اني زينب ودلعي نشنش عائلتي متكونه من" 5 " أخوان و" 3 " خوات.. اخويه الچبير اسمه حسن واني من بعده واختي من بعدي رقيه ومن بعد رقيه اخويه حسين ومن بعده مرتضى
ومن بعده حيدر ومن بعده اختي جوري ومن بعده اجه بزر الگعده جود حبيبي وروحي" المُدلْٰلٰٓ "
وماما وبابا أخوية الچبير طالب جامعي محقق جنائي مرحله ثالثه أن شاء الله واني واختي للأسف مندرس اهلي ميقبلون البنيه تكمل دراسة عندهم أهم شي تقره وتكتب كلش كافي والحمد لله خلصنه ابتدائية ونقره ونكتب.. اخواني الباقين يدرسون ابتدائية اخويه حسين تارك الدراسه من سنتين صارت مشكله وياه وتركه نهائياً چان حسين كُلش وكح وعكر وصاحب مشاكل ميطلع يوم بره البيت إذا ميرجع ومشكلة وراه درجاته كلش ناصية ومتفيد وكثير الرسوب... عكس حسن چان جداً مسالم ومجتهد وأهم شي عنده هوه تحقيق حلمه ويحصل على طموحه وثمرة تعبه دراسته بالبدايه.ماكان عنده حلم بأي وضيفه يتعين أو يشتغل جان همه يخلص من السادس وهوسته ويروح كُليه وعود الله كريم وبعد مااجل سنه من السادس ورجع درسه نجح بس خطيه جان معدله ناصي مو حق تعب التعبه جان يستاهل اكثر بس شيسوي هاي الحمد لله على كلشي كعدو وتناقشو شنو يدرس بعد ماياخذ شهادة السادس وكان معدله ميجيب وضيفه عاليه للأسف بس بابا كان عاجبه انو حسن يدرس محقق جنائي وحسن وافقه الرئي ومناقشة لئنو يحترم قرار بابا وقرر حسن بعد ميخلص جامعة ويتخرج يروح دورة ضباط بأذن الله.. جان بابا مامخلينه محتاجين اي شي موفرلنه كلشي من أكل ولبس ومفرش ومصرف وحب وحناااااان لو شكد مااحجي عن حبه النه واحترامه ميكفي ويوفي واحس لو شنسوي منوفيله الي سواه النه كلش تعب حبيبي بابا حته ميخلينه محتاجين شي.. والحمد لله مامحتاجين شي غير الله سبحانه وتعالى يخليه النه ويبقه ثابت البيت بوجوده وضجت البيت بضحكته وسوالفه الحنينَه أبويه ابو كلب الحنين جنت مره من المرات اتصفح بجهازه وشفت صوره لتلال واحد مقابل الثاني بينهن مسافه.. وكان رجُل ممتد جسمه من التل إلى التل لكي يعبرو أبنائه إلى الجه الثانيه وكان أحد الاولاد يعبر من على ضهر ابيه والباقون ينتظرون الدور لكي يعبرون عندما شاهدت هاذهي الصوره انهارت قواي من هاذا المشهد وبكيت وخرجت حسره من قلبي كبيره وانا كُنت صغيره العمر لست بكبيره لاكن نحنُ تعلمنا الحب والحنان منهُ ونحنُ صغار وفي صوره ثانيه أيضاً شاهدة في احد الايام كان رجل واقف عند الباب بزي العمل ويركضون أولاده إليه مُبتسمون فرحون وكان هوه يستقبلهم بعناق وبعض الأكياس على الأرض وكان اقتباس في أعلى الصوره هوه..
"يتحمل الأب كُل شيئ لأجل هاذه اللحضه"
تبللة رموشي بالدموع على هاذا المنضر وما أن قرئت الاقتباس وإذا بدموع تصقط على وجنتي بسرعه واحده تلوه الآخرة على مارئيت من صور يحفضها ابي في هاتفه ودليل على حبه لنا ومن لحضتها كُل مااتى موعد مجيئ ابي ركضتُ نحوهُ بكُل حب ولهفة لحضنه الدافئ وقبلاته المليئة بالحب والحنان "ابي عندما اجلس لكي اوصفكَ في بعض الكلمات لااجد الحروف المناسبه لكَ أجد كُل الحرف ينقصُها حروف واكتفي بكتابة" يابعد گلبي وروحي يابويه ".
