[P!ink (ft.Lily Allen) - True Love(Recommed song)]
''ဒါငါတို့ CS တွေရဲ့အလုပ် မင်းတို့GS တွေကဘာဝင်လုပ်မလို့လဲ''
''သူ့ခြေထောက်မှာလည်းသံချောင်းစိုက်နေတာကိုမင်းမမြင်ဘူးလား နှလုံးတစ်ခုထဲကသာမင်းတို့အလုပ်လေ အဲ့ခြေထောက်ကသံချောင်းကိုမင်းတို့ခွဲစိတ်နိုင်သလား သူလမ်းပြန်လျှောက်နိုင်စေရမယ်ဆိုတဲ့အာမခံချက်မင်းတို့မှာရှိသလား ဆောအင်ဂု ဟမ်!!"
အင်ဂုရဲ့စကားအားစက္ကန့်ပင်မခြားဘဲပြန်ချေပလိုက်တဲ့ အန်ဂျယ်ဟျွန်းရဲ့စကားကြောင့်အင်ဂုမခံချင်ပေမဲ့ပါးစပ်ပိတ်လိုက်ရ၏။အသစ်ရောက်တဲ့သူနာပြုလေးတွေကသူနဲ့အန်ဂျယ်ဟျွန်းရန်ဖြစ်နေမှု့ကိုလန့်နေနိုင်ပေမဲ့အရင်လူဟောင်းတွေကတော့ရိုးနေပြီဖြစ်သည်။ဒီဆေးရုံမှာအတူဆရာဝန်လုပ်လာတဲ့သက်တန်းတစ်လျှောက်မှာဆောအင်ဂုနဲ့အန်ဂျယ်ဟျွန်းရန်မဖြစ်တဲ့ရက်ဟာသူတို့နှစ်ယောက်ထဲကတစ်ယောက်နားရက်ရတဲ့နေ့သာဖြစ်လိမ့်မည်မှာဟာလည်းအသေအချာပင်ဖြစ်သည်။
''အဲ့တော့မင်းတို့ကိစ္စမင်းတို့လုပ် ငါကတော့ငါ့လူနာလမ်းပြန်လျှောက်နိုင်အောင်ငါလုပ်မယ် ဆရာမ ခွဲခန်းအဆင်သင့်လုပ်ထားလိုက်တော့''
''ဟေ့ကောင် မင်းစကားကဘာသဘောလဲ အန်ဂျယ်ဟျွန်း ပြန်လာစမ်းလို့!!!"
အော်ဟစ်ကာလိုက်သွားပါသောဆောအင်ဂုအားကြည့်လို့ဝါရင့်သူနာပြုများကပြုံးသည့်အခါအလုပ်သင်သူနာပြုငယ်လေးများဟာကြောင်ကြည့်ကြလေသည်။အဲ့တာကိုနားလည်သွားတဲ့သူနာပြုခေါင်းဆောင်အစ်မမီနာကထိုသို့ရှင်းပြလေသည်။
''မကြောက်နဲ့နော် သူတို့ကအချစ်စမ်းနေကြတာ အရေးပေါ်ခန်းထဲမှာသူတို့နှစ်ယောက်ကအရိုဆုံးအတွဲဘဲ ဟိုကအတွဲအစစ်တောင်မမှီဘူး ''
အစ်မမီနာပြောတဲ့အခါသူနာပြုငယ်လေးများကပိုပြီးရှုပ်ထွေးသွားတဲ့ပုံပေါက်ပေမဲ့တစ်ပတ်လောက်နေရင်သဘောပေါက်သွားမှာပါလေ။ဟိုအတွဲကခက်ကဲကဲရယ်။
....
''အား နောက်ဆုံးတော့ပြန်ချိန်လေးရောက်ခဲ့ပြီဘဲ''
