صلي على سيدنا محمد رسول الله صلى الله عليه وسلم تسليما كثيراً
رجعت بيتي ف يوم لقيت البوليس ف شقتي قولتلهم في ايه
قالولي ان البيت القديم حصلت فيه جريمه قتل وانا متهمه فيها قولت والله انا ما اعرفش اي حاجه اخدوني ع القسم وهناك قولتلهم اني سبت البيت من اكتر من ثلاث شهور وده كمان كان بشهاده الجيران اللي كانو بيحبوني وبيحترموني لأني ما كنتش بعمل حاجه غلط وكنت عايشه ف حالي من شغلي لبيتي ومن بيتي لشغلي حتي حاتم عمره ما دخل بيتي ابدا وطبعا حاتم خرجني بكفاله
بعدها رجعت البيت لقيت مكتوب فيه بالدم ع الحيطان انتي السبب ومكتوب اسمي في كل الشقه وكمان كلمه إلحقيني مكتوبه كتير اوي انا من كتر الصدمه والرعب اللي كنت فيهم حاتم قالي اكيد ف حاجه غلط ف الموضوع
سبت الشقه وجريت ع الشارع عشان اشوف حاتم واللي وانا واقفه معاه سمعنا صوت جنبنا وكأن حد بيغني بصوت عالي ويقول
سخن مصدع تعبان بموت وعيط روحي اتخطفت جسد بلا روح تايه هربان
انا اصدمت من الكلام ده كأنه بيوصف حالي قعدت ادور حواليا ع صاحب الصوت ده فجأه لقيتها ماما أو اللي كانت ماما صرخت وجيت اجري عليها بس حاتم مسكني وقالي رايحه فين قولتله هروح لها قالي اهدي مافيش حاجه انتي كنتي بتتخيلي انها قدامك قولتله مستحيل انا شوفتها وكانت هي اختفت من قدامي
قعدت يومين كلام الاغنيه والصوت بيرن ف دماغي انا متاكده اني شوفتها
وفجأه لقيت نفسي انا اللي بغنيها وبأعلي صوتي لحد م الجيران قالو عليا اني اتجننت
وف نفس الوقت ظهر قدامي بابا وماما مع بعض فضلت اصرخ فيهم واقولهم انتو مين وانا بنت مين ومين اهلي وأوصل ليهم ازاي وبابا لسه هيتكلم لقيت........
