Lovestop(Complete)

အပိုင်း-9

'လွှာ ဒါသမီးညီမလေးဖြစ်လာမဲ့သူလေ
မယ်ရိုနီလာတဲ့'

ဖေဖေ့ရဲ့နောက်မိန်းမနဲ့ပါလာတဲ့  မွေးရာပါရွှေအိုရောင်ဆံပင်နဲ့ကလေးမလေးမယ်ရိုနီလာ သူ့ပထမအဖေကနိုင်ငံခြားသားမို့ အဖေတူသမီးဖြစ်မည်ထင်သည် ရွှေအိုအောင်ဆံပင်ကိုပိုင်ဆိုင်ထားသည် ဆံပင်အရှည်ကအောက်နားလေးတွေလဲလိမ်နေသည်မှာ လွှာ့လက်ထဲကဘာဘီရုပ်လေးတစ်ရုပ်လိုပင်

'သမီးညီမမလိုချင်ဘူး ဖေဖေ့ကိုဘယ်သူနဲ့မှခွဲဝေမပေးချင်ဘူး'

မယ်အော်ပြောလိုက်တော့ ထိုကလေးမကဖေ့ဖေ့ နောက်ကိုဝင်သွားပြီးခြေထောက်ကိုဖက်တွယ်ထားသည်

'တိမ်လွှာ့! ဘာလို့အော်နေရတာလဲ ကလေးလန့်သွားပြီ သွား အခန်းထဲသွားတော့ စာသွားလုပ်'

ထိုနေ့ကဖေဖေကလွှာ့ကိုပထမဆုံးဆူဘူးချင်းပင် သူစိမ်းကြောင့်ဖေဖေကလွှာ့ကိုပထမဆုံးအော်ခဲ့ခြင်းဖြစ်သည်

ထို မယ်ဆိုတဲ့ကလေးမလေးကငယ်သေးတာမို့ ဘယ်သွားသွားဖေဖေကသူ့ကိုချီထားတတ်သည် လွှာ့ကိုတော့ကိုယ့်ဘာသာလမ်းလျှောက်ခိုင်းသည် မုန့်ဆိုင်တွေမှာဆိုလဲ ဖေဖေက မယ့်ကိုပေါင်ပေါ်တင်ထားကာသူကိုယ်တိုင်ခွံ့ကျွေးသည်

'ဖေဖေ'
'ဗျ'
'သူကဖေဖေ့သမီးလား လွှာကဖေဖေ့သမီးလား'
'နှစ်ယောက်လုံးကဖေဖေ့သမီးတွေလေကွယ်'
'ဒါပေမဲ့ ဖေဖေကသမီးရင်းလေ သူကတစ်ခြားသူရဲ့သမီးလေ'
'နင့်ကိုဒီစကားတွေဘယ်သူသင်ပေးတာလဲ တိမ်လွှာ နင့်အဒေါ်တွေမလား စောက်ကောင်းကျိုးမပေးတဲ့အမျိုးတွေ ဒီနေ့ကစပြီးသူတို့နဲ့အဆက်သွယ်မလုပ်ရဘူး'

သူ့ကြောင့်တီတီတို့နဲ့တွေ့ခွင့်မရတော့တာ ဖေဖေ့လက်ထဲကကလေးမကိုလွှာကိုင်ပေါက်ပစ်ချင်သည်

'မယ်လေး ဘာစားချင်လဲ'
'မယ်လေးအတွက်အိုဗာတင်းဖျော်ခဲ့'
'မယ်လေးကြိုက်တဲ့ဟင်း'
'မယ်လေးအတွက်မုန့်'

ဖေဖေတင်မက အိမ်ကအလုပ်သမားတွေပါ မယ့်ကိုချစ်ကြသည် လွှာ့ကိုဘယ်သူမှဂရုမစိုက်ကြတော့ပဲ မယ့်ကိုသာဂရုစိုက်ကြသည်
မုန်းတယ်  လွှာ့ဆီကနေလွှာ့ကိုချစ်တဲ့သူတွေကိုလုသွားတဲ့မယ့်ကိုလွှာမုန်းသည် ဆယ်ကျော်သက်အရွယ်တောင်မဟုတ်သေးတဲ့ လွှာ့ရင်ထဲမှာ မယ့်ကိုမုန်းတဲ့စိတ်တွေအပြည့်ရှိသည်