ماما امي كلش تعبت علينه حته تكبرنه وتشوفنه مرتاحين وليومه هاذا هيه مامرتاحه من جانبنه اخواني كلش متعبينه وحته احنه احيانن انتعبه واحنه بهاذا العمر متحمله كلشي بس حته تشوفنه بالمقام الي هيه تريده تحملت وتعبت كلشش هواي عاشت ويه عياله وشافت أشكال وألوان من. مشاكل وطلايب واتهامات وكلشي مر عليه وتحملت وسكتت لخاطر بابا ولخاطرنه وماكو شي يبقه على حطته لابد يجي يوم ويتغير كلشي والحمد لله بابا بنه بيت النه وطلعنه بيه واستقرينه بيه الحمد لله حبيبتي ماما منجازي تعبج علينه لو مهما سوينه ومنحس بتعبج وخوفج علينه إله انصير أمهات وعدنه اولاد يلا نحس بخوفج علينه "الله لايحرمنه منج يايمه" جان بيتنه قريب على بيت جدو جان بيت جدو متكون من 3اخوان عمو علي الجبير بعمامي وبابا وعمو كاضم عمو علي ماعنده أطفال بس هوه وزوجته ميصير عنده أطفال خطيه وعمو كاضم عنده ولد وبابا من جان ابيت جدو عنده 4اولاد 2بنات ثنين من اخواني صارو بيتنه الجديد جوري وجود.. وجدو وبيبي وزوجات عمامي مرت عمي علي ومرت عمي كاضم وامي يعني 15نفر بالبيت بس همه جانو قبل ليتزوجن عماتي أبيت غير هاذا كانو عايشين أبيت طين ولحد الان موجودلئنو الأرض ملكنه عدنه هواي أراضي باسمنه الحمدلله.. وهو من زمن الستينات أو السبعينات على مايبدو عماتي اربعه بيبي خلفته "4" ولد.و"4" بنات كانو كلهم سوه قبل الزواج طبعاً وجان جناينهم ماما وعمتي زوجة عمي علي بالبيت الطين واحد اعماي الي هوه حالياً مستشهد.. كان عازل أبيت الوحده من اول متزوج عزل ومن بعد زواج عماتي بسنوات طلب عمي ازغر واحد أنو يتزوج قررو انو يشيلون من البيت الطين ويبنون بيت جديد وبنو وشالو بيه وتزوج عمي كاضم وبعده احنه شلنه وبقه عمي كاضم وعلي زوجاتهم وجدو وبيبي بالبيت وبعد كم سنه من خروجنه من بيت جدو اتزوج عمي علي من بت خاله على أنو ميصير عنده أطفال وخطيه كان حال زوجته يبجي الصخر ابفترت بقائه يم أهله بأيام عرس عمو علي حجتلنه عن معاناته كالت بيوم عرسه شردت من البيت اريد اجيه ولزموني اخواني وكوه رجعوني للبيت من حبهَ إله وخوفهَ تخسرهَ كلبه مطاوعه تبقه كاعده وساكته فكالت لنفسه احسن حل اشرد واروحله والله يعلم لوما إخوانه لازمينه بذاك الوكت جا شصار ومن بعد مشاكل الشرايج ودوخت الراس قرر عمي كاضم انو يطلع من البيت ويعزل بيت لوحده وي زوجته الحامل وابنه وبنه وشال وجابت زوجته ابيته الجديد وصارت مشاكل أبين. عمو علي وزوجته الجبيره كلش هواي وبدت تكثر وتطور عكس الزغيره بنت خاله كلش يحبه كلشش شكد مااحجي مااوصف حبه إله ودلالة معا انو هوه كان حته زوجته الجبيره هماتين مدلله بس هاذي لاتختلف كلشش ماحسينه إله بيوم وليله عمو علي.