قدر مراهقة 2

الجزء 83

#قدر_مراهقة2
#ميرال_مجد
#بقلم_فريال
الجزء 83
نص ساعة وحنا معاهم طفلة طابت وتغاشات كي شفتها تغاشات عيطة عليهم قولتلو شوف وش بيها مهيش تحل عينيها مجد بنتنا وش بيها ازرب هيا ندوها لسبيطار وخليهم يديرو وش يحبو، هذاك الجدارمي كي شاف بنتي متتحركش خلانا نفوتو بصح بعد واش بعد فوات الاوان، لحقنا لسبيطار طيارة لاڨانا بابا كان خدام تم وعيطنالو جاو ردفوها وفوتوها ديراكت لشومبرة وحدها لانو لحالة مخلطة ولازمك بافات ومعقم وكنا مدايرينهم وهي لا ماحملش صغيرة. قعدو معاها لداخل وانا برا نتكوا عليها ماخرجو ماخلاونا نفوتو فاتت ساعة ساعتين ومزال ماخرجو زادت الساعة ثالثة وانا صاي هبلت هنا وليت نخبط في الباب ونعيط اخرجو جيبولي بنتي وش راكم ديرو لداخل من قبيل ونتوما معاها اخرجو اعطوني بنتي، مجد محضني ويبكي معايا عيت هذا مابقالي غير بنتي وتزيد تضيع من يديا منقدرش نتحمل فراقها. تفتح لباب وتفتحو جروحي معاه والامي ومواجعي تفتح باب جهنم عليا خرجت منو طبيبة تخدم مع بابا موالفة نشوفها ديما ونعرفها جات ليا قالتلي تأمني بالقضاء والقدر _ هيه علاه تشوفيني كافرة _ الدنيا هذي فيها لموت وفيها لحياة وكل واحد يعيش وش كتبلو ربي في دنيا هذي ويموت بعدها _ ايه علبالي بكل هاذ الصوالح بصح وش دخلني علاه تحيكلي ذوك انا الي يهمني بنتي وبس حاجة خلاف ماعندي ماندير بيها قوليلي بنتي كيفاه راهي ياك لباس هبطتلها سخانة، سكتت هي مابغات تحكي عيطت عليها قولتلها وينو بابا يقولي وش بيها بنتي نضت نعيط بابا وينك يابابا وين راهي بنتي ياك هبطلتها سخانة ورجعت لباس جيبهالي نروحها معايا لدار منخليهاش وسط لمرض هذا ولخماج ووحدة ماتهتهم بيها هنا، انا نحكي وهو متخبي مور لباب شفتو يبكي لثاني مرة نشوف بابا يبكي اول مرة كانت كي ماتت ماما وثاني مرة ذوك بصح علاه راهو يبكي وش صرالو معقول يكون تفكر ماما وتوحشها عليها راهو يبكي ولا كشما صرالو، قربتلو وشديتو من يدو قولتلو بابا شبيك تبكي وش صرالك راك مريض امسح دموعك رجال مايبكوش متخافش رانا مسامحينك انا وخاوتي صح كنا منحكوش معاك ديما بصح نبقاو ولادك الي يحبوك وهذاك كان غير زعاف وراح _ بنتي بغيت نقولك _ وش تقولي ها خلي لكلام من بعد ونحكيو ذوك جيبلي بنتي باش نروحو لدار تكون تعبت وبغات ترقد وهي والفت ترقد غير عندي ولا عند باباها هيا جيبهالي صحيت بابا _ عظم الله اجرك وربي يرحم بنتك طير من طيور الجنة ربي عطاهالكم وربي داها الموت حق وكلنا رايحين نموتو ليوم ولا غدوا ربي يصبرك.
#فريال