Grace's Diary

24

ဇွန်လအလယ်ရဲ့
လက်ရာအမြောက်ဆုံးပန်းချီဟာ
မာကျူရီမီးရောင်အောက်က
မိုးစက်တွေပဲပေါ့။

Kiss the rainတေးသွားက
အတိတ်ကိုပြန်ခေါ်သွားတဲ့အခါ
မနက်၂နာရီဟာ
ဘယ်အကြောင်းကြောင့်
ညဉ့်နက်ပါ့မလဲ။
Vodkaနဲ့Black devil လိုက်ဖက်ကြောင်းကို
ပါးချိုင့်ရေးရေးကလေးနဲ့ တွဲမှတ်မိတယ်။

မသိစေလိုတဲ့အတွေးကို
မသိချင်ခြင်းအားဖြင့်ပဲ
လွတ်မြောက်စေပါ့မယ်။
ကမ္ဘာဟာလည်နေပေမယ့်
ရောက်လိုစိတ်ရှိသူသာရောက်ကြောင်း
နားလည်ထားပါတယ်။