مطلق زوجته الجبيره الي هيه كانت يم أهله اصلا من وقت مو قليل وبعده مطلقه وماشفناها ودعناها للأسف كانت زوجته كلش عزيزه علينه احنه اولاد سامي واحنه هماتين عزيزين عليه بسبب انو ماعده أطفال جانت كلش تحبنه كلششششش هوايي خطيه حنينه وطيبة كلب وتتصخر للجبير وللزغير وهماتين تحملت كلشي علمود عمو علي وشافت أشكال. وشتغلت وتعبت ونضربت حته من زوجه عمي علي وسكتت وبقت بس ماكان مقسومله تكمل وياه أطلقت وخلصت حكايته زوجة عمي الحنينَه الطيبه أمنه الي ماجابتنه... وماصار عنده خلفه عمو علي من زوجته الزغيره ومن بعد مرور سنوات عاش فترة هدوء ماقبل العاصفه بعد ماطلق زوجته الجبيره ... ويوم وليله أيضاً سمعنه خبر صدمنه... الي هوه عمو علي وزوجته الزغيره مطلقين وبطلب منهَ انو هيه تريد أطفال وهوه ميصير عنده وهيه تريد طفل يشيل كبرته وهوه من حبه إله مارفض فوراً دازله ورقت الطلاق وانتهت قصتهم وبقه عمو علي وبيبي وحدهم طبعاً من بعد وفاة جدو الله يرحمه واستشهاد عمو أحمد الله يرحمه أهل زوجته اخذوه بنتهم واخذت أطفاله وياها 2بنات ولد... وقرر بابا وماما اني واختي نقوم بواجبهم وصدك صرنه اني واختي كل يوم على وحده طبخ وتنضيف وبليل نرجع للبيت نام. منام يمهم ونرجعلهم الصبح هماتين نفس الروتين استمر لسنتين وتزوجة اختي الي ازغر مني بسنه كان عمره 17سنه اجت قسمته والحمد لله تزوجت وعاشت ويه عائله بسيطه جداً...
عماتي بدو يحجون على عمو انو يتزوج هنه وعمامي وبيبيتي وكثير من الناس حجو عليه واني صرت ماالحك على الشغل بيتهم وبيتنه حته وان نفرين همه بس هماتين يردون شغل وتنضيف وطبخ بس هوه رافض انو يتزوج خوفاً على مشاعره لطليقته زوجته السابقه رغم متزوجة بس بقه متردد يتزوج عليه كناله هيه تزوجت وعاشت حياته انتَ همين اتزوج وعيش حياتك وبعد جر وعر قرر يتزوج وخطب وتزوج وبعد فتره وره زواجه ماتقل عن ٧ أشهر أو ٨ أشهر. سمعانه طليقته حملة وبدة تنشر عن نعم رب العالمين ورزقه من بعد الصبر. وتاكدنه انو عمو متصير عنده خلفه من الأساس هنا اني رجعت لبيتنه ورجعت شلت الحمل عن ماما شغل بيتنه هوايه خمس اخوان وكبار يردون هواييي من طبخ تنضيف البيت وغسل ملابس كان طبخ الغدة على ماما والعشاء عليه بس كان مكان اختي فارغ جنت كلش اشتاقله واحن لايامنه المضت ولي ماجنه نحس بيه وبجماله إلا بعد ماصرنه كل وحده بمكان بس هوه هاذا حال الدنيا الحمد لله بعد فتره من زواج رقيه بـ7ــ شهر حملت وبعد فتره عرف انو بيه بنوته والحمد لله على كل شيء وتمضي الايام بحلوها ومرها......