تنوية هام ‼️
جميع حقوق النشر محفوظة ممنوع النقل!!
_______________________________________
في شقه في حى شعبي كانت الاصوات خرجه من كل حته صوت بياع الطماطم
التالته بعشره التالته بعشره
و صوت الستات اللي بتتخانق تحت العماره
في اوضه بطالتنا كانت قاعده علي اليوتيوب بتسمع اخر اسكريبت نزل علي كل قناه بتحبها و عمالها تضحك
كانت بتغني وبتقول
.....
هبه : ليه بيقولوا الحب قسيه ليه بيقولوا شجن ودموع اول حب يمر عليا اد للدنيا فرح و شموع اول مرههه تيرا تيرا تيرا تيراااا
كانت عامله تغني و مش واخده بالها من تليفونها اللي فتح فيديو
قربت من التليفون عشان تغير الاغنيه بتبص لقيت واحد بيبص لها ف شاشه التليفون فكرت ان هو فيديو واعلان اتكلمت وقالت
......
هبه بغمزه : ياه على الحلويات دي الواحد ما يوقعش في واحد زيهم انا اخرنا بس ان احنا نشوف في الاعلانات والله على عيني يا قمر ان انا اقلب الاعلان بتاعك بس الاغنيه بقى اهم
صدر صوت من التليفون وهو بيضحك و بيتكلم
مؤيد : لا يا قمر انا مش اعلان انا معاكي وش وش
سكت و قاعد يضحك بصوت عالي ..
هبه فتحت عينيها و بقها وبصت في التليفون بصدمه
و راحت صرخه مره واحده
اعععععععععع اعععععع
قفلت التليفون و هيا مبرقه فيه جامد و قلبها كان هيقف
بصت للتليفون و قالت
منك لله يا بعيد هو انا مش هصلحك ولا اي وانت فضحني كدا في كل حته
رمت بنفسها و التليفون وسرحت في الشخص اللي شافته وكل شويه تفتكر الموقف وتقعد تضحك بكسوف
"""""""""""""""
عندي بطلنا "مؤيد" ما كانش مبطل ضحك من وقت ما هي قفلت معاه عمال يتكلم مع نفسه وهو بيضحك وبيقول
مؤيد : دي هبله دي ولا ايه مش هي اللي رن عليا ازاي تقفل في وشي هي ما تعرفنيش
سكت شويه وبعد كده اتكلم وهو بيقول....
يا هبله طب دي قفلت من غير ما اعرف حتى ايه اسمها ايه والله البرنامج ده جامد بس بنت الايه دي كانت حلوه يلا بقى مش مهم.....
دخل الحمام ياخد شاور ويلبس وينزل على الشركه اللي بيشتغل فيه
""""""""
هبه : والله يا بنتي زي ما بقول لك كده انا كنت واقفه في الاوضه مشغله الاغنيه على السماعه وبغني وهبه تلاقيني بلف والتليفون على السماعه وبغني وهوبا تلاقيني بلف والاقي واحد عمال يبص لي بيضحك انا فكرته اعلان وقعدت اتكلم اتاري في الاخر التليفون الخربات بتاعي عملها و رن على واحد
