عندما يقع الوحوش فى العشق الجزء الاول والتانى (بقلم جنات)

الفصل ١٩

عدى اسبوعين وخلص المعسكر والبنات والشباب رجعوو بيوتهم وبيجهزو نفسهم للفرح
_______________
صباح يوم جديد فى بيت حياه
حياه:انا نازله ياسوسو عايزة منى حاجه ياقمر
سهام:لا ياحبيبتى خدى بالك على نفسك وسلميلى على سيف
حياه بتنزل بتلاقى سيف واقف راكن على عربيته
حياه بتقرب منه:صباح الخير ياسياده المقدم
سيف:صباح الجمال على عيونك ياقمرى
حياه:اى توصلنى ولا اى
سيف:النهارده ان شاء الله حور هترجع على البيت وعايزك معايا ممكن
حياه:ممكن طبعااا بس هعرف سوسو اوكى
سيف:لا مانا كلمتها وهى عارفه انى مستنيكى تحت
حياه:اااااااااه عشان كدا بتقولى سلميلى على سيف
سيف بيضحك:يلا بقي ولا اى
حياه:يلا
سيف بيفتحلها باب عربيه وبيلف يركب جمبها
وبعد شويا بيوصلو المستشفى
حياه:روح انت اوضه حور وانا هروح لمكتب مدير القسم
سيف بحده:مدير قسم مين
حياه:دكتور اسعد مدير القسم بتاعى عشان اخد ملف الحاله الجديده اللى هشرف على علاجها
سيف بصوت عالى:مش انا قولتك رجلك متخطيش مكتب الزفت ده
حياه بتبص على الناس اللى حوليها:سيف وطى صوتك فى اى
سيف بيلاقى الكل واقف يبص عليهم وحياه عينيها دمعت بيشد حياه وبيدخل اوضه فاضيه حياه بتشد ايدها من سيف وبتبعد عنه
سيف:حياه انا قولتلك مالكيش علاقه بزفت دن ولا لأ
حياه:ياسيف ده شغلى وده مديرى وبعدين انا   عارفه حدودى كويس هو انت مش واثق فيا
سيف: بثق فيكى طبعااا بس مش بثق فى اللى اسمه اسعد ده
حياه:انا عارفه انه مش كويس
سيف بيمسك دراعها:هو قربلك قبل كدا
حياه:انت بتقول اى ياسيف لا طبعااا بس هو
سيف:ماتنطقى ياحياه عملك اى
حياه:نظراته مش كويسه بس انا باخد منه الملف وبخرج على طول مش بطول عنده
سيف بيحاول يكتم غضبه:طب روحى هاتى الملف وتعالى
حياه:اروح انت متاكد
سيف:اه ياحياه روحى يلا
______________________
عند ليان وادهم وزين وديما بيوصلو الفيلا بتاعتهم بيدخلو بيكون كامل قاعد فى الجنينه
كامل:ياصباح الجمال والمزز
ادهم:ايه ياجدووو انت بتعاكس مراتى مرات حفيدك
كامل:سكت انت ياض متتكلمش
ليان وديما بيقربو منه بيسلمو عليها وبيبوسه من خده
زين:ايه يادمدومه انا واقف على فكرة
كامل:ولا مالكش دعوة بيها
ادهم:طب يلا تعالو عشان تشوفو الاوض لو حابين تغيرو فيها حاجه قبل الفرح
ليان بتروح مع ادهم وديما مع زين
____________
فى اوضه ادهم
ليان تنبهر  بجمال الاوضه اللى لونها رمادى وفي النص سرير  وفى اتنين كمدينو جمبه وحيطه اللى وراه متعلق عليها صورة كبيرة لادهم وركن فيه كنبه كبيرة وشاشه وحمام واوضه للهدوم (دريسينج) وفى بلوكه بتطل على الجنينه
ليان:الله يا ادهم دى حلوة اوى انا مش هغير فيها اى حاجه
ادهم:لا ياحبيبتى انتى عايزك تختارى كل حاجه على زوقك شوفى عايزة تغيرى اى
ليان:لا دى حلوة اوى انا مش هغيره فيها حاجه هى عجبانى كدا والله بص ممكن نجبب مرجيحه نحطها فى البلوكه اى رايك
ادهم:براحتك ياقلبي اللى انتى عايزاه بس لوحبيتى تغيرى حاجه عارفينى وانا لما نتجوز ان شاء الله هغير الصورة دى بصورتنا واحنا فى الفرح
ليان:حاضر يادومى
______________
فى اوضه زين
