في صباح يوم مفعم بالحياة و بالتحديد في منزل عائلة الهادي
سعاد : اصحي يا اسيل يلا يا حبيبتي اتأخرتي
اسيل : انا صحيت يا دادة
سعاد : يلا خدي دوش عشان ابوكي يا بنتي كل شوية يتصل و شكله متعصب اوي
اسيل : تمام اطلبيه يا دادة و أنا هكلمه
و دقائق و تعالي رنين الهاتف
سعاد : اهو بيتصل خدي يا بنتي كلميه علي ما اجهزلك الفطارعلي الهاتف
اسيل : أيوة يا بابا
عمران والد اسيل بانفعال: أيوة يا اسيل انتي فين كل دا تأخير و فين الملفات اللي طلبتها منك
اسيل: انا قولت لحضرتك اني هسيبهم في مكتبي
عمران : معلش يا اسيل انا بس متضايق شوية
اسيل : انا هجيلك و نشوف ايه الموضوع الكبير اللي مخليك متعصب كدا
عمران بتهرب : طب خلصي مشاويرك الاول و بعدين تعالي
اسيل : ماشي يا بابا سلام يا حبيبي
عمران : مع السلامةفي احدي المطاعم
رنا : ما تكلمي اسيل كدا يا وسيلة مش معقول كدا كل دا تأخير
وسيلة و هي بتقوم رنا معلش يا جماعة قومي معايا كدا يا رنا و اخدت رنا ووقفوا علي جنبوسيلة : ايه دا رنا مين اللي قال للواد الملزق دا يجي هنا و بعدين من امتي و احنا بنخرج مع ولاد
رنا : و فيها ايه يعني يا وسيلة و بعدين ما احنا عارفين زياد يعني
وسيلة بعصبية : انتي يا بنتي عبيطة ولا ايه زياد مين و قرف ايه كنا سوا في الجامعة و خلاص ايه بقي لازمه وجوده معانا هنا و بعدين انا لو كنت أعرف أنه هنا مكنتش جيت و هكلم اسيل احكيلها اللي حصل و لما نبقي لوحدنا من غير الاستاذ نبقي نتجمع سلامفي عربية اسيل تليفونها رن
اسيل : انا عارفة اني متأخرة مسافة السكة و اكون عندك
وسيلة: لا خلاص متجيش يا اسيل انا اصلا سبتها و مشيت
اسيل : كدا رنا هتزعل
وسيلة : تزعل هي اللي غلطانة هي عارفة اننا مش بنخرج مع حد غريب و كمان شاب و حكت لاسيل علي اللي حصل
اسيل : خلاص انا هتكلم معاها و افهمها براحة متزعليش بقي عشان خاطري
وسيلة : انا مش عارفة احنا ليه بنخرج معاها
اسيل : خلاص بقي يا سوسو قولتلك هكلمهافي مكان آخر في احدي المولات
كان يسير بجانب صديقهيونس : ها يا سيدي ايه اللي مضايقك اوي كدا
عمر : مفيش يا يونس انا كنت اتفرجت علي شقة و عجبتني عشان اعمل فيها العيادة بس
يونس : بس ايه
عمر بحزن : السمسار رجع في كلامه و مش عارف اعمل ايه
يونس : خلاص يا عمر اكيد هنلاقي حل سوا
عمر : انا مش عارف افكر ولا اعمل اي حاجة انا حاسس ان كل ما احاول اظبط الدنيا تبوظ مني كأن انا و الفرح مينفعش نتجمع مع بعض
يونس بتفكير : بقولك ايه ما تاخد الشقة بتاعتي اللي في الرحاب هي صغيرة شوية بس في مكان حلو
عمر برفض : لا طبعا دي هدية من والدتك و أنا عارف انها عزيزة عليك لا مينفعش
يونس بإقناع : بص انا هسيبهالك لفترة اعتبرها يا سيدي فترة مؤقته علي ما تلاقي مكان تاني
عمر بعد عدة محاولات من يونس لإقناعه: ربنا يخليك ليا يا يونس
يونس بمرح : ايه يخليك ليا دي هو انا خطيبتك
و ضحك كلاهما
أنت تقرأ
صدفة
Adventureرب صدفة خير من ألف ميعاد... الصدفة كلما كانت خارجة عن المتوقع كانت أعظم، و عندما يتحالف القدر مع الحزن يأتي يوم ويكون سببا في خلق السعادة. ربما لا تكون سعادة كاملة، ربما يكون وهما عابرا، ولكنها تكفي لأن تجعلك تبتسم كلما تذكرتها، وتحفر في قلبك أثرا ف...