- انتِ بتقولي ايه يا مدام ؟ الفندق مقفول من ساعة الحرب العالمية الثانية!!!!!.
هو قال الجملة دي وانا زاي ما يكون جالي إنهيار عصبي و هزيت راسي بهستريه و انا بقوله بانفعال شديد:
-انت مجنون فندق اي اللي مقفول بقولك انا كنت فيه من اسبوع بالظبط
الاتنين بصوا لبعضهم بزهول من هجومي و بصولي كاني مجنونه و في اللحظة دي اتدخل عمر و هو بيحاول يهديني وقال بشقفة:
-اهدي يا رغد ماينفعش كده، لو سمحتوا ممكن بس تدلونا على مكان الفندق.
رد واحد منهم بقلة حيلة من إصرارنا:
- هتمشوا على **************.
-بس خدوا بالكم الفندق ده في حته مقطوعة ، و آخر حد دخلوا كان من 25 سنه و كانت صحفيه و كانت هي الوحيدة اللي طالعت من الفندق ده بس بعديها بشهور قليلة اختفت، ربنا معاكم.
وصلنا الفندق و كان بالفعل في حته مقطوعة مفيهاش كلب عابر حته و زائد كده إن الفندق مخيف بشكل رهيب كان وسط اشجار و اتربه كتيره كأن محدش زاره من قرن بصراحه انا مكنتش خايفه لا انا كنت مرعوبة بس شجعت نفسي و كده كده مافيش حاجه اخسرها حتي حياتي هيتحكم عليها بالاعدام لو مجابتش دليل و اللي شجعني اكتر هو وجود عمر بجنبي
دخلنا الفندق و كان صعبة جدا اننا نفتح الباب لكن في الاخر فتحانا و اول ما دخلنا اتقفل الباب زاي ما بيتقفل في الأفلام الرعب بالظبط
مكانش في ارعب من كده بصراحة و ببصه جنبي لقيت عمر متجمد وبيبص في تجاه معينه ببصى لقيت بنت قاعدة على ترابيزه و متربعة و عطيلنا ظهرها انا اول ما شوفت شعرها الاسود اللماع عرفتها على طول دي ميهنار و اتقابلت انا وهي كذا مره في الفندق و اتعرفت عليها و زاي ما يكون لقيت قشه اتمسك بيها لدرجة اني مهتمش بحاجة غير اني اخيرا لقيت دليل لبرئتي، المهم لما لقيت عمر متنح اتكلمت و انا بوجه كلامي لي :
- عمر دي مهينار اتقابلت انا و هي هنا.
كملت كلامي و انا رايحه نحية ميهنار و بقول:
- ميهنار إن جيت انهارده عشان.
و كنت لسه هتكلم وقولها عن السبب اي اللي جابني مباشره لكن قطعتني هي بصوت بارد:
- عشان تثبتي انك ماقتلكيش سامر صح؟
بصيت انا و عمر لبعض بزهول وقالتلها :
-انتِ تعرفي سامر جوزي ؟
-و ازاي عرفتي اننا جايين هنا عشان قضية القتل ؟
-اممم، اعرف سامر جوزك ازاي ؟ هو انا مقولتلكيش إن سامر يبقي جوزي انا كمان .
-جوزك ازاي مش فاهم ؟
عمر سألها بزهول و عصبيه و انا كنت حاسه اني فقدت النطق ، بس حاولت استجمع تركيزي عشان اعرف اثبت برئتي ؛ انتبهت ليها انا وعمر لما قالت:
أنت تقرأ
سيبك قلبك و إنت داخل مع چوچو
Hororقصص رعب قصيرة بالعاميه باللغة المصرية مع چوچو ، كل اسبوع حكاية جديدة