ديما بتتفرج على الاوضه اللى بلون الاسود ورمادى وفى النص السرير ووراه بردو صورة كبيرة لزين وديما من كتب الكتاب وجمبه برواز فاضى وفى كنبه وشاشه كبيرة وحمام واوضه للهدوم(دريسنيج) وفى مكتبه كلها كتب وروايات كتير وفى باب كبير ازاز  ورا الباب ده اوضه كبيرة مليانه ورد  وفيها حمام سباحه كبير وجزء منها عباره عن جيم خاص بزين
زين:ايه رايك ياحبيبتى فى الاوضه
ديما:دى مش حلوة بس دى تحفه عجبانى اوى يازين ايه ده
ديما بتقرب على المكتبه :انت كمان بتحب تقرا روايات
زين:لا ياحبيبتى لما عرفت انك بتحبي القراءة عملتك المكتبه دى
ديما:دى حلوة اوى وكلها روايات اللى بحبها
والاوضه دى تحفه تعرف انى بحب حمامات السباحه اوى
وزين:انا كمان بحب انزل الميا كتير عشان كدا اختارت الاوضه دى
زين بيقرب من ديما:ولما نتجوز ننزل الميا سوا
ديما بتبعد:عيب كدا يازين والله هروح لجدوو
زين:عيب اى بس ياحبيبتى داحنا هنتجوز كمان اسبوع وبعدين جدو ده تنسيه خالص بعد مانتجوز فاهمه
ديما:الله يازين بس بقي
زين بيضحك عليها وديما بتخرج من الاوضه بسرعه
________________
عند ريم فى المستشفى الباب بيخبط بيدخل جاسر ووالده طارق
ريم بتقوم تقف :ازيك يابابا اخبارك اى
طارق:انا كويسه ياحبيبتى
جاسر:بابا عينيه بتوجعه اليومين دول ياريم انا جبته عشان تشوفيه
ريم:سلامتك يابابا اتفضل هنا على الكرسي لما اكشف عليك
ريم بتكشف على طارق :بص يابابا حضرتك الظاهر كدا ان نظرك ضعف شويا ولازم النضارة تتغير وهكتبلك على العلاج ده كمان تمشي عليه
طارق:حاضر يابنتى
_______________________
عند حياه بتخبط على باب مكتب دكتور اسعد وبياذن ليها بدخول حياه بتدخل وبتسيب الباب مفتوح
حياه:دكتور اسعد انا جيت اخد الملف بتاع الحاله الجديده
اسعد بيقوم من على كرسي المكتب وبيقرب من حياه:انتى سايبه الباب مفتوح ليه
حياه بترجع لورا:انا عايزة الملف لو سمحت
اسعد بيقرب اوى من حياه وحياه بترجع لحد مابتخبط فى الحيطه وبيمسك ايدها:طب ماتيجى نتكلم شويا
حياه:حضرتك بتعمل اى لوسمحت ابعد ميصحش كدا
فجاه سيف بيدخل المكتب زى الاعصار وبيمسك اسعد وبيضربه
حياه بتنهار:خلاص ياسيف ونبي عشان خاطرى خلاص
سيف بيبعد عن اسعد اللى بيغمى عليه من الضرب:عشان تبقي تقرب على حاجه تخصنى تانى
سيف بياخد حياه وبيخرج من الاوضه وبيروح على مكتبها:انتى كويسه ياحياه
حياه بتدخل فى حضن سيف:انا اسفه انى مكنتش مصدقاك
سيف:خلاص ياحياه مش هتشوفيه تانى متقلقيش
حياه بتبعد عن سيف:ازاى مش فاهمه
سيف:مالكيش دعوة انتى خليكى فى شغلك وبس يلا تعالى عشان نروح ناخد حور على البيت
حياه بتمسح دموعها:طب هروح الحمام اغسل وشي واجى وراك
سيف:طب ادخلى وانا هستناك هنا
حياه:حاضر
_______________
سليم بياخد ملك وبيروح على فيلتهم
ملك:انت مش قولتلى انك عزمنى على الغدا جيبنى هنا ليه
سليم:امى ياستى هى اللى عزماكى على الغدا يلا تعالى اتفضلى
ملك وسليم بيدخلو الفيلا
سليم:ياست الكل انتى فين
سلمى بتخرج من المطبخ:انا هنا ياحبيبي البيت نور ياحبيبه قلبي والله اتفضلى
ملك بتحضن سلمى:كنتى واحشانى اوى ماما
سلمى:والله وانتى ياحبيبتى يلا اتفضلى على مااحضر السفرة
ملك:لا طبعا هحضر معاكى السفرة
