فات هداك النهار شباب بزاف حوسنا و درنا ، تعشينا برا و دخلنا ، قعدنا مجمعين في الصالة كيما قلتلكم جايا كبيرة بزاف ، أميرة رقدت و حنا بقينا ، المهم حكينا على كيفاش فات النهار و بدينا نلعبو لعبة تاع" je t'ai eu" هي تطبيق في التلفون كامل يديرو صباعهم و لي تطيح فيه يدير واش يقولوله ، انا قبلت باش نلعب معاهم و كاين لي مبغاوش كيما سفيان و وحدين، جوليا هي لولة لي تلصق تحب تشارك في كلشي و راني عارفة راه في بالها كاش حاجة و تبغي دير كلشي باش تتقرب من زوجي العاقل، بدينا نلعبو طاحت في مايا ، قالولها تنوض ترقص رقصتهم تاع الشيلي ، ناضت رقصت و انا ميتة بالضحك مقدرتش نشدها، منبعد طاحت في ريان قالوله اعترف لي تبغيها رسلها ميساج دروك ، قالهم لا معنديش وحدة في قلبي بصح كامل ناضوله ، أيا جبد تلفونه شفت حوس على كونت تاع شيرة و رسلها ميساج تمتم بلع تلفون و حطه، و يا ريت مدارش كيما هكا علابالي اليوم مروة تهبل ، شفت فيها صبتها تشوف فيه بوحد النظرة شوية و تبكي شافت فيا ، درتلها بعيني حرزي تبكي شدتها غير لتم ، رفدت تلفونها تشوف بالاك رسلها هي بصح مصابت والو ، انا و سارة و مايا فهمناها غايا ، مايا بدلت سوجي ، هاد الخطرة طاحت فيا ويااا شانكره هكا دارو عندي سكتو ڨاع علالبي باغيين يديرولي حاجة صعيبة ، نطق ريان قالهم صعبولها صعبولها ، قتله بلع نتا ، مايا قالتلهم انا ني عارفة شاندير باسكو حكاتلي على وحد الحاجة حساسة بزاف و راني عارفة صعيبة عليها ، انا قلت اليوم تقولي روحي اعترفي ل سفيان صاي حبيت نبول على روحي، قلتلها لا لا صاي منلعبش ، قاتلي وين وين رايحة قعدي ، قلتلها صحا هيا قولليلي شاكاين ، قاتلي رسلي دروك ل إكس تاعك قوليله نبغيك ، قلتلها يموتو و ينقرضو ڨاع رجال الدنيا و منرسلش لهادا، قاتلي لا ترسلي قاتلي صحا على الأقل قوليله كلمة شابة و نشوفو ردة الفعل تاعه ، تنهدت من قلبي مين صبتهم يقارعو ، بففف بزاف بزاف ، رفدت تلفوني نحوس على النيميرو. دخلت لواتساب باش نعيطله تما و من زهري صبته اون لاين ، عيطت لولة مرفدش قلتلهم لا مرفدش أيا حتى هو عيطلي يا ربي هدا علاه يعيطلي ، رفدت عليه قالي الو ، انا سكتت تفكرت ڨاع واش دارلي و نهار لي خدعني و نهار لي وقفت ضد عايلتي على جاله و سمح فيا و المرض لي فوتته بسبابه و الناس لي خسرتهم على جاله و زيد مين قالي راه عندي لالة النسا نتي معندي ماندير بيك ، هادو فاتو عليا كيما المنام في دقيقة ، هو ولا يقولي الو الو ، تبكشت حتى نقزتني سارة باش فطنت ، قلتله الو أمير! قالي آنآ؟ قلتله ايه أنا هي ، قالي واش خاصك مني ياك قلتلك متزيدش تدوري ب ربي و بدا يطيحلي قالي انا راه عندي لالة النسا ، عاودهالي ، انا حكمني الجنون صاي ، قلعلته وحد التقليعة بديت نعاير نعاير فيه منبعد قلتله متنساش تصاوير تاوعك راهم عندي و نتا تعرفهم شاوالا، حكملي ريان تلفون قاله هادي مرتي تزيد تدور بيها ¥¥¥¥¥ ، بلا ما نقول شاقال ، تحيا ريان تحيا ريان ، قطع في وجهه و مدلي تلفون ، الصح الصح مبغيتش كامل نوصل لهاد الموصل ، مايا ديريلي غير لي بروبلام ، بصح سكتت و البكية غير نشدها منبعد و نبكي، قالي ريان متعمريش راصك بيه باين مشي راجل ، قاع جاو معايا قالولي فكك منه، كملنا اللعب و هاد الخطرة طاحت في جوليا ، نطقت أحلام و هادي من جماعتنا تاني و من جماعة لي اونكوبل ، قالتلها رسلي لي تحبيه دروك ، قالتلها و يلا هادا. لي نحبو راه هنا واش ندير ، قالتلها يلا راه هنا روحي نوضي و سلمي عليه، انا قلبي طاح صاي ، راني عارفة راهي على سفيان ، منقدرش نشوفها تسلم عليه باسكو نموت و انا حية والله نموت. ضحكت هي الضحكة لي تقيي الواحد و ناضت عند سفيان جبداته عندها و حبت تبوسه هو ومكانش يقارعها منها دور راصه جات البوسة في خده ، وليت نستفڨ مقدرتش انا نروح مقدرتش ، شفت في تلفوني رفدته و درته على ودني قلت الو ، واه ، دقيقة ندخل شومبرتي و نحكي ، مثلت بلي عيطلي واحد قلتلهم بونويي و نضت نجري طلعت لشومبرتي دخلت بلعتها و بديت نبكي نبكي علابالي نبكي في باطل بصح نحبو الله غالب منجمش نشوف وحدة تدور بيه ، غير خزرة برك مابالك تروح تعنقه و تزيد تسلم عليه ،
____________________________
هاي بنات علابالي طولت عليكم بصح صاي رجعت ، كل يوم نحطلكم بارت جديد مي مكانش كامل تفاعل 💔🥺
أنت تقرأ
أحببت شخصا لا يعرفني🇩🇿
Romance❌❌ لا أسمح بنقل حرف من روايتي و إلا سأتصرف بطريقة قانونية رواية ، الجزء الأول(الحلقات الاولى) حقيقي من بنت أمريكية صديقتي ✅ و الجزء الثاني من تطويري أناغيم و سفيان، قصة بنت تحب واحد ، هو مايعرفهاش، راح يبادلها الشعور؟ ، هل يوجد لقاء بيناتهم؟، كيف...
