السلام عليكم يابة
فارغ فكلت خل اكتب المهم
اسمي و العباس وهم و اخوي واهم
مواليدي 2003/1/12
انولدت ببغداد و عشت الحد الثالث ابتدائي بواسط و تحديدا الصويرة
نوب ضليت اتنقل بين كربلاء و بغداد
من خلصت المتوسطة بعد استقريت ببغداد يعني صارلي تقريبا 6 سنوات
عدت السادس و ماجبت المعدل الاريدة
ولا دخلت المعهد الاريدة بس الحمد لله
جاي ادرس حاليا بجامعة التراث مرحلة ثانية و اليسئلني اكلة بمعهد المنصور
ادخل للجم شهر و اكعد اشهر
اشتغل و ادرس الحمد لله
انه مو متدين بس جاي احاول اضب نفسي
من جنت رابع بديت اتعلم لغة تركية ومن صارت عندي اساسيات حسيت صوتي يصير ناعم من احجي تركي ف بطلت
صارلي شهر و نص مبطل تدخين
مادري شحجي بعد
اعرف اطبخ و ماشوف عيب بل طبخ
احب ارسم و رسمي ما يساعد
من هواياتي ركوب الخيل و اني ماراكب بس مرتين
احب اسبح و مسابحنة ما تساعد
خل اسولف شلون طبيت للواتباد
العام بنهاية الكورس الاول شفت وحدة شايلة رواية
ف صار بيناتنة نقاش بسيط و كلت افضل الكتب الورقية و ماحب اقرا بل لهجة العامية
و صدفة وكلام الله فتحت الانستكرام tt_a_2.1 هذا انستكرامي اذا تردون تضيفوني
المهم لكيت دار الداويش
و بما انُ نهاية كورس يعني عدنة عطلة ردت اطلب رواية ذيب بابل و اجرام جانت استوها نازلة الطبعة الاولة يمكن ما لكيت ذيب بابل المهم جبت ثأر راهب و اجرام بديت ب ثار راهب و طلعت لعبان نفس كفيلكم العباس
المهم بديت بأجرام حلوة بس ضارع الجزء الثاني (الحد هسة بعدني ما لاكي) رحت حتى اطلب مرة ثانية لكيتها مخلصة ف منا عرفت الواتباد اول ما نزلته كملت اجرام
و نوبة ذيب بابل و نوب قيود على قيد الغفران
و نوب جذبني فمك البني و نوب عشك الملا غربال يمكن و وراهة الاطلس و نوائب شام نوب رتبة و ضفيرة اكو وحدة بيها شعاع و نارا نسيت شسمها
و هسة الرياش
يمكن نسيت شكم وحدة المهم اغلبية الاوقات اقراة بدون نت من طالع لو بنص المحاضرة
فة من عندي نت هواي اعلق
اذا احد مهتم ويريد يعرف اي شي عني خل يسئل
اودعناكم
