ضفاف الامان

الضفة رقم ٦

مساكم جوري شذراتي الحلوات 🩵

تصويت وتعليق على كل الفقرات يا احلى شذرااات بالدنيا
لا تحرموني من تفاعلكم !!!

اعتذر على التأخير لكن اكو بنات دخلوا
بالخاص على الانستا يريدون أتوقف حتى شهر محرم يخلص وبعدين اكمل القصة واكو بنات يريدون اكمل
بصراحة اني حرت اكمل لو أتوقف
فأريد منكم تكتبولي اكمل لو أتوقف بعد أربعين الامام عليه السلام اكمل
ياريت تساعدوني من خلال التعليقات راح نقرر سوا حبايب

{ضفاف الآمان بقلمي ( ميـس ال صـلاح) }

::::::

شايف من تمر بيام حتى اهلك ميردونك
وشايف من تمر عالبيت ومرتاحين من دونك
من تگعد لوحدك و تغورگ عيونك
دخان الجگارة يگلك شلونك
هلي والشيب بين كله منكم
حسبتوني غريب ومو ابنكم
تسألوني شعجب ما انام بالليل
هلي تعبان بس ما بينلكم
هلي لو بيدي اشگگها صوركم
أنا دموعي تبات بخدي كل يوم
وسابع جار يسمعها ضحكم
بشقه گتلكم من اندفن شيصير
فرحتو وبينت كل أجوبتكم
يا گلبي بوگتها شگد كرهكم
أنا الهاضمتني أنا منكم
وبحچاية زعل ما زعلتكم
ومن ازعل اضم روحي بغرفتي
حته بزعلي ابد ما حسستكم
وعذراً على الكلام و ضوجتكم
هلي لو بيدي ما ظل ساعه عدكم

للشاعر ( مؤمل قيس )

::::
::::

سلام : تطردني يابه ؟

ابو فارس : بيتي واني حُر والكلام العندي حچيته !
تاخذ جهالك وتطلع !!!

سلام : وين اروح ؟

ابو فارس : مو مشكلتي هاي مشكلتك انت حلها !

سلام : تطردني من بيتك واني بعز حاجتي الك ؟
هذا تصرفك ويايه ؟!

ابو فارس : شسويلك لعد ؟
تريديني اظل صافن عليك وانتَ هذا وضعك متبهذل ويه جهالك ومتعرف شلون ترتب امورك !

سلام : يابه ادبر اموري بين ما ترجع ياسه !

ابو فارس : ياسه انساها ... انساااها راحت بعد الله يرحمها

سلام : الله يرحمنا جميعا بس راح اظل انتظرها عمري كله و مراح انساها

ابو فارس : شبيك انت مخبل عاقل ؟