جنت جاي امشط وماما على جربايته يمه جود وجوري واجاها اتصال وعرفنه انو رقيه عده ولاده وحالياً بالعمليات جانت ولادته قيصرية موطبيعي راحت ماما الساعه 11:00 مساء وثاني يوم اجتي ماما من عده وطبخنه غدة إله ولعمته ام زوجه اجتي وياها وعمتي اخت بابا أيضاً لئن زوج رقيه يصير ابن حماها لعمتي وصدك اجتي رقيه وشكله تعبان موذيج رقيه الي تضحك للهوه وغمازاته الاثنين محليات محيا وجهَ لاذبلانه كلش من العمليه والولادة خلوه على الجربايه بغرفة ماما على السبلت والباقين بصالة على المبرد وأخيراً شفنه هاي الفصعونه الي شكت بطنه رقيه علموده كانت عبارة عن جرجف ابيض مامبين منه شي ملفلفينه تلفلف كماط وعصابه لون الأبيض ماكان مبين منة شي وبعده مامبينه ملامحه وجماله وقضت رقيه يمنه 10 ايام فكة ازراراته ودعتنه وراحت كانت هاي أجمل 10 أيام بنسبه إليه اني وياها نخلص اليليل سوالف وضحك وشقه وصور للصغيرونه الي سموه.. وتين.. ودلعه "ورده" هاذا الدلع محضر إله من قبل لتجي للدنيه.. وبعد ماراحت رجعت لقوقعتي رجعت لعزلتي احب ابقه لوحدي ابقه اصنع بعض الأشياء اني متعددة المواهب اخيط. واصنع حرف يدوية. واصنع اساور وقلائد من الخرز. واحب الرسم. واحب ان اكتب مذكرات كثيرا وعندي هوايه اكتب مذكرات حالياً بقيت فتره اخيط إليه ولجوري أكف واخصر ومرات اسوي اسوارات إليه إلى أن اجه ذاك اليوم وكانت فرحتي فيه لاتوصف ححقيقتاً والابتسامه لم تفارق وجهي كان سبب فرحتي هوه شراء موبايل إليه جابه بابا الصراحه جنت كلش متفاجئة من خطوة بابا هاذي لئنو هوه رافض رفض قطعي عن انو اشتري موبايل بس شاء الله انو بابا يحيبلي موبايل والحمدلله كلش فرحت بيه وتركت بعض الهوايات الي جنت مقضيه أكثر وقتي بيه تركت الرسم وكتابة المذكرات ولاكن الحرف اليدوية ساعدني موبايلي على أنو اطوره من الفيديوهات على الانترنيت كنت اصنع بعض الأشياء واطرز.. وأيضاً فيديوهات تعليم الخياطة هم استفاديت منه. وصرت احسن من قبل ومانزلت بيه غير واتساب وسناب وبنترست قرار من بابا وحسن هاذا غيرهن ماكو.... وتمضي الايام نحو الأمام.............. كبرت ورده وصارت صدك ورده سمينه وبيضه لخدوده شكدهن يمه فدوه تخبل حبيبتي عين الله عليهَ.. وعمو علي ماصار عنده أطفال للأسف.. وعمو كاضم وزوجته أيضاً راجعو هواي دكاتره حته يصير عندهم طفل وماصار خطيه عندهم 2 بنت ولد نوره. ومؤتمل......... وحجيت عن اخواني واخواتي وأهلي وعمامي اما اني راح احجي عن نفسي هسه اني عمري حالياً 20 سنه وعايشه بين اهلي واحبابي اخواني امي وابويه وعمامي والحمدلله اهلي يحبوني ومدلليني اصلاً همه بصورة عامة يدللون البنات ويحبونهن كلشش هوايه والي يضرب ويغلط على وحدة من عدنه احنه البنات بنات العم والعمات كل احنه بناتهم بصوره عامه يسوله بالمقابل وميقبلون بالغلط أبداً. عندي بنات عماتي الي اللة رزقني بيهن اخواتي وصديقاتي الي ماحصلت عليهن بالمدرسه وبالطلعات حصلت عليهن بكعداتنه العائليه وبلماتنه وبمواقفنه السخيفه المضحكة كل زياره لعماتي نلتم احنه البنات ونكعد ونحجي ونشاقه وذاك الضحك والسوالف الماصخه هههه الصراحه وسوالفنه تافه ومابيه مغزا وبعد فتره ايام أسابيع وأشهر وعرفنه انو احنه مانكدر بدون بعض وصرنه