علمتني قسوته ان اكون

بقلم:رميساء اسيمور🪽حصريا على صديقات النخاع🪽

لابسة جلابة فالغوز بارد و لايحا فوق كتافها فولار خفيف و فرجيلاتها صندالة مزينة بخلخال دهبي .. تعلات على صباع رجليها و مدات يديها كتوريه منين يعبر ليها وقالت

زينب : عفاك عطيني نص كيلو سفنج وعنداك تعطيه ليااا عامر زيت (طلات على لكونطوار ) عطيني من هداك لي لهيه

شاف فيها وخشا صرف ديال واحد لكليانة فطابيلة وجاوبها كيعبر ليها

ما مزيت والو سفنج زوين و مݣرمل ( مد ليها ساشية ) هاكي بسم الله

خداتها من عندو كطل على سفنج وقالت مادا ليه لفلوس

هادشي غا قلت لك متعطيهش ليا مزيت

خدات من عندو صرف ومشات فطريقها راجعاا لدارهومم ومرة مرة كتنقب من دوك سفينجات .....تاحسات بشي إيد جراتها من لقب تاع جلبيتها شئ ليخلاها تشهق بخلعة تا شافتو وقف قدامها ...ودوات بعصبية

زينب : واش تا مسطي ؟؟ شادني فدرب باغي تخرج علياااا

أيوب : ( شد ليها فيديها و تما غادي بيها ) وراه عيت منعيط لك ونتي كتقطعي عليااا شنو بغيتي ندير

نترات منو يديها بجهد وتلفتات وراها لايكون شافها شي حد

زينب : أيوب لهضرة ماشي فدرب غايتمااا جاي شيواحد فخوتييي ....(هزات صبعها) وأخر مرا تجرني بحال هاد جرات فزنقة

تمات غادا وهو يجرها عاوتاني تضارت عندو وقال بزربة وبصوت مدعدع

أيوب : بربي مانتحرك من لهنا تا تقولي ليااااا شهاد ستونات لي وليتي كديري معيااااا

زينب : (خسرات وجهها بحالة باغة تبكي وشافت فجنابها خايفة ) واش باغي تخرج عليا نتااا (أشارت ليه براسها ) سير تسنانيييي فبلصتنااا أنا تابعاك سيرر ولهتا غاتبقا تا تخرج عليا

دفل فالأرض واشار ليها براسو وتما غادي قدامها وهي موراه دايرين راسهوم ماشي مع بعضياتهوم و هوا مرة مرة كيشوفها واش تابعاه
وصلوووو حدا واحد تيراااا خاوية فيها غا طموبيلات لخاسرين و لكاميوات مبلاصين.....تكا على واحد لحيط مربع يديه وقال كيشوف فيها

أيوب : دباااااا قولي ليااااااا مالك على دوك لفعايل (كيحسب بصباعو ) كنعيط لك مكتجاوبيش مرة كنلقااااا لبواط ڤوكال مرة تيلفون طافيي...

زينب : ( بعصبية ) نتااااا لي اش هاد لفعايلللل لي ولاو فك كل مرة مع وحداااا.... تا مكتلقاااااا معامن توانس عاد كنبان لك انا فلبلان ولا شنووو ؟؟؟ (تنهدات وقالت مغمضة عينيها ) أيوب الله يخليك جوج كلمات غا نقولهوم ليك تلقيناااا خوت نتفارقو خوتتتت أنا الى بغيت شي واحد يا إيمااا يبقااا تاعي بوحدييي ولا الله يعاونووووو لحاجة لمشروكا معندي ما ندير بيها

أيوب : ( بداا كيضحككك ) ههههه هاي هاي على زنوبة كبرتي وليتي كتعرفي تهدرييي

زينب : (خنزرات فيه ) سيرررر قالك برهوشة راه فعمري 19 عامممم (غمزاتو ) ولا صافي مبقيتش معمراااا عليك لعيننن ولو كيعجبوك لميمات