علمتني قسوته ان اكون

بقلم : رميساء اسيمور🪽

‎مشات وفاء عند شيماء لقاتها مسطريسية
‎وفاء : نوضي نوضي ههههه عيطوووو علك

‎شيماء : اويليييي هههه حشمت نخرج

‎وفاء : (جراتها من يديها ) نوضي نوضي قالك حشمتي مبغيتيش تشوفي عريس الغفلة

‎شيماء : ياك زوين بعدا ماشي ندخل نتصدم

‎وفاء : هههههه زويننن كون مكنتيش ختي
‎ نطيرو لك

‎شيماء : (خنزرات فيها) اواا جمعي راسك

‎وفاء : هههههه قلبتي وجهك وهادشي باقي غا مشتيهش

‎شيماء : واشنووو راه راجلي هاداك هههه (كتشوف راسها فلمرية)
‎صافي مزيانة

‎وفاء : علم زيناتك احبي غا قولي بسم الله وخرجي

‎ شيماء : أوكي ياله بسم الله خرجو لبنات من لبيت و مشات شيماء حدرا راسها حشمانة تاوصلات لصالون  قالت سلام بصوت منخفض ودخلت حشمانة تال فين باركين لعيالات سلمات عليهوم وفوزية دارت ليها بلاصة حدا عكوزتها  وبركات فيها
‎خديجة : (كتشوف فيها ) تبرك الله تبرك الله الله يحجبهاا
‎ا
‎فوزية : أمين أختي ويحفظ لك وليداتك
‎كانت شيماء باركة وغاتموت من لحشمة هدفهاا لوحيد هوا تهز راسها وتشوف عريسها كداير ومقدراتش تاطلعو زينب حسات بيهااا بغا تشوف لعريس وهي تقول

‎زينب : شيماء هاداك لي لبس زرق هوا العريس

‎شيماء  زادت حشماتتت منين قالتها ليها قدام كلشييي و وفاء شدتهااا ضحكة  و فوزية معرفات تقرصها ولا تخبطها و لا دفل عليها حدها بدات كضحك ضحكة صفرا و تحلف عليها

‎خديجة : (ضحكتها زينب) هههه معندك لاش تحشمي أبنتي من حقك تشوفيه كداير
‎هزات شيماء عينيها خطفات شوفة فيها
‎ وهي تلقاه كيشوف فيها مبتاسم غا جات عينو فعينها  فيساع هبطات عينيها
‎حطات ليهوم طيابة لغدااا حطات لبسطيلة فلول من بعد حطات ليهوم لحم وتبعاتو بديسيرر عاد حطات ليهوم صينية تاع أتاي يبقاو محمعين عليها

‎كانو كيهدرو موضوع تايجبد موضوع تا تعاشات العشية ....
‎. كانت زينب غاتموت من لملل هضرتهوم كانت كتجيها حامضة وزادت عصبتهاا لحاجة تورية لي من قبلية كتشوف فيهااا محيداتش عينيها عليهاااا كانت شيماء هزا كاس أتاي في يديها ومرة مرة كتسرق شوفة من احمد وهوا كدالك عم سقيل واحد لحظة وهي تنطق سعاد بصوت مرتافع

‎سعاد : (دوات مع عبد لكبير ) سي عبد لكبير قالت لك لالة فوزية سباب زيارتنا ليوم

‎عبد. لكبير : ايه الالة عارفينوو

‎سعاد : إوا اسي عبد لكبير حنا عائلة عارفينكوم وعارفيناا مشاركين دم ولملحة وطعام ماشي اول نسوبية ليكوم معنا وراكوم عارفين سلعتنا كدايرة

‎عبد لكبير : مافيهااش شك هادي الالة سعاد أنا غاسمعت الناس من طرفك قلت مرحبااااا والف مرحبااا