انفجرتتتت صياح غلا و حمدان مصدوم و ام مايد ما كانت مصدقه
ام مايد : مايد انت شو يالس تقول أبوك مافيه شي امس راح الدوام و قالي بيرجع شو تقول أنت كيف يعني مات
مايد: سوا حادث وراح الله يرحمه راح
وديمه : منو سوا حادث بابا
مايد حضنها بالقو
هني ام مايد اغمى عليها
غلا راحت صوبها تهزها : دخيلج لا تروحين انتي بعد بنضيع بدونج
حمدان : انتيييي شووو تقولييين امي مافيها شي
وديمه : مايد شوفيها ماما
مايد : غلا روحي يبي عبايتها بوديها المستشفى
راحت غلا يابت عبايتها و شلوها مايد و حمدان و ركبوها السياره مع احمد و راحت غلا وياهم و راحو المستشفى و خلو وديمه بروحهااااا فالبيت محد وياها
وديمه : ليش خلوني بروحي يعرفون اني اخاف و منو سوا حادث و ماما ماما ماتت ولا راقده بس هم ليش ودوها المستشفى
تمت تصيح و نسوهاا مايد و حمدان و غلا
فالمستشفى
كان احمد واقف ويا حمدان الي توا استوعب كل شي استوا و يالس يصيح
طلع الدكتور من غرفه ام مايد
حمدان : شوفيهاا
الدكتور : م تئلئوش هيا بخير بس الضغط نزل عندها شويه و حاولو م تعرضوهاش لاي صدمه او ضرر
غلا : نقدر ندخل عليها
الدكتور : اكيييد تفضلو
ف بيت بو مايد
وديمه :أنا يوعانه شو اكل الحين امم خلني اسوي لي اندومي بس كيف
راحت المطبخ و بالغصبببب سوت لها و نست الغاز شغال و صوبه كلنكس و طلعت يلست فالصاله و شغلت التلفزون و يلست تشوف و فجاااااه بدون اي سابق إنذار شافت المطبخ كلههه نااااار على طوللل ركضت برع البيت و راحت البيت الي صوبهم تدق الجرس بسرعه
طلعت لها حرمه
الحرمه : هلا حبيبتي شو تبين
وديمه : بيتنا بيتنا فيه نار
الحرمه : كيف فيه نار
وديمه : أنا خواني خلوني كلهم فلبيت هم يعرفون اني تخاف بس خلوني عقب أنا استويت يوعانه رحت المطبخ سويت لي اكل الحين المطبخ نار
الحرمه دخلت وديمه بيتها و اتصلت ف المطافي و ما كملو عشر دقايق يو المطافي و الإسعاف و الشرطه و طفو الحريقه و ما احترق إلا المطبخ و الحرمه ودت وديمه برع عشان يتطمنون عليها
المسعف : تحسين شي يعورج ولا ما تقدرين تتنفسين
وديمه : لأ أنا زينه بس بس ماما اليوم اغمى عليها و محد خبرني هي شو فيها