تيم متكون من سدرة ورقيه وارجوان واني ومرات حوراء وزهراء وبنات عمي الشهيد الي شاء القدر وبعدهن عنه مرات هماتين يجون ومو دائماً مرات قليله ننجمع بيهن للأسف لئنو بيت خوالهن بمحافضه ثانيه هذني احنه حجايتنه وحده وسرنه واحد اي حجايه نحجيه ابينه متطلع خارج مجموعتنه أبداً اسرارنه تبقه إلى الأبد مخزنه داخلنه وهاذا الي خلة علاقتنه تستمر ونبقه أجمل صديقات وبنات عمات وعمام... سدره.ارجوان . حوراء زهراء.فلك . شمس . واني ورقيه. الله لايحرمنه من بعض يارب وان شاء الله نكبر ويجي دور الأولادنه من بعدنه ويسون نفس التيم..عماتي ثنين توئم واثنين لا التوئم ذني احلا نعمه رزقنه رب العالمين بيه ندى وهدى ذني التوئم وزهراء وفاطمة ندى وهدى مواليد 88 وزهراء وفاطمة مااعرف بس أكبر منهن بهواي ندى انحبه كلش هواي ونشاقه وياها وحته منكله عمه نسويله دلع باسمه نديوه وو وهدى هماتين بس ندى لاغير غير اني ورقيه وحسن وحسين علاقته بيه مو عمه وأولاد اخوه لاوالله أصدقاء اسرارنه عده واسراره عدنه والي بينه ميطلع لغيرنه نهائياً مامخلين فارق العمر يوكف بينه و الله حسن سوالفه وياها متتسولف هههه ورقيه خوب طلعته من ماعونه واني اشاقه صح بس احترمه استحي أتجاوز وهمه لاعادي اصلاً اختهم الزغيره هيه والله مره جان الجو مغيم وتمطر مطر غزيرررر وكالت عمتي إذا طلعت الشمس اليوم اتفلو عليه وصدك للضهر طلعت الشمس احنه كلنه كمنه نسوي هاها عمه هاها نديوه كالت هاعمه كناله. طلعت الشمس باوعت لبابا وباوعتلنه وهزت ايده على هاي الأخلاق شوف شوف سامي أولادك كلله لاتحجين لاتكولين هاي تربيتجن انتن خربتنهم عاد هيه خربت ضحك ولزمناها عليه كل مره نكلله طلعت الشمس نديوه ههههه هيه تكول تريدون تفلون عليه عمه رحم الله والديكم ههههه.. حنيتهن وحبه النه يجبرنه نحبه كلششششش هواييي وعمتييي زهراء هماتين مرات ونشاقه وياها بس بحدود لئنو هيه جبيره صح مو كلش جبيره بس إله احترامه وفاطمة مو من قاموس حياتنه ابغير محافضه ومامختلطين وياها بس نحبه كونه عمتنه.... واني حاليا على وجه خطوبة نوعاً ما من فتره عرفت انو جيرانه يردون يخطبوني لئبنهم واطونه خبر وحجت ماما ويايه وكتلة أنطيني وقت افكر وفكرت وقررت أوافق لانو العمر يمضي واني صرت بالعمر القانوني للزواج مو زغيره وافقت وسلمت أمري لرب العالمين أن يوفقني بهاذي الخطوه ومابقه شي الشهر محرم الحرام ويجي ويخيم السواد الحسيني البيوت والقلوب الأجساد وان شاء الله بعد شهر محرم الحرام على مايبدو. اتصير الخطوبه والزواج لئن مابقه كلش وقت قليل منكدر نسوي اي شي حالياً الوقت داهمنه. اتمنا لئهلي ولمن أحب حياة سعيده خاليه من المشاكل والذنوب..... إلى هنا تخلص رحلتي دمتم في امان الله وحفضه..... 🪐❤️🩹🫶🏻
2024:6:24 الاثنين الموافق 17ذو الحجة.... گود باييييي👋🏼
💖✈️🪐
