المسبحة (تراث الاجداد )

الحلقه الخامسه

المسبحه (تراث الاجداد)
بقلمي انا حوراء حسن
لاتنسون التعليق على الفقرات والتصويت
اضافه حسابي انستا its_ho0rr

______________________

وجدتها ياأمي
وجدت حبيبه القلب
ورفيقه العمر
أأوصفها لك ؟
جميله ورقيقه ولكن قويه
ذات ملامح بريئه لكن تفكير شيطاني
سليطه السان لكن حنونه
بأختصار لقد وجدت من خلقت من ضلعي
حوراء حسن
___________________

رخرت ايده عن فچي ورجعت ليوره احس گلبي انگسر بسبب كلامه حسن الوحيد الي بهذا البيت چان يعاملني زين ويبتسم بوجهي ودائماً يدافع عني كدام اهله مايقبل اي احد يأذيني بگلمه بس بالاخير طلع مثلهم تركته والصدمه معتليه وجهه وردت اطلع من الغرفه واجاني صوته وهو يگول

حسن :- شنو الي تردينه بالضبط انتِ ؟

التفت عليه وصرخت بوجهه حسيت هذا الوقت الي لازم اطلع بيه كل الي بداخلي حتى ارتاح
سمره :- اريدكككك تحسسسس اني بشررر عندي احساسسس اخاف وازعل وانقهر وينگسر گلبي اني مو مصنوعه من حجر حتى اتحمل كل هذا ويه الكل انتَ حنين وتسمع وتنصح بس يمي يخلص كل هذا وتصير شخص عديم احساس وبلا رحمه ليشش شنو ذنبي شنو الي غلطت بيه اني ها!!

حسن :- ماغلطانه بشي انتِ ماجنت اعرف نظرتج عني هيج

سمره :- شلون تريدني انظر الك حسن منتبه لنفسك تهتم بيه وتدافع عني وبعدها تگلب ليش قنعوك لعبوا بعقلك حتى تگلب
حسن عديتك مرهم لجروحي مو جرح

حسن :- والحسن مايرهم جرح الحسن مرهم لجروح سمرته
احبج اني سمره وداعه امي وحزنها

نزلت دموعي بخفه على وجناتي اخذني لحضنه وارتفعت شهكاتي جنت خايفه وتايهه تعبانه بسبب التفكير خفت من فكرت ان ولو للحظه راح اخسر الحسن وحنيته

سمره :- ماطول تحبني ليش معذبني كل هذه الفتره ؟

ابتعدت عنه وعيوني مقابل عيونه رجع كذلتي وره اذني وكال
حسن :- ماجنت متأكد من حبج الي جنت افكر ان هذا الحب من طرفي اني وبس

سمره :- من البدايه جنت اشوف بعيونك الحب والاهتمام بس جنت خايفه

حسن :- من شنو ؟

سمره :- خايفه اتعود عليه ويجون بيوم وليله ياخذونك مني ويحرموني من حبك

حاوط وجهي بأيده وابتسم ابتسامه حنونه وگال
حسن :- محد يكدر يحرمني منج ولا يحرمج مني اني الج وانتِ الي مايفرق بيناتنا بس الموت خلي هذا الشي ابالج

سمره :- اولاً اسم الله عليك
ثانياً اعتقد نسيت امك الي تكرهني وتشوف دم سنونها ولا تشوفني !