قدر مراهقة 2

الجزء 81

#قدر_مراهقة2
#ميرال_مجد
#بقلم_فريال
الجزء 81
راجلي شرالي طوموبيل الي وعدني بيها صغرونة كيفي (ها لوكان غير سقتها وتمتعت بيها زهري مقود ملي شراها وهي مڨارية في الڨاراج). شراهالي زعما باش نبقى ندور بيها كي نتقلق نخرج بصح زهري معوج مافاتوش يومين غلقو كلش المدارس الثانويات الجامعات وغيرها من المرافق بسباب الكورونا وكانو بزاف اصابات (عطاوهم اطول عطلة) غمونا نخرجو بلحساب وزادولنا الحجر الصحي 21 تكونو في دار لا تحريكة لا والو ويخرجو غير للحاجة الضرورية مجد حبس لخدمة لانو الي يخدمو معاه كاين فيهم الي مرضو عليها قرر يحبس ويخدم من دار يخرج غير لضرورة، زاد لمرض وكلنا خايفين على خليل وبابا بالاخص بابا كان يخدم في سبيطار وميروحش خلاص شدوه لتم نحكيو معاه بتليفون برك (صح نحكيو معاه ونسقسيو عليه بصح علاقتنا معاه مرجعتش كيف قبل مزالنا زعفانين منو)، كي روحنا نجيبو ريتال تقعد عندنا مبغاتش ودارت حالة بلبكا ايا خليناها مع مرت بابا وكنا نحكيو معاها صباح وعشيا، انا وراجلي عايشين غاية الحمدلله مع بنتنا صح تحبسنا في دار ونظلو فيها منخرجوش ديما بصح خير من مكانش المهم راهو مقابلني، وقولتلو شت باباك حصل لهيت لوكان رحت انت راك قعدت وحدك_ علبالي بلي انت الي درتيها بيا ومخليتينيش نروح _ لازم تشكرني بسبابي راك هنا بين اهلك وناسك مش وحدك في الغربة _ صح عندك الحق _ اصلا باباك ماعندو مايدير هنا كبر على روحو مش كيفك مزلت صغير وعندك رغبات وتحتاج مرا معاك _ بالعكس الراجل لكبير الي تلقايه حامي على اوت _ ها اتمسخر بيا اتسمخر الراجل في سبعينات وانت تقولي حامي وش بقالو هو _ مزالك نية انت الراجل تطفى شهوتي ورغباتو غير كي يموت وراكي شفتي بابا مزالو شاد روحو وميبانش كبير _ ايه ميبانش كبير بصح ميقدرش يدير هذاك الشي _ ميرااال احشمي شوي وش داك للموضوع هذا ذوك عيب عليك _ وين لعيب مانيش نشوفو ياك راني نحكي مع راجلي وبيناتنا برك مكانش البراني وانا حابة نفهم فهمني انت خير مانسقسي غيرك _ وجهك صحيح وحابة تسقسي ناس _ جاوبني انت خير _ الراجل يقدر يجيب لولاد في كل وقت على عكس لمرا تلحق لسن اليأس صاي تطفر فيها _ من ديما حنا النسا محڨورين وذوك باباك يقدر يدير الشي هذاك ويجيب لولاد ويزيدلك اخ صغير _ وين يزيد في نعيه ميقدرش _ انت قولتلي يقدر تكذب عليا _ هو يقدر ماما كبرت صاي وبلعي علينا حادخلينا في سوجيات مش ملاح _ صاي راني سكت متتقلقش برك.
#فريال