"رغد انتِ فاهمه انتِ بتقولي ايه؟"
"يا عمر قسما بالله ما قتلته ،انا هقتل جوزي ازاي ؟!!"
الحكايه بدأت لما كنت واقفه في المطبخ و بحضر الغداء و فجأة سمعت صوت حركة
ولسه هتلفت لقيت حد بيحط ايده على عيوني و بيقول:
-انا من يا تري .
تنهيده خرجت مني و انا بشيل ايده من على عيوني :
-حرام عليك يا سامر قلبي كان هيقع.
ده سامر جوزي حبيبي عشنا قصة حب جميلة رغم اختلاف شخصيتنا يعني هو عالمه كله كان صخب عاكس عالمي اللي كان هادي مفهوش غير ماما وبابا :
- سلامة قلبك يا حبيبي من اي شر.
تجاهلت كلامه وسالته و انا بتحرك و احط الاطباق على السفرة :
-غريب يعني اي اللي جابك من الشغل بدري انا قولت هتغدا زي كل يوم لوحدي.
- معقول يوم زاي ده اسيبك في يا عمري
ابتسمت بزهول وانا مش مصدقه ان سامر افتكر عيد جوازنا التالت:
- انت ازاي افتكرت يا سامر انا قولت إن انت نسيت!
-بصي انا اينعم مسحول عين امي في المستشفى بس ده مايمنعش ان انا انسي احلى و اجمل يوم في حياتي ، جوزك رومانسي يا هانم.
ضحكت على طريقة لدرجه إن انا مكنتش عارفه اتكلم من الضحك و قالتله:
-ربنا يخليك ليا يا سامر و ميحرمنيش منك ابدا.
- ويخليك ليا يا روح سامر،و يلا ناكل عشان انا حاجزت تذكرتين للسينما انهارده و اخدت اسبوع اجازه من الشغل احتفالاً بعيد جوازنا التالت.
بصيت لي بصدمه و استغراب منكرش إن سامر رومانسي و بيفتكر دايما التواريخ المهمة بس عمره ما كان بالحماس ده حتي عيد جوازنا الاول ودي حاجه ذادت من استغرابي لكن محبتش اكون اوفر في تفكيري وابوظ فرحته و فرحتي بالتفكير الزيادة:
- امممممممممم و يا تري بقااا الفيلم الساعه كام عشان اللبس و اخطف قلبك زاي كل مره بحلاوتي.
- الفيلم الساعه تسع و على فكره انتِ كده كده خطفه قلبي من غير حاجه حتي عيوبك بحبها يا رغد .
-طب يلا ناكل الاكل كده هيبرد.
داخلنا السينما كان في افلام كتير و بوسترات لافلام رومانسيه و اكشن وكده بصراحة انا توقعت اننا هندخل فيلم رومانسي بمناسبة عيد جوازنا ، وانا اصلا بحب الافلام الرومانسيه و بالذات القديمة ، لكن على عكس ما توقعت صمم سامر اننا ندخل فيلم رعب وطبعاً انا رفضت انا بنرفزة وقالتله "لو مش هنخدل خالص يا سامر"
بس هو اقنعني بطريقته السياسية و قالي إنه مش مرعب اووي يعني و فيه رومانسيه براضوا وكان فيلم هاغازوسا كان الفيلم عبارة عن سحرة و شعوذة و طلاسم مع موسيقى مرعبه كان الموضوع صعب على واحده بتخاف من ظلها وبعد ما طلعنا من السينما ، خدني سامر ولففني اسكندريه كلها عشان يخرجني من الحاله الا انا كنت فيها لان فعلاً انا مرعوبة بطريقة وبصراحه اليوم كان ممعته كله باستثناء الفيلم طبعا ، واحنا مروحين سالني سامر فجاه:
أنت تقرأ
سيبك قلبك و إنت داخل مع چوچو
Horrorقصص رعب قصيرة بالعاميه باللغة المصرية مع چوچو ، كل اسبوع حكاية جديدة
