بين عينيها حكايا

مشهد

#بين_عينيها_حكايا

ملاحضة /القصة تصنيفها للبالغين
بعض المشاهد للبالغين أكرر للبالغين
أذا لم تستطع قراءة تلك المشاهد
تستطيع ببساطة أن لا تقرأها
وتقرأ الجزء الذي يليها 🌼

قادني أحساسي أطلع وراهة هي وصديقتهة
هي تگول طالعين نشتري اشياء تخص البحث بالكلية
بس جانت مرتبكة وجنطتهة منفوخة عبالك مملية ملابس
اخذت تكسي وطلعت وراهن
مشت السيارة بية واني وراهن دماغي يفترر وأحس فاقدة كل احساس ماعدا الخوف من اللي
راح أشوفة
مشت السيارة ودخلت منطقة راقية
نزلن يم عمارة عملاقة
وصعدن بمصعد خليت انتباهي ويا أرقام المصعد
وين يتوقف على اي طابق اصعد وراهن
وگف عالخامس
صعدت توقف المصعد واني توقف گلبي عن النبض
وگفت گبال شقتين بالطابق حرت أي وحدة ادگ بابهة
دعيت بگلبي يارب اكون أحلم واختي متسوي شي
ينزل راسهة وراسنة
اول باب عاليسار محد فتحة
الثاني
دگيت الجرس وأسمع صوت ضحگتهة يجلجل وهي تحجي
اگعدو اني أفتح الباب اسويلة مفاجأة
تحجي من ورة الباب
اشتاقيتلي لازم واجيت راكض لحضني
فتحت الباب وليتهة مافتحتة
فستان أقل مايقال عنة خزي
قصير بگصة عميقة من يم الصدر
ومكياج جاي ويا لون عيونهة اخضر
وحمرة ماروني غامق
بصدمتهة سحلتهة حيييييل من شعرهة وهي تبجي
-الله عليج  اوگفي خل أفهمج

مشهد آخر...........
اتخطى بين الغرف واتعثر بخطواتي وصلت
للخطوة
الي أخذت من عمري عمر
عمري أنقسم نصفين
تاريخ حياتي راح يتجزأ جزئين
جزء قبل فتحي للباب
وجزء بعدة
جمعت آخر ذرات قوتي ودفعت يدة الباب
اي
هذا هو
وهاية هي
نصف عرايا
مجردين بأنفاس لاهثة
بأجساد متعرقة
انعكاسهم بمرايا الغرفة بدة يتكرر بدماغي مثل شريط سينما قديم يكرر نفسة مراراً وتكراراً

هي
وهو مشغولين بشهوتهم مسمعو صوت
صرير الباب وهو ينفتح ولا شافوني بسبب أبتعاد السرير بنهاية الغرفة عن الباب هي المرايا
المرايا وحدهة اللي عكست بشاعة فعلتهم ودناءة دواخلهم
هي المرايا عكست وبصورة كاملة
صورتهم يمارسون طقوس خيانتهم ببيبتي ومنو همة
هو
وهي هي أخت دنيتي  اللي تقاسمت وياهة اسراري
وحياتي وهو اللي ضيعت عمري أحاول اعوضة النقص اللي اني حاستة
شلون شلون شلون . . . . تتكرر وتتكرر الكلمة
صوتي يصرخ داخل أعماقي
رافض يطلع
يلة
يلة أصرخي
نبهيهم
اصرخي
خل يحسون بوجودج
صوتي يتجه لأعماقي ويتكسر ويختفي
غضبي مثل الموجة العملاقة تنفجر بغضب وتتلاشى من تتكسر على أقرب صخرة
وأخيراً أنتبه لأنعكاسي بالمراية گبالة
اي هاي عيونة
وهاي نظراتة
نفس النظرات اللي يوجهة الية من نمارس الحب
فز وهو يشمر عليهة اللحاف حتى تستر نفسهة
ودمعة الندم طفرت من عينهة
غلقت الباب وطلعت كأني بغلقي للباب راح يختفي هو وياهة ويختفي فصل مسرحية الخيانة الشيطانية اللي بينهم