اخترتك من الناس للقلب خلّه 🌷

البارت ٩

" الحمدلله "

قال فهد : خير خير وين رايحين وليه فاتحين الباب
العنود سكتت ونطقت نوف : شسمه البنات ما تغدوا زين وطلبوا مطعم
فهد : وخير تفتحون الباب واذا صار لكم شي احنا ما نمنعكم من المطاعم بس اذا وصل قولو ل واحد مننا نجيبه
العنود : طيب اسفين عادي تجيب الطلب ؟
فهد : طيب يالله دفعتو ؟
العنود : اي اي معليك دفعنا
راح فهد يجيب الاكل واعطاهم ل نوف و العنود ونطق : مره ثانيه انتبهو ولا تفتحون الباب ل احد واذا طلبتوا قولو لنا نجيبه
العنود : خلاص تمام معليش
نوف : خلاص تمام يمدي نروح الشمس صكتني
فهد : يالله روحو وبالعافيه ومره ثانيه اطلبوا لنا معكم
العنود : ومين الي اكل بالخمس قبل شوي
فهد : ياخي شسوي أجوع بسرعه
نوف : ههههههههههههه ولا كانه ذاك فهد الي ياكل بالخمس حتى سيف يكلمه ما يرد
فهد : شسوي جوعان بعدين روحو لا يوصل الاكل للبنات بارد
العنود : يالله مشينا
نوف : يالله
وراحو نوف و العنود عند البنات ونطقت العنود : يمه بنات فهد خرشني مدري من وين طلع وجلس يهاوش ليه ما قلنا لهم يجيبون الاكل
نوف : واخر شي جلس يضحك معنا ويقول جوعان ليه ما طلبتو لنا
ريم : ههههههههههههه يمه منك يا فهد ينقلب بسرعه
رند : بعدين تعالي شلون جوعان ومن ذاك الي كان ياكل بالخمس
ساره : منجد حتى العيال يكلمونه ما يرد
نوف : مدري عنه يقول انه يجوع بسرعه
العنود : يالله بنات خل ناكل جوعانه عشان نسبح بعدها
نوف : يالله وانا بروح البس لبس السباحه حقي وبروح اجيب بخاخات الثلج والعوامات وكذا وعندي لكم مفاجأه بس قبل ذا بنات بصور ستريك ماك
حطو البنات اكلهم وصوروه وبدوا ياكلون وعند نوف الي كانت تتفق مع وحده عشان تجيب اله ايسكريم للبنات
نوف : خلاص تمام كم تكلف وابغا نكهتين
حقت الايسكريم : تكلف ٣٥٠
نوف : خلاص مناسب ابيها الحين وبرسل لك الموقع
حقت الايسكريم : طيب وش النكهات ؟
نوف : تشوكلت وفانيلا
حقت الايسكريم : خلاص ابشري بعد شوي يوصلونك
نوف : يعطيك العافيه وقفلت المكالمه وقالت اف يعني الحين لازم اقول ل فهد
راحت نوف تقول ل فهد
نوف : فهد
فهد : هلا
نوف : اسمع انا طلبت اله ايسكريم للبنات بدون لا يدرون والحين بتوصل بس قلت لك عشان تروح تاخذها
فهد : طيب كم سعرها دفعتي ؟
نوف : اي دفعت سعرها ٣٥٠

