توقف سيارتها تنزل وتسكر الباب وراء
ترفع يدها الي بها المفتاح تغلقها بشكل كامل تتجهه لـ الحديقه الخلفيه
تجلس على اول كرسي يقابلها تعض شفايفها بخوف
من أمها تفتح جوالها تشوف رسائل رها وكيف تهزئها وانها راحت وخلتها
تنهي برساله "قلت لامش انش رحتي مع امل تحتاجش"
تتنهد براحه تبتسم وكيف رها أنقذت ترسل لها "احبش قوه واسفه اني رحت وخليتش بس عصبت والحين معليش بس بدخل انام ميته نوم بكرا اخبرش كل شي "
يردف بسخريه من نافذة غرفته : تتبوسمين للجن ؟
تفز بخوف ترفع عيونها لـه : يا حقير خوفتني
يضحك منها يرفع حواجبه : والله ما عرفتش أختي من متى تخاف ؟؟
تتنهد تتجهه لداخل : انجلع ضاري طبيعي بخاف !
تفتح باب البيت وتدخل بهدوء تنزل حذيانها تاخذهم بيدها
تمشي على روؤس أصابعها كانها حراميه تمشي للدرج
تتنهد بإنهاك من وصلت بدايه الدرج
تسحب نفسها لغرفتها تدخل وتسكر الباب وراها
ترمي بنفسها على السرير : اخ يا المى ايش هذا ؟
تتأفف تقوم تنزع عبايتها تاخذ لها بجامه خفيفه
تتجهه للحمام «وانتو بكرامه» تتغسل بسرعه وتلبس بجامتها
تفتح المكيف وترتمي بإنهاك على السرير تفتح جوالها تحط منبه على الساعه عشر صباح
تنام بهدوء وسلام وتفكيرها بين همام وحبه
-
جالسين العيال في الدكه الخارجيه لبيت الجد وبعيده عن البيت بشوي
بحيث البنات ياخذون راحتهم
ملتميّن حول شبه النار
يردف بدر بملل : من راح ضاري وما عندكم سالفه ؟
أوس وهو يلعب بالنار : ياعيال معليش بس والله جوع ما تحسون بشي ؟
يناظره ثنيّان يوسع عيونه يضربه بخفه على راسه : ما تشبع انت ؟؟
يتأفف أوس : يا شيخ ماكل من حلالك ؟
يضحكون عليهم العيّال
يردف ذيّاب وهو يحدق بثنيّان : وهو صادق والله يا هو جوع
يفز أوس يبوس راس ذيّاب : الله ينصرك يا العود
وهو يشمق لثنيّان : مو هذا مستخسر علي الاكل
يضحك همام بخفه والي كان طول الجلسه ساكت ويهوجس : اطلب لك انا ماعليك
يبتسم راسل بهمس لهمام : واخيراً فكيت التكشيره وقلت شي
ينهض همام بسرعه : اي مطعم تبون ؟
رائف بحماس : مطعم دزلي لوكيشن اكل شي شي
يناظره همام بسّخريه : يعني ادق لك مشوار ساعتين ؟ نبي مطعم قريب
يكشر رائف : نطلب المندوب يجيب
يرفع حواجبه نبراس : يشيخ وننتظر كم ساعه ؟ لا تفكر
يمسح همام على وجهه : فكوني عندكم مطعم ولا اجيب من ذوقي ؟
راسل بدون أهتمام لانه يعرف ذوق همام فوق التقييم بالاساس : جيب من ذوقك ما ينعطون وجه
ذيّاب بهدوء : طيب اصبر بشوف البنات اذ يبون شي بعد
يعض شفايفه همام يتذكرها : طيب
يتجهه للخارج يسّتند على الجدار بتفكير فيها وكلامها
لهدرجه ما تحبه ولا تبيه ؟
يقطع عليه راسل التفكيّر يضرب كتفه بخفه يستند بجواره : علامك انت ؟
يناظر له ببرود : ولا شي البنات ايش قالو ؟
راسل بهدوء : يبون وكلهم موجودين إلا ألمى
يرفع عيونه بسرعه من طرى اسمها
ليتنهد بخفه يتجهه لسيارته : اجل بجي لكم بيتزا
يناظر راسل قفى همام حاط يدينه بجيوب دشداشته بمشيه ما عهدها على همام ما يدري ايش فيه بس الي يعرف انه ضايع وجداً
يدخل عند العيال يجلس بجانب نيّار والي كان هو الثاني يهوجس
ليصرخ بخفه : علامكم انتم منفسين وكله تهوجسون ابلشتوني!
