အယ်လ်စင်-"ဟာ!!...ကျန်နေခဲ့ပြီ!!."
တိုက်တန်-"ဘာကျန်ခဲ့တာလဲ.."
လက်သကြွယ်ကိုပွတ်သပ်မိပြီးအထိတ်တလန့်ရေရွတ်မိတော့တိုက်တန်ကမေးလိုက်သည်..ညကအလောတကြီးပြင်ဆင်လိုက်ရလို့လက်စွပ်ကျွတ်သွားမှန်းတောင်မသိလိုက်တဲ့အထိသတိလက်လွတ်ဖြစ်နေခဲ့တဲ့သူ့ကိုယ်သူကိုလည်းအလွန်ဒေါသဖြစ်မိသည်.သူ့အသက်ထက်တန်ဖိုးအထားရဆုံးအရာတစ်ခုကိုသူမေ့ကျန်နေခဲ့တော့ရင်ထဲမှာလစ်ဟာနေပြီးဝမ်းနည်းမိလာသည်.
အယ်လ်စင်-"ဘာမှမဟုပါဘူး..အမှတ်မှားသွားတာပါ."
တိုက်တန်-"ရောက်ပြီအလှလေး..ကျုပ်ရဲ့ဘီလူးပြည်ကနေအလှလေးကိုကြိုဆိုပါတယ်."
အာမန်ဒါလို့အမည်ရတဲ့ကြီးမားစိမ်းစိုတဲ့ကျွန်းကြီးပေါ်မှာမျက်ဝါးထင်ထင်မြင်တွေ့နေရတဲ့ရွှေရောင်တဖိန့်ဖိန့်တောက်ပနေတဲ့ကြီးမားတင့်တယ်တဲ့နန်းတော်ကြီးကိုမြင်ရတဲ့အယ်လ်စင်အဖို့အေးစိမ့်တဲ့အထီးကျန်မှုကိုရင်ထဲမှာခံစားလှိုက်ဖိုစေသည်..နန်းတော်ကိုသွားတဲ့ကျောက်လှေကားတစ်လျှောက်လုံးဘီလူးစစ်သည်တွေကဘယ်တစ်ဖက်ညာတစ်ဖက်ဦးညွတ်အရိုအသေပြုနေကြသည်.လူအယောင်ဖန်တီးထားတဲ့ဘီလူးစစ်သည်တွေအားလုံးစီကနေအမုန်းတရားတွေနဲ့သားရဲသဘာဝကိုမမြင်တွေ့ရပဲနွေးထွေးတဲ့ကြိုဆိုနူတ်ဆက်မှုကိုသာမြင်တွေ့ရလို့အယ်လ်စင်အံ့သြနေသည်.
တိုက်တန်-"အံ့သြနေတယ်မလားအလှလေး...သူတို့ကသူတို့စီကိုတစ်ခါမှဧည့်သည်မလာဖူးတော့ပျော်နေကြတာလေ."
တိုက်တန်ကအယ်လ်စင်တွေးနေတဲ့အရာတွေကိုကြိုတင်သိမြင်နေသလိုမျိုးအယ်လ်စင့်ကိုအကျိုးသင့်အကြောင်းသင့်ရှင်းပြလိုက်သည်.
အယ်လ်စင်-"ဟုတယ်..ကျွန်တော်အံသြမိနေတယ်ဆိုတာအမှန်ပဲ..ကျွန်တော်သိခဲ့တဲ့ဘီလူးဆိုတာကနီရဲနေတဲ့မျက်လုံးတွေ.ကြောက်စရာကောင်းတဲ့ပုံပန်းအသွင်အပြင်နဲ့ဆာလောင်နေတဲ့သားရဲစိတ်နဲ့ကြောက်စရာသက်ရှိတွေလို့ပဲ....အခုကျတော့...."
တိုက်တန်-"အလှလေးတွေးနေတာတွေကလည်းမမှားပါဘူး..ကျုပ်မှာလည်းအလှလေးတွေးတောင်တွေးမိမှာမဟုတဲ့ကြောက်စရာကောင်းတဲ့သားရဲပုံစံအမှန်ဆိုတာရှိတယ်..အာ့ဒီ့သားရဲပုံစံကိုသာအလှလေးမြင်လိုက်ရရင်ကျုပ်ကိုရွံသွားလိမ့်မယ်လို့ထင်တယ်."
YOU ARE READING
"Lord Of Egypt"(အီဂျစ်ပြည်ရဲ့အရှင်သခင်) Season 1 Complete
Action"ဒါနမူနာပဲရှိသေးတယ်..နောက်တစ်ခါငါကိုယ်တော်ပိုင်တဲ့လူကိုအကြည့်နဲ့တောင်ထိဖို့မကြိုးစားမိစေနဲ့..မဟုလို့ကတော့ငါကိုယ်တော်ကိုယ်တိုင်မင်းတို့အားလုံးကိုတစ်စစီဆွဲဖြဲပြီးနဂါးစာကျွေးပစ်မယ်
