهرت احدى الشخصيات الرئيسية الي راح نسميها (نورة) طبعاً سوينة كروب خاص بالشعبة واجتني خاص بيقنة نحجي ونتواصل واهون عليه لان هي من النوعية الناس الحساسة والي يتأثر بابسط انتقاد مرت الايام وبديت احسها شخصيتة بكروب الشعبة غير عن شخصيتها الي اعرفها والبنية الطيفة بس كلت يمكن هي ماتحب تشوف احد الجانب الطيف من شخصيتها ومثل ماتعرفون صديقتي (زهو) هي اقرب منها الي حجيتلها عنها وبقينه سوه نحجي ونتشاقة ومرت الايام وصرنة نثق بعض ونطب ونطلع وصرنة ثلث صديقات سوه الا ان (زهو) صديق اخوها وزميلها بالسادس ويانه بنفس الشعبة طبعا وهاي احدى الشخصيات الي راح تستمر ويانه وراح نسمي ( ناصر) ناصر هو من اقارب (زهو) وصديق عائلتهم ف هي تسولف وتسلم عليه ومابينهم اي خلاف هنا صديقتنة (نورة) جانت تغار تغار من كلشي من الي احله منه من الي عنده صداقة اكثر منه لحد هذا يومنه ماعرفنه السبب وره تصرفها هذا راحت ال(ناصر) وكالتلة انو احنا نحجي وننتقد تصرفه ونكول عليه هو والشعبة كلمة (عطلات) طبعاً هاي من المفردات الي متعارف عليه شكد بيه معاني ومن حقه الولد يتنفرز ويعاتب بحكم العشره الي بينهم وبحكم سمعته ك ولد اجة وعاتب (زهو) هنا هي طلبت مني اروح وياها حتى تكدر تحجي وياه براحته ومايطلع حجي عليهم انُ بيناتهم علاقة حجو وهو ماقبل يكول منو الي كاله ومنو الي نافق ماحجه نهائياً مع انُ حلفنا بس كال مبريلكم الذمة والخاطري راح يسامحها والموضوع يصير ماضي ورحنا وحجينه الي صار الصديقتنة (نورة) هنا هي ماتفاجئت بس مابينت بقت تحجي وتسوي ردود فعل حتى ماتبين وبنفس اليوم صارت حفلة التعارف الي معتاد عليه كل شعبة يسوها باول مرحلة طبعاً صارت اكو كعدات وسوالف وعزايم وضحك وتصوير ونسينه الي صار ومرت الايام وصار وياي موقف هنا من احد طلاب شعبتي اثناء كلامنه بالكروب (كروب الشعبة) وطلع من الجنوب وطلب مني كدام الطلاب كله انُ اخلي يجرب الريزو هنا اني نحرجت ماعرفت شنو اسوي او اغلس اول مره يصير وياي هيج واول مره انحرج ف غلست وبقه يلمح ع الموضوع والطلاب كله دكله عوفها وماعدها ومن هلكلام اني نحرجت كلش وماعرفت شنو اسوي او اتصرف ف ثاني يوم اشتريت الريزو وياه ببسي وخليتهن بعلاكة وبقيتهم بلوكر النهاية الدوام حجيت وياه كتله اسفه وهذا طلبك وهو نحرج وخليت وشردت ماسولفكم ع الشعور اول مره احجي وي ولد بهلطريقة واول مره يصير هيج موقف محرج واتشجع واواجهه الحمدلله خلصت منه ومن طلبة مرت الايام وبيقنه نحجي كلنا بالكروب ونسولف طبعاً غلطي جان انُ جنت ع نيتي احب اسولف واضحك وماخلي احد يحس بالممل ابد بقة الولد يذكرني بالريزو ويتشكرني عليه ونضحك الا ان مرت الايام واكتشفت انُ مطلعين عليه اشاعة العلاقة علاقتي بالولد وانُ احنا عايشين قصة حب طبعاً عرفتها متأخره للاسف بس ماعرفت المصدر من وين بالضبط ابتعدت عن الولد وحتى سلام ماسلم عليه لان مثل متعرفون البنية اهم شي سمعتها