يفزون العيال بخوف من صراخه
يرفع نيّار حواجبه بهدوء : اذيتنا الله لايأذيك يشيخ اسكت!
يوسع راسل عيونه : اسكت على ايش يا اخوي ؟ ويشّد على كلمه اخوي
يتنهد نيّار بهمس : والي يعافيك فكني الحين مو ناقص ابداً يا راسل
يغير ذيّاب السالفه بشكل سريع : انادي البنات يجون هنا ؟
راسل بسخريه : مسوي نفسك محرم للكل ولا ايش ؟
يضحك ذيّاب بعدم تصديق : راسل بتحول علي يعني ؟ برسل لرها ولا لشادن ولا تليّد بعد!
يفز الي كان يسولف مع أوس من سمع طاريها : اي صدق خلهم يجون يغيرون جو من البيت
يرفع حواجبه راسل : اي صحيح استاذ بدر
يتوتر بدر : شفيك عمي ؟
يضحك راسل بقوه : عمي اجل
ذيّاب بمقاطعه : خلاص عاد راسل ابلشتنا ياشيخ! برسل لشادن اقولهم يجون
ياخذ جواله يفتح على محادثه شادن يقولها "شدون تعالي انتِ والبنات في الدكه تغيرون جو حتى يوصل همام"
-
عند شادن كانت تسولف مع البنات ومرتاحه من زمان عن هالجلسات
اشتاقت للمة البنّات والضحك والسوالف
تفتح جوالها من وصلها اشعار تلتفت رها لجوال شادن : خالي شايف ؟ طول وعرض اخر شي مسميته ذيّوبي؟
تضحك تليّد بعدم تصديق : الي يسمعك يقول مخزنتيه الشيخ ذياب تراش كاتبه ذيابي
تلتف شوق لهم بصمت ولا تدري ليش جاها شعور غريب من سمعت اسمه ودلعه شعور ما تدري ايش توصفه اساساً
تردف أنهار بسخريه : وهو لكم كلكم ؟ اصبرو تجي زوجته ينساكم كلكم
شادن بغرور : حبيبتي الا اخوي ابو الشادن يتغير على الكل الا انا
ترفع حواجبها رها وتردف بنفس اللحظه معها تليّد : مالت عليك
يضحكون من غيرتهم الواضحه عليه!
تضحك شادن ترفع شعرها خلفه اذنها تفتح رساله ذيّاب وتقرأ محتواها
تلف للبنات : بنات ذيّاب يقول تعالو لدكه نغير جو
تصرخ أنهار بحماس : واخيراً طفرت من مقابل الغرفه!
تفز توق : بنات انا بروح انام صدق نعسانه
ترفع حواجبها شوق : الحين ؟ انتِ ؟ تنامين ؟
تضحك توق بتوتر : شدعوه انكرفت كثير اليوم!
يلبسون البنات حجاباتهم ويرتبون شكلهم صح
تردف أريج بخجل : بنات احس وضعي بيكون غلط!
تناظره أنهار بحده : محد سمعك قدامي بس
تتجه رها لغرفه راشد : بنات روحو بشوف راشد وجواهر اذ يبون معنا
تدق الباب يأتيها صوت راشد انه بيجي
يفتح راشد الباب وتحمّر ملامحها من شافت روج طابع على خده
تتنحنح تناظر بكل شي الا وجهه : شسمه راشد تبون تسهرون معنا برا في الدكه ؟
يلتف ينادي جواهر : جواهر تبين نسهر برا ؟
تركض جواهر له تمسح خده بخجل : حسبي الله يا راشد
يستوعب راشد يلف لـ رها الي اختفت من امامهم
تعض شفايفها جواهر تصرخ بصمت : يفشل كيف بطالع وجها بكرا راشد!
يضحك بخفه يسكر الباب يمسكها : حبيبتي شدعوه مافيها شي
تدفه تتجه للغرفه : اسكت انت
يضحك بقوه يركض لها يحضنها من الخلف يبوس رقبتها بخفه : افا اسكت انا ؟