فهد : تمام
وراح فهد وجاب الاله وحطها داخل
فهد : عاد عطونا احنا والعيال لا تبخلون
نوف : طيب بنعطيكم اذا سبحنا وخلصنا بنجيبها عند المسبح حقكم
فهد : كفوو والله
نوف : كفوك يالله بروح البس
فهد : يالله باي
نوف : باي
راحت تلبس نوف المايوه حقها وكذلك البنات بعد ما خلصوا اكل راحو لبسو المايوهات حقتهم
ساره : يايي من جاب الاله
العنود : يميني اشتهيته
فجر : صدق من جابه
ريم : نوف من جابها ؟
نوف : شرايكم بالله انا جبتها
العنود : حركااااتتت والله
نوف : يالله بنات جيبو السماعه نشغل اغاني ونرقص ونسبح ونفل ابوها
ريم : وناسه من تجي تجيب السماعه معي
رند : يالله انا بجي
راحو ريم و رند يجيبون السماعه
نوف : يالله بنات بسوي الايسكريم وجبت نكهه تشوكلت وفانيلا وبعد ما نخلص نوديها عند العيال
العنود : مره يعطيك العافيه صدق
نوف : الله يعافيك
فجر : صراحه ما اتحمل عادي اطب بالمسبح ؟
نوف : اي عادي يعمري شدعوه طبي
فجر : يالله ١ ، ٢ ،٣
وطبت فجر وقالت : يمه باااارد بس والله حلو يونس
جت ساره ومعها مسدس مويه وقالت : بنات سلمو نفسكم معكم الشرطيه سوسو
ضحكت نوف ورفعت يدها : اسلم نفسي
العنود : اسلم نفسي
وبعدها ساره جلست تطش عليهم وجت نوف ودفتها بالمسبح
ساره : يحيوااااانه خير والله اوريك
نوف : يالله وش توريني
اخذت ساره بالونات المويه وجلست ترمي على نوف
نوف : خلاص خلاص اسفه ههههههههههههه
ريم : يالله بنات جبت وش نحط ؟

رند : انا اقول وش رايكم نحط الاغنيه ذيك الي طلعت حقت الصيف مدري شسمها
ريم : اي اي عرفتها الي هي you and me ؟
رند : اي اي حطيها
ريم : يالله تمام
حطت ريم الاغنيه وجلسوا البنات يغنون ويسبحون ويلعبون ويصورون

ـــــــــــــــــــــــــــــــــــــــــ

عند العيال :
فهد : يعيال تخيلو البنات مسوين فعاليات ويسبحون ياخي خل نسوي اي شي
سيف : اي تصور لي نوف جايبين ايسكريم وتقول بعد ما يخلصون بيجيبونه هنا
خالد : طيب خل نروح نسبح
طلال : صدق ياخي ملل
عبدالعزيز : يعيال خلاص امشو البسوا عشان نسبح
فهد : يالله تم
راحو العيال يلبسون وقبل لا يطبون بالمسبح
محمد : دقيقه يعيال خل نشغل اغنيه
فهد : فاضي انت وش بتشغل
محمد : مدري
فهد : ابي اطب يالله واحد اثنين وما امداه يقول ثلاثه الا وسيف دفه
سيف جلس يضحك ونطق فهد : يحيوان والله ما اخليها لك
كلهم ضحكو وبعدها طبو كلهم وجلسو يلعبون و يسبحون و بطبيعه العيال شوي دفشين ف فهد الي يبي ينتقم من سيف وراح دخل راسه
سيف : ياخي حيوان انت خير تدخل راسي بالماي بغيت اموت
فهد : يايييي
سيف : وجع
عمر : مدري شلون خطرت على راسك يا فهد تغرقه
فهد : ياخي انقهرت دفني انخرشت والله
ضحكو عمر و العيال وكملو سباحه
ـــــــــــــــــــــــــــــــــــــــــــــ

عند الامهات :
ام فهد : يعمري البنات مستانسين
ام فجر : اي يا عمري عليهم
ام محمد : حتى العيال عندهم يسبحون
ام عبدالعزيز : شرايكم نسبح ورا البنات عاد تونا شباب خل نستانس شوي
ام خالد : اي والله صادقه خالتي ام عبدالعزيز خل نسبح
ام فهد : اجل تمام بعد ما يخلصون ولا معهم ؟
ام فجر : صراحه ودي اروح معهم شرايكم ؟
ام خالد : يالله حتى انا بروح معك
وراحو الامهات يلبسون عشان يسبحون مع البنات
نوف : لا لا مستحيل بنات تشوفون الي اشوفه ؟
العنود : يمه مستحيل امهاتنا يسبحون معنا
فجر : ماما تعاللي اسبحي
ام فجر : يالله كلنا جايين نسبح معكم
ريم : احس مستحيل ههههههههه
رند : منجد يالله تعالو نطو
ام فهد : عاد شوي شوي علينا ترانا ما نعرف نسبح
نوف : عاد اشوى جيتوا بدري قبل فعالياتنا
ام فهد : اجل كويس
وبدو البنات والامهات يسبحون ومستانسين