سلمى:لا ياحبيبتى متتعبيش نفسك
ملك:مافيش تعب ولا حاجه يلا نحضر السفره سوا
سلمى وملك بيحضرو السفره وسليم بيتفرج عليهم بحب وبيقعدو ياكلو
ملك:تسلم ايديكى بجد الاكل تحفة ياماما
سلمى:بالف هنا ياحبيبتى
سليم:ماما مش بترتاح غير لما بتطبخ بايديها مع ان جبتلها ناس عشان تساعدها فى شغل البيت والمطبخ بردو لازم تتعب نفسها
سلمى:انا كدا مش بحب اقعد وناس تخدمنى احب اعمل حاجاتى بايدى
ملك:لما اتجوز واجى اعيش معاكى انا هساعدك فى كل حاجه مش هسيبك ابدااا
سليم:وبالنسبه لجوزك ايه بقي مش هتقعدى معاه خالص داحنا هنبقي عرسان جداد يعنى
ملك بتتكسف ومش بترد
سلمى:عيب كدا ياسليم وبعدين ياحبيبتى انا ناويه بعد ماتتجوزو  هروح ازور اختى اللى عايشه فى دبي مكنتش بعرف اسيب سليم واسافر الوقت بقي هطمن عليه وانتى معاه ياقلبي
سليم:بردو مصممه على موضوع السفر ده
سلمى:ياحبيبي هما شهرين وهرجع تانى مش هبعد عنك العمر كله يعنى
سليم:اللى يريحك ياست الكل
بيخلصو اكل وسليم بياخد ملك تشوف الفيلا وملك بيعحبها اوضه سليم بس هتعمل فيها شويا تغيرات بسيطه وبيروحو يقعدو فى الجنينه وبيقضو وقت كله ضحك وهزار
ملك:بجد القاعده معاكو حلوة اوى بس لازم امشي بقي عشان اتاخرت
سلمى:ماشي ياحبيبتى ابقي سلمى على عيلتك كلها ياملك
ملك بتبوسها:يوصل ياحبيبتى
______________
عند سيف وحياه وحور بيوصلو عند الفيلا وبينزلو وبيدخلو البيت حور عينيها بدمع وسيف بيحضنها:نورتى بيتك ياحبيبتى
حور:البيت كان وحشنى اوى ياسيف بس بابا وماما وحشونى اوى ياسيف وبتعيط جامد
حياه بتحضنها:هما فى مكان احسن من هنا بكتير ياحور ادعيلهم ياحبيبتى واحنا قولنا مافيش زعل انتى عايزة ترجعى المستشفى تانى ولا ايه
حور بتهز راسها بلا وبتمسح دموعها
سيف:اطلعى على اوضتك ياحبيبتى ارتاحى شويا وعلى فكرة اوضتك لسه زى ماهى
حور:حاضر
سيف بيشوف حياه اللى بتبص على الفيلا:اى رايك فيها لو حابه تغيرى حاجه فيها عرفينى
حياه:مستحيل اغيرلها
سيف:ليه مستحيل بقي
حياه:دى المكان ده بيفكرك انت وحياه بمامتك وباباك وعلى فكرة الفيلا حلوة جدا ماشاء الله وعجبانى اوى
سيف بيمسك ايدها وبيطلع السلم
حياه:احنا هنروح فين ياسيف انا لازم امشي عشان اتاخرت
سيف:هفرجك على اوضتنا وبعد كدا هوصلك
سيف بيدخل الجناح بتاعه فى دور تالت فى الفيلا بيكون واسع جداااا فيه اوضه النوم وفيها سرير كبير وركنه وشاشه كبيرة وحمام كبير جدا واوضه الهدوم كبيرة وكمان مكان لجيم مخصص لسيف وبلكونه فيها سلم بينزل على الجنينه خلفيه خاصه بالجناح وفيها حمام سباحه كبير
حياه: حلوة اوى ياسيف وماشاء الله كبيرة اوى تحسها ملعب
سيف بيضحك:امى الله يرحمها حابت انى لما اتجوز ابقي براحتى حتى الجنينه دى قالتلى عشان مراته تاخد راحتها لو حبت تتمشي فى الجنينه او تنزل حمام السباحه حياه بجد لو حابه تغيرى حاجه عرفينى بس
حياه:صدقنى الفيلا كلها حلوة ماشاء الله ومش عايزة اغير حاجه فيها خالص
سيف:هتحلو اكتر لما تنوريها ياحياتى وتبقي هنا فى حضنى
حياه بكسوف:احم سيف انا لازم امشي عشان اتاخرت
سيف:اى كل الكسوف ده اومال لما نتحوز هتعملى اى
حياه:هتوصلنى ولا امشي لوحدى
سيف بيضحك عليها:هوصلك طبعااا...........